Tvöföld tímamót Carminu 12. febrúar 2007 07:15 Kammerkórinn Carmina. Á leið á eina virtustu endurreisnar- og barokktónlistar-hátíð Skandinavíu. Kammerkórinn Carmina tekur þátt í virtri endurreisnar- og barokktónlistarhátíð í Svíþjóð á komandi sumri og heldur þá í sína fyrstu utanlandsferð. Fram undan eru einnig tímamótatónleikar í Kristskirkju. Kórinn var stofnaður fyrir aðeins þremur árum og Árni Heimir Ingólfsson, tónlistarfræðingur og listrænn stjórnandi hópsins, útskýrir að því sé þetta mikill heiður fyrir félaga hans. Tónlistarhátíðin Stockholm Early Music Festival sé önnur tveggja stærstu hátíða sinna tegundar á Norðurlöndunum og því felist mikil viðurkenning í þessu boði aðstandenda hennar. „Það er á vissan hátt staðfesting þess sem við höfum verið að vinna að – að koma á endurreisnarhópi í fremstu röð hér á landi,“ segir hann. Meðlimir kórsins eru allir þrautþjálfaðir söngvarar og hafa hlotið mikilsverða reynslu innan annarra kóra. Á tónleikum hátíðarinnar flytur kórinn efnisskrá með íslenskri endurreisnartónlist sem finna má í svokölluðu Melódía-handriti en hópurinn flutti hana á Sumartónleikum í Skálholti í fyrra. „Melódía er stærsta nótnahandritið sem varðveist hefur hér á landi en í því eru yfir tvö hundruð lög,“ útskýrir Árni Heimir. Handritið er frá miðri 17. öld en hópurinn hefur unnið töluvert með þá tónlist og hljóðritað hluta hennar og er diskur með flutningi þeirra er væntanlegur í verslanir. „Aðstandendur hátíðarinnar fréttu af okkur og báðu um upptökur og síðan fylgdi boðið í kjölfarið. Ég held að það sé mikill og almennur áhugi víða um heim hjá fólki sem vill fræðast meira um hvers konar tónlistarlandslag var á Íslandi á þessum tíma,“ segir Árni Heimir. Hátíð sem þessi er kjörinn vettvangur fyrir fólk að kynnast og efla tengsl sín á milli og segir Árni Heimir að á hátíðinni í sumar verði fjölmargir aðrir spennandi hópar, einkum frá Frakklandi og Þýskalandi og nefnir sérstaklega spænska hópinn Hesperion XXI undir stjórn gömbuleikarans Jordi Savall. En það er skammt stórra högga í millum hjá kórnum. Nú á vordögum heldur Carmina tónleika í Kristskirkju þar sem félagarnir frumflytja eitt af meistaraverkum endurreisnarinnar, Requiem eða Sálumessu eftir spænska tónskáldið Tomás Luis de Victoria. „Það er raunar til marks um hversu lítið endurreisnartónlist hefur átt upp á pallborðið hérlendis að við skulum vera að frumflytja þetta verk nú,“ segir Árni Heimir og áréttar að Sálumessa þessi sé standardverk hjá sambærilegum tónlistarhópum víða um heim. „Victoria er lítið þekktur hér á landi en hann er einn af stóru nöfnunum. Þetta er ótrúlega mikilfengleg og dramatísk tónlist sem gefur flytjendunum tækifæri til þess að sýna allt litróf tilfinninganna. Þetta er verk sem mig hefur lengi langað til að flytja.“ Auk sálumessunnar mun Carmina flytja verk eftir endurreisnartónskáldin Cristóbal de Morales og Josquin des Prez. Á tónleikunum í Kristskirkju munu fjórir söngvarar úr BBC Singers, The Tallis Scholars og Westminster Abbey-kórnum í Lundúnum slást í lið með félögum í Carminu. Tónleikahald er ekki algengt í Kristskirkju og lýtur nokkuð ströngum reglum. „Við höfum notið mikillar velvildar hjá aðstandendum kirkjunnar,“ útskýrir Árni Heimir og segir tónleikastaðinn afar viðeigandi. „Tónlistin sem við flytjum á rætur sínar að rekja til kaþólskrar hefðar og af þeim kirkjum á höfuðborgarsvæðinu er engin sem býr yfir jafn fallegri umgjörð um þessa tónlist eins og Kristskirkja.“ Tónleikarnir í Kristskirkju verða 17. og 18. mars og hefjast kl. 16 báða dagana. Miðasala hefst í verslun 12 Tóna á fimmtudag en þess skal getið að ekki verður hægt að kaupa miða á tónleikastaðnum sjálfum. kristrun@frettabladid.is Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Í hnapphelduna með krókódílamanninum Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Kammerkórinn Carmina tekur þátt í virtri endurreisnar- og barokktónlistarhátíð í Svíþjóð á komandi sumri og heldur þá í sína fyrstu utanlandsferð. Fram undan eru einnig tímamótatónleikar í Kristskirkju. Kórinn var stofnaður fyrir aðeins þremur árum og Árni Heimir Ingólfsson, tónlistarfræðingur og listrænn stjórnandi hópsins, útskýrir að því sé þetta mikill heiður fyrir félaga hans. Tónlistarhátíðin Stockholm Early Music Festival sé önnur tveggja stærstu hátíða sinna tegundar á Norðurlöndunum og því felist mikil viðurkenning í þessu boði aðstandenda hennar. „Það er á vissan hátt staðfesting þess sem við höfum verið að vinna að – að koma á endurreisnarhópi í fremstu röð hér á landi,“ segir hann. Meðlimir kórsins eru allir þrautþjálfaðir söngvarar og hafa hlotið mikilsverða reynslu innan annarra kóra. Á tónleikum hátíðarinnar flytur kórinn efnisskrá með íslenskri endurreisnartónlist sem finna má í svokölluðu Melódía-handriti en hópurinn flutti hana á Sumartónleikum í Skálholti í fyrra. „Melódía er stærsta nótnahandritið sem varðveist hefur hér á landi en í því eru yfir tvö hundruð lög,“ útskýrir Árni Heimir. Handritið er frá miðri 17. öld en hópurinn hefur unnið töluvert með þá tónlist og hljóðritað hluta hennar og er diskur með flutningi þeirra er væntanlegur í verslanir. „Aðstandendur hátíðarinnar fréttu af okkur og báðu um upptökur og síðan fylgdi boðið í kjölfarið. Ég held að það sé mikill og almennur áhugi víða um heim hjá fólki sem vill fræðast meira um hvers konar tónlistarlandslag var á Íslandi á þessum tíma,“ segir Árni Heimir. Hátíð sem þessi er kjörinn vettvangur fyrir fólk að kynnast og efla tengsl sín á milli og segir Árni Heimir að á hátíðinni í sumar verði fjölmargir aðrir spennandi hópar, einkum frá Frakklandi og Þýskalandi og nefnir sérstaklega spænska hópinn Hesperion XXI undir stjórn gömbuleikarans Jordi Savall. En það er skammt stórra högga í millum hjá kórnum. Nú á vordögum heldur Carmina tónleika í Kristskirkju þar sem félagarnir frumflytja eitt af meistaraverkum endurreisnarinnar, Requiem eða Sálumessu eftir spænska tónskáldið Tomás Luis de Victoria. „Það er raunar til marks um hversu lítið endurreisnartónlist hefur átt upp á pallborðið hérlendis að við skulum vera að frumflytja þetta verk nú,“ segir Árni Heimir og áréttar að Sálumessa þessi sé standardverk hjá sambærilegum tónlistarhópum víða um heim. „Victoria er lítið þekktur hér á landi en hann er einn af stóru nöfnunum. Þetta er ótrúlega mikilfengleg og dramatísk tónlist sem gefur flytjendunum tækifæri til þess að sýna allt litróf tilfinninganna. Þetta er verk sem mig hefur lengi langað til að flytja.“ Auk sálumessunnar mun Carmina flytja verk eftir endurreisnartónskáldin Cristóbal de Morales og Josquin des Prez. Á tónleikunum í Kristskirkju munu fjórir söngvarar úr BBC Singers, The Tallis Scholars og Westminster Abbey-kórnum í Lundúnum slást í lið með félögum í Carminu. Tónleikahald er ekki algengt í Kristskirkju og lýtur nokkuð ströngum reglum. „Við höfum notið mikillar velvildar hjá aðstandendum kirkjunnar,“ útskýrir Árni Heimir og segir tónleikastaðinn afar viðeigandi. „Tónlistin sem við flytjum á rætur sínar að rekja til kaþólskrar hefðar og af þeim kirkjum á höfuðborgarsvæðinu er engin sem býr yfir jafn fallegri umgjörð um þessa tónlist eins og Kristskirkja.“ Tónleikarnir í Kristskirkju verða 17. og 18. mars og hefjast kl. 16 báða dagana. Miðasala hefst í verslun 12 Tóna á fimmtudag en þess skal getið að ekki verður hægt að kaupa miða á tónleikastaðnum sjálfum. kristrun@frettabladid.is
Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Í hnapphelduna með krókódílamanninum Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira