Lífið og fjörið á Akureyri 16. febrúar 2007 08:00 Magnús Geir Þórðarson leikhússtjóri. Samningur hans er endurnýjaður til þriggja ára. Mikil tíðindi berast að norðan frá Leikfélagi Akureyrar: Magnús Geir Þórðarson hefur verið ráðinn áfram sem leikhússtjóri og mun sitja á friðarstóli allt til 2010. Það eru æfingar í fullum gangi á Lífinu – notkunarreglum, nýju leikriti eftir Þorvald Þorsteinsson. Þetta er fyrsta verkið sem Akureyringurinn Þorvaldur skrifar fyrir LA. Einvala lið stýrir leikhópi LA og útskriftarárgangi leiklistardeildar Listaháskólans en sýningin er sett upp í samstarfi þessara aðila. Megas hefur samið tónlist við verkið sem m.a. inniheldur 10 ný sönglög við texta Þorvaldar. Hefur Megas ekki áður lagt sig eftir tónsmíðum við texta annars höfundar í þessum mæli. Magga Stína útsetur, stýrir tónlistinni í sýningunni og tekur þátt í flutningi verksins. Það er Kjartan Ragnarsson sem leikstýrir sýningunni og er þetta fyrsta verkefni hans eftir langt hlé. Leikskáldið Þorvaldur hannar einnig leikmynd og búninga en þetta er í fyrsta skipti sem hann tekst á við það í leikhúsi, þótt hann sé þekktur myndlistarmaður. Frumsýning er 17. mars í Rýminu, nýju leiksviði LA. Í lýsingu LA á verkinu segir: „Lífið – notkunarreglur er ævintýrið um okkur öll – fullt af hlýju, tónlist og leiftrandi húmor. Hvað var það nú aftur sem við áttum að gera við þetta blessaða líf? Erum við kannski að misskilja þetta allt saman? Eða er ástin ef til vill svarið sem allt snýst um? Litríkur hópur fólks stendur frammi fyrir áleitnum spurningum um framtíðina og eigin hlutverk í lífinu, spurningunum sem enginn virðist geta svarað svo vel sé, enda fylgir sjaldnast bæklingur með börnunum sem fæðast í þennan heim. Hér er fjallað um sundurleitan samtíma og óvissa framtíð á svo mannlegum og hrífandi nótum að allir verða ríkari á eftir.“ Í vikunni var gerður nýr samningur milli Akureyrarbæjar og Leikfélags Akureyrar um starfsemi leikhússins næstu þrjú árin. Samkomulagið er reist á samningi Akureyrarbæjar og menntamálaráðuneytisins um samstarf í menningarmálum til þriggja ára og felur í sér framlag til LA upp á samtals 322 milljónir. Að auki stefna aðilar að aukningu í starfsemi leikhússins frá og með árinu 2009, m.a. með uppsetningum í nýju menningarhúsi, Hofi, og mögulega einnig fjölgun uppsetninga leikhússins almennt. Framlög til LA eru samkvæmt samningnum 100 milljónir króna á þessu ári, 102 milljónir á því næsta og a.m.k. 105 milljónir á árinu 2009. Að auki geta bæst við fimm milljónir króna ár hvert sem tengdar eru rekstrarlegum árangri. Til samanburðar var fastur stuðningur Akureyrarbæjar á síðasta ári 80 milljónir króna en til viðbótar komu 10 milljónir sem voru greiddar þar sem öllum markmiðum hafði verið náð og rekstur var í samræmi við áætlanir: Leikhúsið mun setja upp, eitt sér eða í samstarfi við aðra, fjórar sýningar á ári auk þess sem staðið verður fyrir gestasýningum, fræðslu, ferðum, fundum og ýmiss konar annarri starfsemi. Frá og með árinu 2009 er stefnt að auknu umfangi í rekstri LA. Unnið er að tillögum að því í hverju þessar breytingar felist en ljóst er að hluti þeirra felst í aðkomu LA að menningarhúsinu Hofi en einnig er mögulegt að uppsetningum LA fjölgi. Þá er unnið að undirbúningi vígslusýningar LA í menningarhúsinu. Félagið hefur náð góðri stöðu á þriggja ára ráðningartíma Magnúsar, skuldahali greiddur og varasjóði komið upp. Í undirbúningi er næsta leikár og munu Óvitar eftir Guðrúnu Helgadóttur verða fyrsta verkefni ársins. Sýningar á Svörtum ketti standa enn og væntanlegur er leikhópur suður til Reykjavíkur þar sem Karíus og Baktus verða leiknir í Borgarleikhúsinu. Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Fundu ástina á ný eftir skilnað Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Mikil tíðindi berast að norðan frá Leikfélagi Akureyrar: Magnús Geir Þórðarson hefur verið ráðinn áfram sem leikhússtjóri og mun sitja á friðarstóli allt til 2010. Það eru æfingar í fullum gangi á Lífinu – notkunarreglum, nýju leikriti eftir Þorvald Þorsteinsson. Þetta er fyrsta verkið sem Akureyringurinn Þorvaldur skrifar fyrir LA. Einvala lið stýrir leikhópi LA og útskriftarárgangi leiklistardeildar Listaháskólans en sýningin er sett upp í samstarfi þessara aðila. Megas hefur samið tónlist við verkið sem m.a. inniheldur 10 ný sönglög við texta Þorvaldar. Hefur Megas ekki áður lagt sig eftir tónsmíðum við texta annars höfundar í þessum mæli. Magga Stína útsetur, stýrir tónlistinni í sýningunni og tekur þátt í flutningi verksins. Það er Kjartan Ragnarsson sem leikstýrir sýningunni og er þetta fyrsta verkefni hans eftir langt hlé. Leikskáldið Þorvaldur hannar einnig leikmynd og búninga en þetta er í fyrsta skipti sem hann tekst á við það í leikhúsi, þótt hann sé þekktur myndlistarmaður. Frumsýning er 17. mars í Rýminu, nýju leiksviði LA. Í lýsingu LA á verkinu segir: „Lífið – notkunarreglur er ævintýrið um okkur öll – fullt af hlýju, tónlist og leiftrandi húmor. Hvað var það nú aftur sem við áttum að gera við þetta blessaða líf? Erum við kannski að misskilja þetta allt saman? Eða er ástin ef til vill svarið sem allt snýst um? Litríkur hópur fólks stendur frammi fyrir áleitnum spurningum um framtíðina og eigin hlutverk í lífinu, spurningunum sem enginn virðist geta svarað svo vel sé, enda fylgir sjaldnast bæklingur með börnunum sem fæðast í þennan heim. Hér er fjallað um sundurleitan samtíma og óvissa framtíð á svo mannlegum og hrífandi nótum að allir verða ríkari á eftir.“ Í vikunni var gerður nýr samningur milli Akureyrarbæjar og Leikfélags Akureyrar um starfsemi leikhússins næstu þrjú árin. Samkomulagið er reist á samningi Akureyrarbæjar og menntamálaráðuneytisins um samstarf í menningarmálum til þriggja ára og felur í sér framlag til LA upp á samtals 322 milljónir. Að auki stefna aðilar að aukningu í starfsemi leikhússins frá og með árinu 2009, m.a. með uppsetningum í nýju menningarhúsi, Hofi, og mögulega einnig fjölgun uppsetninga leikhússins almennt. Framlög til LA eru samkvæmt samningnum 100 milljónir króna á þessu ári, 102 milljónir á því næsta og a.m.k. 105 milljónir á árinu 2009. Að auki geta bæst við fimm milljónir króna ár hvert sem tengdar eru rekstrarlegum árangri. Til samanburðar var fastur stuðningur Akureyrarbæjar á síðasta ári 80 milljónir króna en til viðbótar komu 10 milljónir sem voru greiddar þar sem öllum markmiðum hafði verið náð og rekstur var í samræmi við áætlanir: Leikhúsið mun setja upp, eitt sér eða í samstarfi við aðra, fjórar sýningar á ári auk þess sem staðið verður fyrir gestasýningum, fræðslu, ferðum, fundum og ýmiss konar annarri starfsemi. Frá og með árinu 2009 er stefnt að auknu umfangi í rekstri LA. Unnið er að tillögum að því í hverju þessar breytingar felist en ljóst er að hluti þeirra felst í aðkomu LA að menningarhúsinu Hofi en einnig er mögulegt að uppsetningum LA fjölgi. Þá er unnið að undirbúningi vígslusýningar LA í menningarhúsinu. Félagið hefur náð góðri stöðu á þriggja ára ráðningartíma Magnúsar, skuldahali greiddur og varasjóði komið upp. Í undirbúningi er næsta leikár og munu Óvitar eftir Guðrúnu Helgadóttur verða fyrsta verkefni ársins. Sýningar á Svörtum ketti standa enn og væntanlegur er leikhópur suður til Reykjavíkur þar sem Karíus og Baktus verða leiknir í Borgarleikhúsinu.
Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Fundu ástina á ný eftir skilnað Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira