Engin mótmælahljómsveit 14. apríl 2007 12:30 Pétur Már Guðmundsson, Björn Kolbeinsson, Benedikt Reynisson, Markús Bjarnason og Ólafur Steinsson spila á plötunni Ghost of the Bollocks to Come. Fyrsta plata Skáta í fullri lengd, Ghost of the Bollocks to Come, er komin út á vegum útgáfufélagsins Grandmothers Records. Freyr Bjarnason ræddi við gítarleikarann Benedikt Reynisson. Ghost of the Bollocks to Come var að mestu leyti tekin upp á einni helgi í febrúar á síðasta ári í sumarbústað að Kiðjabergi í Grímsnesi af Bjarna Þórissyni. „Þetta er í grunninn rokktónlist. Þetta er samt ekki „straightforward“ rokk heldur aðallega í anda bandarísks nýbylgjurokks og pönks frá 1980,“ segir Benedikt. „Við fílum líka alveg nútímatónskáld eins og Terry Reilly eins og kemur fram í einu laginu.“ Skátar stefna að því að fylgja plötunni eftir erlendis, meðal annars í Bretlandi og Bandaríkjunum. Tvö ár eru liðin síðan sveitinni bauðst plötusamningur við Moshi Moshi-útgáfuna í Englandi, sem hefur haft á sínum snærum Hot Chip og Bloc Party. Samningurinn þótti ekki nógu góður og vonast Skátar til að uppskera betri samning eftir næstu tónleikaferð. „Okkur leist ekki á það sem þeir buðu. Við erum með lögfræðing í hljómsveitinni og það kom sér vel. Við fengum líka fyrirspurn frá EMI en sinntum henni ekki,“ segir Benedikt af einstakri rósemi. Auk þess að hafa spilað í Englandi hafa Skátar haldið tónleika í Belgíu, þar sem stóriðjustefnu Íslendinga var mótmælt. „Við vildum vekja athygli á þesu málefni og á tónleikana mætti fólk sem hefur verið að mótmæla á Kárahnjúkum. Við erum alltaf til í að taka afstöðu en við erum engin mótmælendahljómsveit. Við erum samt allir með sterkar skoðanir.“ Þrátt fyrir að ný plata sé komin út hefur hálfgert óvissuástand ríkt hjá Skátum að undanförnu. Gítarleikarinn Ólafur Steinsson flutti til Bandaríkjanna og söngvarinn Markús Bjarnason flutti til Færeyja. Einnig missti sveitin æfingahúsnæði sitt og enduðu þau leiðindi í málaferlum þar sem Skátar voru á endanum sýknaðir. Hafa þeir nú byggt nýtt æfingahúsnæði á Kleppsvegi ásamt Jeff Who?, Ske, Jan Mayen, Ælu og Bacon. Titill plötunnar, Ghost of the Bollocks to Come, er vísun í þessi vandamál sem hafa gengið yfir sveitina, auk hins sífellt versnandi ástands í heiminum að þeirra mati. Útgáfupartí vegna nýju plötunnar verður haldið í kvöld á Barnum. Mest lesið Ástin spyr ekki um aldur hjá þessum pörum Lífið Birta Líf og Gunnar Patrik eignuðust dóttur Lífið Selur íbúðina og flytur til Eyja Lífið Silfurrefurinn George Clooney á bak og burt Lífið Kviknakinn Pétur Jóhann veinaði í brasilísku vaxi Lífið Leiksigur Ladda Gagnrýni Ungfrú Ísland snýst ekki um fallegustu stelpuna Lífið „Sagði börnunum að vondur maður hefði meitt mömmu“ Áskorun Lá ekki á óvinsælum skoðunum sínum Lífið Tapsár Måns svarar gagnrýnendum fullum hálsi Lífið Fleiri fréttir Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi „Frelsi til að gera allt sem þig langar til“ Þessi eru tilnefnd til Íslensku tónlistarverðlaunanna Bein útsending: Tilnefningar til Íslensku tónlistarverðlaunanna Draumurinn rættist að syngja með Bubba Gekk 20 metra á 35 mínútum í tíu gráðu frosti The Smashing Pumpkins til Íslands Þau fóru áfram í úrslit söngvakeppninnar Sjá meira
Fyrsta plata Skáta í fullri lengd, Ghost of the Bollocks to Come, er komin út á vegum útgáfufélagsins Grandmothers Records. Freyr Bjarnason ræddi við gítarleikarann Benedikt Reynisson. Ghost of the Bollocks to Come var að mestu leyti tekin upp á einni helgi í febrúar á síðasta ári í sumarbústað að Kiðjabergi í Grímsnesi af Bjarna Þórissyni. „Þetta er í grunninn rokktónlist. Þetta er samt ekki „straightforward“ rokk heldur aðallega í anda bandarísks nýbylgjurokks og pönks frá 1980,“ segir Benedikt. „Við fílum líka alveg nútímatónskáld eins og Terry Reilly eins og kemur fram í einu laginu.“ Skátar stefna að því að fylgja plötunni eftir erlendis, meðal annars í Bretlandi og Bandaríkjunum. Tvö ár eru liðin síðan sveitinni bauðst plötusamningur við Moshi Moshi-útgáfuna í Englandi, sem hefur haft á sínum snærum Hot Chip og Bloc Party. Samningurinn þótti ekki nógu góður og vonast Skátar til að uppskera betri samning eftir næstu tónleikaferð. „Okkur leist ekki á það sem þeir buðu. Við erum með lögfræðing í hljómsveitinni og það kom sér vel. Við fengum líka fyrirspurn frá EMI en sinntum henni ekki,“ segir Benedikt af einstakri rósemi. Auk þess að hafa spilað í Englandi hafa Skátar haldið tónleika í Belgíu, þar sem stóriðjustefnu Íslendinga var mótmælt. „Við vildum vekja athygli á þesu málefni og á tónleikana mætti fólk sem hefur verið að mótmæla á Kárahnjúkum. Við erum alltaf til í að taka afstöðu en við erum engin mótmælendahljómsveit. Við erum samt allir með sterkar skoðanir.“ Þrátt fyrir að ný plata sé komin út hefur hálfgert óvissuástand ríkt hjá Skátum að undanförnu. Gítarleikarinn Ólafur Steinsson flutti til Bandaríkjanna og söngvarinn Markús Bjarnason flutti til Færeyja. Einnig missti sveitin æfingahúsnæði sitt og enduðu þau leiðindi í málaferlum þar sem Skátar voru á endanum sýknaðir. Hafa þeir nú byggt nýtt æfingahúsnæði á Kleppsvegi ásamt Jeff Who?, Ske, Jan Mayen, Ælu og Bacon. Titill plötunnar, Ghost of the Bollocks to Come, er vísun í þessi vandamál sem hafa gengið yfir sveitina, auk hins sífellt versnandi ástands í heiminum að þeirra mati. Útgáfupartí vegna nýju plötunnar verður haldið í kvöld á Barnum.
Mest lesið Ástin spyr ekki um aldur hjá þessum pörum Lífið Birta Líf og Gunnar Patrik eignuðust dóttur Lífið Selur íbúðina og flytur til Eyja Lífið Silfurrefurinn George Clooney á bak og burt Lífið Kviknakinn Pétur Jóhann veinaði í brasilísku vaxi Lífið Leiksigur Ladda Gagnrýni Ungfrú Ísland snýst ekki um fallegustu stelpuna Lífið „Sagði börnunum að vondur maður hefði meitt mömmu“ Áskorun Lá ekki á óvinsælum skoðunum sínum Lífið Tapsár Måns svarar gagnrýnendum fullum hálsi Lífið Fleiri fréttir Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi „Frelsi til að gera allt sem þig langar til“ Þessi eru tilnefnd til Íslensku tónlistarverðlaunanna Bein útsending: Tilnefningar til Íslensku tónlistarverðlaunanna Draumurinn rættist að syngja með Bubba Gekk 20 metra á 35 mínútum í tíu gráðu frosti The Smashing Pumpkins til Íslands Þau fóru áfram í úrslit söngvakeppninnar Sjá meira