Nemar í skóla tímans 28. apríl 2007 13:00 Leiðirnar hafa alltof sjaldan legið saman. Margrét Helga Jóhannsdóttir og Sigurður Skúlason léku síðast saman árið 1969. Nú er kominn tími á samstarfið aftur. Leikararnir góðkunnu Margrét Helga Jóhannsdóttir og Sigurður Skúlason fagna 40 ára leikafmæli sínu um þessar mundir, en þau útskrifuðust bæði frá Leiklistarskóla Þjóðleikhússins í maí 1967 að loknu þriggja ára námi. Af þessu tilefni efna þau til leiklistardagskrár í Kúlunni í Þjóðleikhúsinu og flytja þar brot úr klassískum leikverkum eftir Shakespeare, Edward Albee og Halldór Laxness. Margrét Helga útskýrir að leiðir hennar Sigurðar hafi alltof sjaldan legið saman en þau hafa um áraraðir starfað hvort hjá sínu leikfélaginu. Þau léku saman í nokkur ár hjá Þjóðleikhúsinu en svo skildi leiðir. Sigurður hefur nú sagt föstum samningi sínum við Þjóðleikhúsið lausum en Margrét Helga, sem lengst af hefur starfað hjá Leikfélagi Reykjavíkur, æfir um þessar mundir verkið Lík í óskilum, eftir leikskáldið Anthony Neilson, í Borgarleikhúsinu. „Við höfum nú ekki fengið mikinn tíma til þess að rifja upp gamla daga,“ útskýrir Margrét Helga enda glíma leikararnir við verðug verkefni í textum Macbeths, Íslandsklukkunnar og leikritinu Hver er hræddur við Virginíu Woolf? Hvorugt þeirra hefur áður leikið í verkum þessum, utan þess að Margrét lék lítið hlutverk í Macbeth fyrir margt löngu. „Okkur langaði að glíma við eitthvað spennandi og þetta eru gullaldarbókmenntir,“ útskýrir Margrét Helga. „Við fengum þessa hugmynd og ákváðum að framkvæma hana. Stjórnendur leikhúsanna eru almennt ekki að sinna leikafmælum eða starfslokum og slíku. Maður verður að standa með sjálfum sér í þessum bransa og við gerum þetta upp á okkar eigin spýtur nema að Þjóðleikhúsið lánar okkur húsnæði og tæknifólk.“ Umsjónarmaður dagskrárinnar er Þórhallur Sigurðsson leikstjóri, Páll Ragnarsson sér um lýsingu en um tónlist og áhrifshljóð sér Gunnar Hrafnsson. Margrét Helga segist vera lítil fortíðarkona og kýs fremur að horfa framfyrir sig. Þegar þjarmað er að henni og þráspurt um ferilinn segir hún að með minnisstæðari verkefnum sínum hafi verið einleikurinn Sigrún Ástrós sem hún flutti oftar en hundrað sinnum hér um árin. „Það var kærkomið endurmenntunarferli sem ég dreif mig í sjálf,“ segir hún og bætir við að nýlega hafi hún dustað rykið af Sigrúnu Ástrósu og æft upp hluta verksins á ný. „Ég er aðeins búin að vera að leika það og finnst það ofsalega gaman. Ég hefði ekkert á móti því að gera meira af því, til dæmis fyrir svona afmæli og slíkt,“ segir hún og kímir. Ráðgert er að þau Sigurður flytji dagskrána „Í skóla tímans“ þrisvar sinnum en tvær sýningar verða eftir helgi. Dagskráin tekur um klukkustund í flutningi en milli atriðanna eru sýndar myndir frá leikferli þeirra beggja. „Leikverkin sjálf þurfa engrar kynningar með,“ útskýrir Margrét. „Þetta eru svo flottir textar og ögrandi en erfitt verkefni. Nú ef við gleymum einhverju getum við náttúrlega alltaf borið við elliglöpunum!“ Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Leikararnir góðkunnu Margrét Helga Jóhannsdóttir og Sigurður Skúlason fagna 40 ára leikafmæli sínu um þessar mundir, en þau útskrifuðust bæði frá Leiklistarskóla Þjóðleikhússins í maí 1967 að loknu þriggja ára námi. Af þessu tilefni efna þau til leiklistardagskrár í Kúlunni í Þjóðleikhúsinu og flytja þar brot úr klassískum leikverkum eftir Shakespeare, Edward Albee og Halldór Laxness. Margrét Helga útskýrir að leiðir hennar Sigurðar hafi alltof sjaldan legið saman en þau hafa um áraraðir starfað hvort hjá sínu leikfélaginu. Þau léku saman í nokkur ár hjá Þjóðleikhúsinu en svo skildi leiðir. Sigurður hefur nú sagt föstum samningi sínum við Þjóðleikhúsið lausum en Margrét Helga, sem lengst af hefur starfað hjá Leikfélagi Reykjavíkur, æfir um þessar mundir verkið Lík í óskilum, eftir leikskáldið Anthony Neilson, í Borgarleikhúsinu. „Við höfum nú ekki fengið mikinn tíma til þess að rifja upp gamla daga,“ útskýrir Margrét Helga enda glíma leikararnir við verðug verkefni í textum Macbeths, Íslandsklukkunnar og leikritinu Hver er hræddur við Virginíu Woolf? Hvorugt þeirra hefur áður leikið í verkum þessum, utan þess að Margrét lék lítið hlutverk í Macbeth fyrir margt löngu. „Okkur langaði að glíma við eitthvað spennandi og þetta eru gullaldarbókmenntir,“ útskýrir Margrét Helga. „Við fengum þessa hugmynd og ákváðum að framkvæma hana. Stjórnendur leikhúsanna eru almennt ekki að sinna leikafmælum eða starfslokum og slíku. Maður verður að standa með sjálfum sér í þessum bransa og við gerum þetta upp á okkar eigin spýtur nema að Þjóðleikhúsið lánar okkur húsnæði og tæknifólk.“ Umsjónarmaður dagskrárinnar er Þórhallur Sigurðsson leikstjóri, Páll Ragnarsson sér um lýsingu en um tónlist og áhrifshljóð sér Gunnar Hrafnsson. Margrét Helga segist vera lítil fortíðarkona og kýs fremur að horfa framfyrir sig. Þegar þjarmað er að henni og þráspurt um ferilinn segir hún að með minnisstæðari verkefnum sínum hafi verið einleikurinn Sigrún Ástrós sem hún flutti oftar en hundrað sinnum hér um árin. „Það var kærkomið endurmenntunarferli sem ég dreif mig í sjálf,“ segir hún og bætir við að nýlega hafi hún dustað rykið af Sigrúnu Ástrósu og æft upp hluta verksins á ný. „Ég er aðeins búin að vera að leika það og finnst það ofsalega gaman. Ég hefði ekkert á móti því að gera meira af því, til dæmis fyrir svona afmæli og slíkt,“ segir hún og kímir. Ráðgert er að þau Sigurður flytji dagskrána „Í skóla tímans“ þrisvar sinnum en tvær sýningar verða eftir helgi. Dagskráin tekur um klukkustund í flutningi en milli atriðanna eru sýndar myndir frá leikferli þeirra beggja. „Leikverkin sjálf þurfa engrar kynningar með,“ útskýrir Margrét. „Þetta eru svo flottir textar og ögrandi en erfitt verkefni. Nú ef við gleymum einhverju getum við náttúrlega alltaf borið við elliglöpunum!“
Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira