Snjóboltaáhrif Sykurmola 30. apríl 2007 09:15 Hugsjónamaður með metnað fyrir íslenskri menningu „Ég er skilvirkur, ég er Hollendingur,“ útskýrir Marcel Edwin Deelen. MYND/Anton Hollendingurinn Marcel Edwin Deelen hefur mikla ástríðu fyrir íslenskri menningu og vinnur nú að því að boða fagnaðarerindi hennar á erlendri grund. Marcel er forsprakki Reykjavík to Foundation, félags sem skipuleggur nú íslensku menningarhátíðina „Reykjavík to Rotterdam“ í annað sinn. Í nóvember verður íslensk innrás í borginni þar sem fjöldi tónlistarfólks, myndlistarmanna, kvikmyndagerðarmanna og danslistafólk mun taka borgina með trompi en Marcel og félagar hans vinna nú hörðum höndum að því að undirbúa jarðveginn. Reykjavík to Foundation er þó ekki gróðabatterí heldur er þar unnið í sjálfboðaliðavinnu enn sem komið er. „Við erum með fólk hér á Íslandi og í Hollandi sem reynir að verja sem mestu af frítíma sínum í þetta,“ segir Marcel. „Þetta er nokkuð nýtt fyrirkomulag,“ segir hann og útskýrir að markmið aðstandenda Reykjavik to Foundation sé að reka hliðstæðar hátíðir og Rotterdam-uppákomuna í fleiri löndum. Þannig eru fleiri hátíðir í bígerð í Berlín, Hamborg, Stokkhólmi og Kaupmannahöfn. „Við viljum ekki takmarka okkur við eitt land heldur horfa lengra og vonum að þessar hátíðir geti vaxið og dafnað með árunum og að þær verði haldnar reglulega í mismunandi borgum.“ Með því að kynna og markaðssetja íslenskar menningarhátíðir vonast félagið til þess að veita íslenskum listamönnum tækifæri á að kynna list sína fyrir breiðum hópi áhorfenda. Auk þess vill Reykjavik to Foundation stuðla að því að mynda tengsl meðal þeirra fjölmörgu Íslendinga sem eru búsettir erlendis. Marcel segir að baki ástríðu sinni á íslenskri menningu búi sígild saga af snjóboltaáhrifum Sykurmolanna. „Ég sá myndband með þeim fyrir mörgum árum síðan og vissi þá ekki að þau voru Íslendingar heldur hafði ég bara áhuga á tónlistinni. Síðan kom ég hingað í frí og svo fór að ég ákvað að flytja til Íslands,“ segir hann. Á meðan Marcel beið eftir því að geta flutt nýtti hann tímann vel og varði kröftum sínum í að koma „Reykjavík to Rotterdam“ hátíðinni á fót. „Það var árið 2005 en sú hátíð gekk virkilega vel. Bæði aðstandendurnir og listamennirnir voru ánægðir með framtakið og þau tengsl sem mynduðust. Við sáum okkur leik á borði og ákváðum að stofna félag eða sjóð til þess að gera meira.“ Þegar Marcel er spurður hvort það sé ekki strembið að standa í svona skipulagningu af hugsjónamennsku segir hann að starfið sé skemmtilegt en útskýrir að aðstandendurnir vonist til þess að í framtíðinni sé hægt að launa erfiðið. „En svo er ég líka skilvirkur, ég er Hollendingur,“ segir hann hlæjandi. Hátíðin í Rotterdam fer fram í nóvember en meðal þátttakenda þar verða hljómsveitinar dáðu Ham og múm og Íslenski dansflokkurinn. Af þeim rúmlega tuttugu íslensku hljómsveitum sem eru á efnisskránni hafa einungis níu spilað áður á meginlandi Evrópu. Þar að auki verða sýndar fjölmargar kvikmyndir og stuttmyndir á hátíðinni. „Við erum með fjölbreyttan hóp af listafólki og í Rotterdam getum við byggt á þeim tengslum sem við sköpuðum síðast. Markmiðið okkar er þó ekki að róa alltaf á sömu miðin heldur viljum við bjóða upp á eitthvað nýtt og spennandi. Það væri auðvelt til dæmis að bóka bara þekkt bönd en okkur finnst fjölbreytnin mikilvægari.“ Nánari upplýsingar um Reykjavík to Foundation má finna á heimasíðunni www.reykjavik.to en þess má geta að félagið leitar nú að liðtæku samstarfsfólki sem þekkir vel til í Hamborg og Kaupmannahöfn. Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira
Hollendingurinn Marcel Edwin Deelen hefur mikla ástríðu fyrir íslenskri menningu og vinnur nú að því að boða fagnaðarerindi hennar á erlendri grund. Marcel er forsprakki Reykjavík to Foundation, félags sem skipuleggur nú íslensku menningarhátíðina „Reykjavík to Rotterdam“ í annað sinn. Í nóvember verður íslensk innrás í borginni þar sem fjöldi tónlistarfólks, myndlistarmanna, kvikmyndagerðarmanna og danslistafólk mun taka borgina með trompi en Marcel og félagar hans vinna nú hörðum höndum að því að undirbúa jarðveginn. Reykjavík to Foundation er þó ekki gróðabatterí heldur er þar unnið í sjálfboðaliðavinnu enn sem komið er. „Við erum með fólk hér á Íslandi og í Hollandi sem reynir að verja sem mestu af frítíma sínum í þetta,“ segir Marcel. „Þetta er nokkuð nýtt fyrirkomulag,“ segir hann og útskýrir að markmið aðstandenda Reykjavik to Foundation sé að reka hliðstæðar hátíðir og Rotterdam-uppákomuna í fleiri löndum. Þannig eru fleiri hátíðir í bígerð í Berlín, Hamborg, Stokkhólmi og Kaupmannahöfn. „Við viljum ekki takmarka okkur við eitt land heldur horfa lengra og vonum að þessar hátíðir geti vaxið og dafnað með árunum og að þær verði haldnar reglulega í mismunandi borgum.“ Með því að kynna og markaðssetja íslenskar menningarhátíðir vonast félagið til þess að veita íslenskum listamönnum tækifæri á að kynna list sína fyrir breiðum hópi áhorfenda. Auk þess vill Reykjavik to Foundation stuðla að því að mynda tengsl meðal þeirra fjölmörgu Íslendinga sem eru búsettir erlendis. Marcel segir að baki ástríðu sinni á íslenskri menningu búi sígild saga af snjóboltaáhrifum Sykurmolanna. „Ég sá myndband með þeim fyrir mörgum árum síðan og vissi þá ekki að þau voru Íslendingar heldur hafði ég bara áhuga á tónlistinni. Síðan kom ég hingað í frí og svo fór að ég ákvað að flytja til Íslands,“ segir hann. Á meðan Marcel beið eftir því að geta flutt nýtti hann tímann vel og varði kröftum sínum í að koma „Reykjavík to Rotterdam“ hátíðinni á fót. „Það var árið 2005 en sú hátíð gekk virkilega vel. Bæði aðstandendurnir og listamennirnir voru ánægðir með framtakið og þau tengsl sem mynduðust. Við sáum okkur leik á borði og ákváðum að stofna félag eða sjóð til þess að gera meira.“ Þegar Marcel er spurður hvort það sé ekki strembið að standa í svona skipulagningu af hugsjónamennsku segir hann að starfið sé skemmtilegt en útskýrir að aðstandendurnir vonist til þess að í framtíðinni sé hægt að launa erfiðið. „En svo er ég líka skilvirkur, ég er Hollendingur,“ segir hann hlæjandi. Hátíðin í Rotterdam fer fram í nóvember en meðal þátttakenda þar verða hljómsveitinar dáðu Ham og múm og Íslenski dansflokkurinn. Af þeim rúmlega tuttugu íslensku hljómsveitum sem eru á efnisskránni hafa einungis níu spilað áður á meginlandi Evrópu. Þar að auki verða sýndar fjölmargar kvikmyndir og stuttmyndir á hátíðinni. „Við erum með fjölbreyttan hóp af listafólki og í Rotterdam getum við byggt á þeim tengslum sem við sköpuðum síðast. Markmiðið okkar er þó ekki að róa alltaf á sömu miðin heldur viljum við bjóða upp á eitthvað nýtt og spennandi. Það væri auðvelt til dæmis að bóka bara þekkt bönd en okkur finnst fjölbreytnin mikilvægari.“ Nánari upplýsingar um Reykjavík to Foundation má finna á heimasíðunni www.reykjavik.to en þess má geta að félagið leitar nú að liðtæku samstarfsfólki sem þekkir vel til í Hamborg og Kaupmannahöfn.
Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira