Hljómsveitirnar GusGus og FM Belfast troða upp á sérstöku Iceland Airwaves-kvöldi í Kaupmannahöfn föstudaginn 1. júní undir yfirskriftinni Mini-Airwaves. Einnig koma fram frönsku raftónlistarmennirnir Spitzer, DJ Nil + Paral-lel og plötusnúðarnir Kasper Björke, Jack Schidt, Teki & Orgasmx.
Tónleikarnir verða haldnir á skemmtistaðnum Vega í miðborg Kaupmannahafnar. Tilgangurinn með þeim er að færa hluta af Airwaves-stemningunni út fyrir landsteinana og kynna hátíðina fyrir Kaupmannahafnarbúum. Icelandair býður upp á pakkaferðir á tónleikana frá Íslandi á 29.900 krónur.
