Í beinu sambandi við Jónas 26. júlí 2007 05:45 Fær leiðsögn að handan Valdimar Leifsson kvikmyndagerðarmaður ásamt leikurunum Erlu Hazel, Steini Ármanni Magnússyni og Petru Kristínu Kristinsdóttur við tökur á mynd um Jónas Hallgrímsson. „Ég vil meina að Jónas sé að tala í gegnum mig," segir kvikmyndagerðarmaðurinn Valdimar Leifsson sem er að ljúka tökum á sjónvarpsmynd í fullri lengd um Jónas Hallgrímsson, einn af Fjölnismönnum okkar á nítjándu öld. Myndin er samansett af leiknum atriðum og viðtölum og er að sögn leikstjórans eins konar ljóð til Jónasar í kabarettstíl. Valdimar skrifaði handritið í samvinnu við Þorstein Marelsson rithöfund sem lést áður en tökur hófust. „Það kom í raun ekkert á óvart að hann skyldi deyja, hann var veikur og bjóst allt eins við því. Við göntuðumst með það að hann myndi þá tala við Jónas. Hann hlýtur að hafa gert það því það hafa margir undarlegir hlutir gerst í tökunum." Valdimar hefur ítrekað fengið köllun frá Jónasi í miðjum tökum um að breyta atriðum og breytingarnar hafa alltaf verið til hins betra. Eins virðist Jónas hafa átt orð við veðurguðina því þeir hafa verið einstaklega hliðhollir tökufólkinu. Kannski þetta sé skýringin á góða veðrinu sem hefur verið hér í sumar. Steinn Ármann sem Jónas Það er Steinn Ármann Magnússon sem fer með hlutverk Jónasar Hallgrímssonar í sjónvarpsmynd Valdimars Leifssonar. Fréttablaðið/GVA „Þetta hefur verið mikið ævintýri. Við tókum meðal annars upp senu í Kaupmannahöfn þar sem Skafti Tímóteus vinur Jónasar drukknar eftir fyllerí þeirra félaga. Við ákváðum að taka bara áhættuna og taka þetta upp án þess að biðja borgaryfirvöld um leyfi. Það fylltist allt af túristum og svo þegar við vorum búin að taka upp stungum við af í leigubíl." Valdimar er viss um að þarna hafi Jónas vakað yfir þeim og komið í veg fyrir handtöku. Í myndinni er einnig fjallað um beinamálið svokallaða. Bein Jónasar voru sem kunnugt er flutt heim frá Kaupmannahöfn og grafin fyrir norðan en voru að lokum flutt í þjóðargrafreitinn á Þingvöllum. „Það eru uppi efasemdaraddir um að þetta hafi í raun verið bein Jónasar sem voru flutt heldur jafnvel bara einhver danskur bakari." Valdimar hefur talað við Íslenska erfðagreiningu sem er tilbúin til að greina beinin fái hún þau til að skera úr um hvort þau séu íslensk eða dönsk. „Ég skora hér með á Þingvallanefndina að gefa mér leyfi til að grafa beinin upp og fá endanlega úr þessu skorið," segir Valdimar að lokum. Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
„Ég vil meina að Jónas sé að tala í gegnum mig," segir kvikmyndagerðarmaðurinn Valdimar Leifsson sem er að ljúka tökum á sjónvarpsmynd í fullri lengd um Jónas Hallgrímsson, einn af Fjölnismönnum okkar á nítjándu öld. Myndin er samansett af leiknum atriðum og viðtölum og er að sögn leikstjórans eins konar ljóð til Jónasar í kabarettstíl. Valdimar skrifaði handritið í samvinnu við Þorstein Marelsson rithöfund sem lést áður en tökur hófust. „Það kom í raun ekkert á óvart að hann skyldi deyja, hann var veikur og bjóst allt eins við því. Við göntuðumst með það að hann myndi þá tala við Jónas. Hann hlýtur að hafa gert það því það hafa margir undarlegir hlutir gerst í tökunum." Valdimar hefur ítrekað fengið köllun frá Jónasi í miðjum tökum um að breyta atriðum og breytingarnar hafa alltaf verið til hins betra. Eins virðist Jónas hafa átt orð við veðurguðina því þeir hafa verið einstaklega hliðhollir tökufólkinu. Kannski þetta sé skýringin á góða veðrinu sem hefur verið hér í sumar. Steinn Ármann sem Jónas Það er Steinn Ármann Magnússon sem fer með hlutverk Jónasar Hallgrímssonar í sjónvarpsmynd Valdimars Leifssonar. Fréttablaðið/GVA „Þetta hefur verið mikið ævintýri. Við tókum meðal annars upp senu í Kaupmannahöfn þar sem Skafti Tímóteus vinur Jónasar drukknar eftir fyllerí þeirra félaga. Við ákváðum að taka bara áhættuna og taka þetta upp án þess að biðja borgaryfirvöld um leyfi. Það fylltist allt af túristum og svo þegar við vorum búin að taka upp stungum við af í leigubíl." Valdimar er viss um að þarna hafi Jónas vakað yfir þeim og komið í veg fyrir handtöku. Í myndinni er einnig fjallað um beinamálið svokallaða. Bein Jónasar voru sem kunnugt er flutt heim frá Kaupmannahöfn og grafin fyrir norðan en voru að lokum flutt í þjóðargrafreitinn á Þingvöllum. „Það eru uppi efasemdaraddir um að þetta hafi í raun verið bein Jónasar sem voru flutt heldur jafnvel bara einhver danskur bakari." Valdimar hefur talað við Íslenska erfðagreiningu sem er tilbúin til að greina beinin fái hún þau til að skera úr um hvort þau séu íslensk eða dönsk. „Ég skora hér með á Þingvallanefndina að gefa mér leyfi til að grafa beinin upp og fá endanlega úr þessu skorið," segir Valdimar að lokum.
Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira