Barnagull 12. nóvember 2007 00:01 Eftir að hafa drepið tímann með nöguðum húsdýrabeinum í meira en þúsund ár stendur íslenskum börnum til boða að eignast alvöruleikföng. Heimskunnar barnamenningarstofnanir eins og Toys 'R Us (Leikföng 'rum við) og Just4Kids (Bara fyrir börn) hafa loksins sett upp útibú hérna á skerinu. Fram á síðustu öld þekktist ekki afþreying handa börnum á Íslandi nema einhvers konar hreyfing sem útheimti líkamlega fyrirhöfn og óþarfa fitubrennslu ef undan eru skilin upptrekkt leikföng eins og spiladósir handa heldri manna börnum. ÞEGAR vísindamönnum tókst að þróa rafhlöður sem voru nógu smáar til að nýtast sem orkugjafar fór loksins að hægjast um hjá íslenskum börnum. Þau gátu kastað mæðinni og sest niður í makindum og látið leikföngin skemmta sér í stað þess að vera sjálf á sífelldum þönum. Skömmu síðar kom sjónvarp fram á sjónarsviðið og með tilkomu þess minnkaði stórlega þörfin fyrir aðra afþreyingu enda er sjónvarpið svar okkar Vesturlandabúa við þrásetu austrænna hugleiðsluiðkenda í leit að því fullkomna tómi sem stundum er kallað nirvana. LEIKJAÞÖRFIN fylgir mannskepnunni frá vöggu til grafar. Hinn viti borni maður er líka nefndur „homo ludens", maðurinn sem leikur sér. Leikir barna endurspegla athafnir hinna fullorðnu og athafnir hinna fullorðnu eru uppblásnar útgáfur af leikjum æskunnar án hláturs og gáska. Bílarnir sem strákar leika sér að stækka með þeim og verða að jeppum og mótorhjólum og brúður og brúðuhúsgögn stelpnanna breytast í „hús og hýbýli". Reyndar varð stökkbreyting á leikjum telpna árið 1959 þegar dúkkan Barbie kom fram á sjónarsviðið. Fram að þeim tíma höfðu brúður verið frumstæðar eftirlíkingar af manneskjum en með hinni grannvöxnu Barbie varð dúkkan sjálf að fyrirmynd barnsins. EITT hefur þó ekki breyst í aldanna rás, sem sé hinn endanlegi tilgangur allra leikja að standa uppi sem sigurvegari í lok leiks. Mælikvarði fullorðna fólksins á sigur eða tap heitir gull. Til að börnin okkar verði sigurvegarar gefum við þeim barnagull. Hamingjan er svo úr allt annarri óperu. Viltu birta grein á Vísi? Sendu okkur póst. Senda grein Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun 10 staðreyndir um verðbólgu og ríkisfjármál Konráð S. Guðjónsson Skoðun Þjóðarmorð með vestrænum vopnum Ingólfur Steinsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun Er eitt næturgaman þess virði? Reynir Böðvarsson Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Viltu vinna of mikið í ár og ennþá meira á næsta ári? Steinunn Þórðardóttir Skoðun
Eftir að hafa drepið tímann með nöguðum húsdýrabeinum í meira en þúsund ár stendur íslenskum börnum til boða að eignast alvöruleikföng. Heimskunnar barnamenningarstofnanir eins og Toys 'R Us (Leikföng 'rum við) og Just4Kids (Bara fyrir börn) hafa loksins sett upp útibú hérna á skerinu. Fram á síðustu öld þekktist ekki afþreying handa börnum á Íslandi nema einhvers konar hreyfing sem útheimti líkamlega fyrirhöfn og óþarfa fitubrennslu ef undan eru skilin upptrekkt leikföng eins og spiladósir handa heldri manna börnum. ÞEGAR vísindamönnum tókst að þróa rafhlöður sem voru nógu smáar til að nýtast sem orkugjafar fór loksins að hægjast um hjá íslenskum börnum. Þau gátu kastað mæðinni og sest niður í makindum og látið leikföngin skemmta sér í stað þess að vera sjálf á sífelldum þönum. Skömmu síðar kom sjónvarp fram á sjónarsviðið og með tilkomu þess minnkaði stórlega þörfin fyrir aðra afþreyingu enda er sjónvarpið svar okkar Vesturlandabúa við þrásetu austrænna hugleiðsluiðkenda í leit að því fullkomna tómi sem stundum er kallað nirvana. LEIKJAÞÖRFIN fylgir mannskepnunni frá vöggu til grafar. Hinn viti borni maður er líka nefndur „homo ludens", maðurinn sem leikur sér. Leikir barna endurspegla athafnir hinna fullorðnu og athafnir hinna fullorðnu eru uppblásnar útgáfur af leikjum æskunnar án hláturs og gáska. Bílarnir sem strákar leika sér að stækka með þeim og verða að jeppum og mótorhjólum og brúður og brúðuhúsgögn stelpnanna breytast í „hús og hýbýli". Reyndar varð stökkbreyting á leikjum telpna árið 1959 þegar dúkkan Barbie kom fram á sjónarsviðið. Fram að þeim tíma höfðu brúður verið frumstæðar eftirlíkingar af manneskjum en með hinni grannvöxnu Barbie varð dúkkan sjálf að fyrirmynd barnsins. EITT hefur þó ekki breyst í aldanna rás, sem sé hinn endanlegi tilgangur allra leikja að standa uppi sem sigurvegari í lok leiks. Mælikvarði fullorðna fólksins á sigur eða tap heitir gull. Til að börnin okkar verði sigurvegarar gefum við þeim barnagull. Hamingjan er svo úr allt annarri óperu.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun