Gael García Bernal í sýningu Gísla 14. ágúst 2007 05:45 Gísli Örn Garðarsson segir sýningar Vesturports ytra hafi skilað sér í áhuga erlendra leikara á samstarfi við hópinn. MYND/Hörður Stórstjarnan Gael García Bernal er á meðal þeirra erlendu leikara sem leika í sviðsuppsetningu Gísla Arnar Garðarssonar á kvikmynd Lukas Moodysson, Tillsammans. Þýski leikarinn Daniel Brühl, sem var í aðalhlutverki í Good Bye Lenin!, mun einnig fara með hlutverk í uppsetningunni, ásamt spænsku leikkonunni Elenu Anaya og hinni frönsku Joanu Preiss. Að því er Fréttablaðið kemst næst hafa stórstjörnur á borð við García Bernal og Brühl aldrei áður stigið á svið í íslenskum leikuppsetningum. Gísli sagði sýningar Vesturports á erlendri grundu hafa skilað sér í áhuga leikaranna á samstarfi við hópinn, en Vesturport hefur gerst víðreist með leiksýningar á borð við Rómeó og Júlíu, Woyzcek og Hamskiptin. „Björn Hlynur lék með Gael í London, og þannig kynntist ég honum. Daniel og Nína voru svo Shooting Stars á sama tíma. Þeir hafa báðir séð sýningar sem ég hef leikstýrt. Við höfum talað um að gera eitthvað saman síðan," útskýrði Gísli, sem sagði hugmyndina um uppsetningu á hippasýningunni Tillsammans hafa höfðað til stórleikaranna tveggja. nordicphotos/getty „Gael kom að sjá Hamskiptin hjá okkur í London. Þegar ég sagði honum að ég væri að fara að gera leiksýningu úr Tillsammans fannst honum það með betri hugmyndum sem hann hafði heyrt í langan tíma og bað um að fá að vera með," sagði Gísli. „Þetta er svona ensemble-verk, og það er oft heillandi fyrir leikara að taka þátt í þannig sýningum. Það er alltaf verið að bjóða þessum strákum að leika Hamlet eða Macbeth á sviði, en mér sýnist þeir hafa meiri áhuga sýningu eins og þessari. Hún er unnin út frá ákveðnum grunni, en verður svo til í meðförum leikaranna," sagði hann. nordicphotos/Getty Gísli sagðist myndu nýta sér þá tungumálaörðugleika sem hljótast af svo fjölbreyttum leikhópi. „Á Íslandi verður þetta íslensk kommúna með nokkrum útlenskum meðlimum. Kannski munu einhverjir reyna að tala íslensku, við eigum eftir að finna út úr því," sagði hann. Leikhópurinn, sem státar einnig af Atla Rafni Sigurðarsyni, Rúnari Frey Gíslasyni, Nínu Dögg Filippusdóttur og Árna Pétri Guðjónssyni, hélt út á land í gær, þar sem vinnuvika er fyrir höndum. „Þar mun ég átta mig á hvernig ég vil að þetta leggist og hver leiki hvað," sagði Gísli. Hvar verkið verður sett upp skýrist á næstunni, en frumsýning er áætluð um áramót. Börkur Jónsson gerir leikmynd og Karl Olgeirsson sér um tónlist, sem verður veigamikill hluti sýningarinnar. Mest lesið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Eva flutt inn í verðlaunahús Kára Lífið Í hnapphelduna með krókódílamanninum Lífið Heldur ekki vatni yfir konunni sinni Lífið Gaf eiginmanninum nektarmynd á stórafmælinu Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Stórstjarnan Gael García Bernal er á meðal þeirra erlendu leikara sem leika í sviðsuppsetningu Gísla Arnar Garðarssonar á kvikmynd Lukas Moodysson, Tillsammans. Þýski leikarinn Daniel Brühl, sem var í aðalhlutverki í Good Bye Lenin!, mun einnig fara með hlutverk í uppsetningunni, ásamt spænsku leikkonunni Elenu Anaya og hinni frönsku Joanu Preiss. Að því er Fréttablaðið kemst næst hafa stórstjörnur á borð við García Bernal og Brühl aldrei áður stigið á svið í íslenskum leikuppsetningum. Gísli sagði sýningar Vesturports á erlendri grundu hafa skilað sér í áhuga leikaranna á samstarfi við hópinn, en Vesturport hefur gerst víðreist með leiksýningar á borð við Rómeó og Júlíu, Woyzcek og Hamskiptin. „Björn Hlynur lék með Gael í London, og þannig kynntist ég honum. Daniel og Nína voru svo Shooting Stars á sama tíma. Þeir hafa báðir séð sýningar sem ég hef leikstýrt. Við höfum talað um að gera eitthvað saman síðan," útskýrði Gísli, sem sagði hugmyndina um uppsetningu á hippasýningunni Tillsammans hafa höfðað til stórleikaranna tveggja. nordicphotos/getty „Gael kom að sjá Hamskiptin hjá okkur í London. Þegar ég sagði honum að ég væri að fara að gera leiksýningu úr Tillsammans fannst honum það með betri hugmyndum sem hann hafði heyrt í langan tíma og bað um að fá að vera með," sagði Gísli. „Þetta er svona ensemble-verk, og það er oft heillandi fyrir leikara að taka þátt í þannig sýningum. Það er alltaf verið að bjóða þessum strákum að leika Hamlet eða Macbeth á sviði, en mér sýnist þeir hafa meiri áhuga sýningu eins og þessari. Hún er unnin út frá ákveðnum grunni, en verður svo til í meðförum leikaranna," sagði hann. nordicphotos/Getty Gísli sagðist myndu nýta sér þá tungumálaörðugleika sem hljótast af svo fjölbreyttum leikhópi. „Á Íslandi verður þetta íslensk kommúna með nokkrum útlenskum meðlimum. Kannski munu einhverjir reyna að tala íslensku, við eigum eftir að finna út úr því," sagði hann. Leikhópurinn, sem státar einnig af Atla Rafni Sigurðarsyni, Rúnari Frey Gíslasyni, Nínu Dögg Filippusdóttur og Árna Pétri Guðjónssyni, hélt út á land í gær, þar sem vinnuvika er fyrir höndum. „Þar mun ég átta mig á hvernig ég vil að þetta leggist og hver leiki hvað," sagði Gísli. Hvar verkið verður sett upp skýrist á næstunni, en frumsýning er áætluð um áramót. Börkur Jónsson gerir leikmynd og Karl Olgeirsson sér um tónlist, sem verður veigamikill hluti sýningarinnar.
Mest lesið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Eva flutt inn í verðlaunahús Kára Lífið Í hnapphelduna með krókódílamanninum Lífið Heldur ekki vatni yfir konunni sinni Lífið Gaf eiginmanninum nektarmynd á stórafmælinu Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira