Suður-kóresk kona, sem Talibanar hafa haldið í gíslingu í rúma viku, grátbað um hjálp í símaviðtali sem bandaríska sjónvarpsstöðin CBS spilaði í dag. Konan er ein af 23 Suður-Kóreubúum sem Talibanar rændu fyrir viku síðan. Talibanarnir myrtu einn gíslanna í gær.
Talið er að foringi Talibanahópsins hafi skipulagt viðtalið til að þrýsta á stjórnvöld í Kóreu og Afganistan.
"Þið verðið að hjálpa okkur," var meðal þess sem You Cyun-ju sagði í viðtalinu. "Við biðjum ykkar um að ná okkur út héðan eins fljótt og auðið er. Við grátbiðjum ykkur."
Viðtalið var þriggja mínútna langt og talaði konan bæði á kóresku og farsi. Í viðtalinu sagði hún að gíslunum væri skipt í tvo hópa. Hún er ein af sautján konum en körlunum er haldið á öðrum stað.
