Getum gert góða hluti ef við sleppum við frekari meiðsli 16. janúar 2007 11:45 Alfreð Gíslason landsliðsþjálfari segir að lið hans megi ekki hugsa lengra en til riðlakeppninnar þar sem það á hættulegan leik gegn Úkraínu sem verður helst að vinnast ætli liðið áfram í keppninni. MYND/Anton Brink Alfreð Gíslason, landsliðsþjálfari í handbolta, valdi í gær 17 manna leikmannahóp sem fer á HM í Þýskalandi. Alfreð segir að íslenska liðið geti vel gert góða hluti á mótinu en minnir á að liðið má vart við frekari skakkaföllum. Alfreð Gíslason landsliðsþjálfari tilkynnti í gær leikmannahóp sinn fyrir HM á blaðamannafundi í gær. Við sama tækifæri var skrifað undir nýja styrktarsamninga við Kaupþing og Kempa til þriggja ára. Alfreð valdi 17 leikmenn í hópinn en aðeins má tefla fram 16 leikmönnum hverju sinni. Markús Máni Michaelsson mun hvíla í riðlakeppninni en gæti komið inn á seinni stigum. Leyfilegt er að skipta út tveim leikmönnum fyrir keppni í milliriðlunum og svo aftur eftir milliriðlana. Má þá velja leikmenn úr 28 manna hópnum sem sendur var inn til IHF fyrir nokkru. „Hópurinn var nokkuð klár eftir Danmerkurferðina enda tóku Björgvin og Sigfús ekki þátt í Tékkaleikjunum," sagði Alfreð eftir blaðamannafundinn í gær. Alfreð tekur þrjá markverði út og þar af eru tveir - Roland og Hreiðar - sem geta ekki spilað heilan leik. Alfreð gerir þó ekki ráð fyrir að vera nokkru sinni með þrjá markverði á skýrslu. Meiðslastaðan á leikmönnum sem geta leikið í stöðu vinstri skyttu er nokkuð áhyggjuefni. Einar Hólmgeirsson er frá, Ólafur Stefánsson er slæmur í öxlinni og Alexander Petersson er meiddur á ökkla. Alfreð hefur spilað Ásgeiri Erni aðallega í skyttustöðu fyrir Ólaf en sumir vilja sjá Alexander einnig spila fyrir utan. „Það kemur til greina að setja Alex í skyttustöðu en ég sé það fyrir mér ef ég set Ólaf á miðjuna," sagði Alfreð, sem býst við að nota Ásgeir Örn talsvert enda getur hann leikið bæði sem skytta og hornamaður og er sterkur varnarmaður. Alfreð hefur verið að prófa ýmislegt í varnarleiknum í síðustu leikjum og prófað margar útfærslur í varnarlínunni. Er hann búinn að finna þá línu sem hann vill helst halda sig við? „Sterkasta vörnin hjá okkur er með Sverre og Sigfús saman. Við munum halda áfram að spila okkar 5/1 vörn og svo gekk 6/0 vörnin ágætlega þannig að við munum grípa eitthvað í hana," sagði Alfreð. Það verður ekki hjá því litið að íslenska landsliðið er gríðarlega sterkt og getur hæglega náð góðum árangri á HM sleppi það við meiðsli. Væntingar eru þegar farnar að byggjast upp og vilja margir sérfræðingar meina að Ísland eigi að vera á meðal sex efstu liða á mótinu. Hvað er raunhæft að fara fram á fyrir mót? „Aðalmálið núna er riðillinn þar sem við eigum stórhættulegan leik gegn Úkraínu. Við þurfum að klára það almennilega, og svo væri frábært ef við töpuðum ekki leik, og eftir það erum við tiltölulega heppnir með milliriðil því ef við komumst þangað erum við að mæta liðum sem við eigum að geta lagt að velli. Ekkert þeirra liða er eins sterkt og Frakkland sem við mætum í riðlakeppninni. Ef við sleppum við meiðsli erum við með fínan möguleika að gera eitthvað. Það eru mikil afföll í slóvenska liðinu vegna meiðsla þar sem vantar leikmenn á borð við Vugrinec, Pajovic, Zorman, Pungartnik og Rutenka. Túnis er með mjög öflugt lið og hættulegt. Þjóðverjarnir eru sterkir heima en það eru meiðsli hjá þeim og spurning hvernig mótið þróast hjá þeim. Pólverjarnir eru happdrætti. Þeir hafa á að skipa frábæru sóknarliði og það lið gæti náð langt en hugarfarið hjá þeim er þannig að ef illa gengur þá hætta þeir. Draumurinn væri þá að komast í átta liða úrslit og ef við vinnum þann leik erum við komnir í undanúrslit og leik um verðlaun. Við verðum helst að vinna tvo leiki í milliriðli til að komast í átta liða úrslit og líklega þrjá ef við förum þangað án stiga," sagði Alfreð en strákarnir í liðinu eru eflaust jafnmeðvitaðir um þennan möguleika. Óttast Alfreð ekkert að leikmenn fari að hugsa of langt fram í tímann? „Það er einmitt það sem ég er að reyna að forðast. Ég stilli dæminu þannig upp fyrir strákana að riðillinn sé það eina sem skipti máli eins og staðan er núna og að það þýði ekkert að hugsa lengra fram í tímann. Svo má ekki gleyma því að við megum við neinum frekari meiðslum og hverfi fleiri lykilmenn úr hópnum erum við í stórvandamálum." henry@frettabladid.is Erlendar Handbolti Íþróttir Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Alfreð Gíslason, landsliðsþjálfari í handbolta, valdi í gær 17 manna leikmannahóp sem fer á HM í Þýskalandi. Alfreð segir að íslenska liðið geti vel gert góða hluti á mótinu en minnir á að liðið má vart við frekari skakkaföllum. Alfreð Gíslason landsliðsþjálfari tilkynnti í gær leikmannahóp sinn fyrir HM á blaðamannafundi í gær. Við sama tækifæri var skrifað undir nýja styrktarsamninga við Kaupþing og Kempa til þriggja ára. Alfreð valdi 17 leikmenn í hópinn en aðeins má tefla fram 16 leikmönnum hverju sinni. Markús Máni Michaelsson mun hvíla í riðlakeppninni en gæti komið inn á seinni stigum. Leyfilegt er að skipta út tveim leikmönnum fyrir keppni í milliriðlunum og svo aftur eftir milliriðlana. Má þá velja leikmenn úr 28 manna hópnum sem sendur var inn til IHF fyrir nokkru. „Hópurinn var nokkuð klár eftir Danmerkurferðina enda tóku Björgvin og Sigfús ekki þátt í Tékkaleikjunum," sagði Alfreð eftir blaðamannafundinn í gær. Alfreð tekur þrjá markverði út og þar af eru tveir - Roland og Hreiðar - sem geta ekki spilað heilan leik. Alfreð gerir þó ekki ráð fyrir að vera nokkru sinni með þrjá markverði á skýrslu. Meiðslastaðan á leikmönnum sem geta leikið í stöðu vinstri skyttu er nokkuð áhyggjuefni. Einar Hólmgeirsson er frá, Ólafur Stefánsson er slæmur í öxlinni og Alexander Petersson er meiddur á ökkla. Alfreð hefur spilað Ásgeiri Erni aðallega í skyttustöðu fyrir Ólaf en sumir vilja sjá Alexander einnig spila fyrir utan. „Það kemur til greina að setja Alex í skyttustöðu en ég sé það fyrir mér ef ég set Ólaf á miðjuna," sagði Alfreð, sem býst við að nota Ásgeir Örn talsvert enda getur hann leikið bæði sem skytta og hornamaður og er sterkur varnarmaður. Alfreð hefur verið að prófa ýmislegt í varnarleiknum í síðustu leikjum og prófað margar útfærslur í varnarlínunni. Er hann búinn að finna þá línu sem hann vill helst halda sig við? „Sterkasta vörnin hjá okkur er með Sverre og Sigfús saman. Við munum halda áfram að spila okkar 5/1 vörn og svo gekk 6/0 vörnin ágætlega þannig að við munum grípa eitthvað í hana," sagði Alfreð. Það verður ekki hjá því litið að íslenska landsliðið er gríðarlega sterkt og getur hæglega náð góðum árangri á HM sleppi það við meiðsli. Væntingar eru þegar farnar að byggjast upp og vilja margir sérfræðingar meina að Ísland eigi að vera á meðal sex efstu liða á mótinu. Hvað er raunhæft að fara fram á fyrir mót? „Aðalmálið núna er riðillinn þar sem við eigum stórhættulegan leik gegn Úkraínu. Við þurfum að klára það almennilega, og svo væri frábært ef við töpuðum ekki leik, og eftir það erum við tiltölulega heppnir með milliriðil því ef við komumst þangað erum við að mæta liðum sem við eigum að geta lagt að velli. Ekkert þeirra liða er eins sterkt og Frakkland sem við mætum í riðlakeppninni. Ef við sleppum við meiðsli erum við með fínan möguleika að gera eitthvað. Það eru mikil afföll í slóvenska liðinu vegna meiðsla þar sem vantar leikmenn á borð við Vugrinec, Pajovic, Zorman, Pungartnik og Rutenka. Túnis er með mjög öflugt lið og hættulegt. Þjóðverjarnir eru sterkir heima en það eru meiðsli hjá þeim og spurning hvernig mótið þróast hjá þeim. Pólverjarnir eru happdrætti. Þeir hafa á að skipa frábæru sóknarliði og það lið gæti náð langt en hugarfarið hjá þeim er þannig að ef illa gengur þá hætta þeir. Draumurinn væri þá að komast í átta liða úrslit og ef við vinnum þann leik erum við komnir í undanúrslit og leik um verðlaun. Við verðum helst að vinna tvo leiki í milliriðli til að komast í átta liða úrslit og líklega þrjá ef við förum þangað án stiga," sagði Alfreð en strákarnir í liðinu eru eflaust jafnmeðvitaðir um þennan möguleika. Óttast Alfreð ekkert að leikmenn fari að hugsa of langt fram í tímann? „Það er einmitt það sem ég er að reyna að forðast. Ég stilli dæminu þannig upp fyrir strákana að riðillinn sé það eina sem skipti máli eins og staðan er núna og að það þýði ekkert að hugsa lengra fram í tímann. Svo má ekki gleyma því að við megum við neinum frekari meiðslum og hverfi fleiri lykilmenn úr hópnum erum við í stórvandamálum." henry@frettabladid.is
Erlendar Handbolti Íþróttir Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira