Myndin er í réttum farvegi 5. mars 2007 09:00 Jón Þór segir það ekki óeðlilegt að handrit skuli velkjast á milli manna í nokkur ár. „Þetta mál er á viðkvæmu stigi,“ segir Jón Þór Hannesson, einn framleiðandi myndarinnar A Journey Home eða Slóð fiðrildanna en um er að ræða stórmynd gerða eftir samnefndri sögu Ólafs Jóhanns Ólafssonar. Eins og Fréttablaðið greindi frá virðist hafa komið upp ágreiningur um handrit myndarinnar sem leikstjórinn Liv Ullman gerði eftir bókinni. Jón Þór segir að athugasemdirnar hafi fyrst og fremst komið frá framleiðendunum en ekki skáldinu sjálfu. „Eftir því sem mér skilst er allt í góðu milli Liv og Ólafs,“ segir Jón Þór en staðfesti þó að Ólafur Jóhann hefði verið fenginn til liðs við kvikmyndina og beðinn um að gera tilraun með handritsskrif. „Samstarfinu við Liv hefur ekki algjörlega verið slitið en það eru meiri líkur á því en minni,“ segir Jón Þór og bætir við að þeir séu í samningaviðræðum við tvo leikstjóra sem báðir séu þungavigtamenn í kvikmyndaheiminum. Jón Þór vildi ekki gefa upp nein nöfn á þessu stigi, sagði þó að þessi atriði væru í réttum og öruggum farvegi. Jón segir að svona hlutir séu ekkert óalgengir í kvikmyndaheiminum. Fólk komi og fari og handrit séu oft að velkjast um á milli manna. „Þetta er ekkert nýtt undir sólinni. Við vitum af því að þetta er gott efni sem við höfum undir höndunum og viljum vanda vel til verksins,“ útskýrir Jón Þór en Slóð fiðrildanna verður ein dýrasta kvikmynd sem íslenskt fyrirtæki hefur framleitt. „Það kemur í ljós á næstum vikum hvernig þessi mál æxlast, þau gætu tekið óvænta stefnu á morgun en þetta gæti líka dregist töluvert lengra. Aðalmálið er að rasa ekki um ráð fram,“ segir Jón Þór. Eins og kom fram í Fréttablaðinu ríkir mikil spenna innan herbúða Saga Film vegna þeirrar stefnu sem myndin hefur tekið. Jón Þór tekur heilshugar undir það. Greint var frá því í fjölmiðlum á síðasta ári að leikarahjónin Jennifer Connelly og Paul Bettany hefðu gefið vilyrði fyrir því að leika í myndinni en Jón Þór segir að vissulega geti orðið breytingar þar á. „Leikarar sem eitthvað kveður að eru mjög kröfuharðir á allar breytingar,“ segir Jón Þór og útilokar því ekki að nýtt og ferskt blóð verði fengið til leiks. Mest lesið „Það var eiginlega ég sem bað hann um að giftast mér, held ég“ Lífið Kolbeinn Sigþórsson selur útsýnisíbúð á Kársnesinu Lífið Fékk yfir sig olíugusu við tökur á sjónvarpsþáttum Bíó og sjónvarp „Hugsuðum hver andskotinn væri í gangi“ Lífið Bara með bótox og biður um að vera látin í friði Lífið „Þarna fékk ég að kynnast því hvað þunglyndi er“ Lífið Sleit sambandinu með símtali Lífið Heiðar Logi og Anny Björk eiga von á barni Lífið „Smá stress en alltaf jafn skemmtilegt“ að elda ofan í Ramsay Matur Ekki meira en bara vinir Lífið Fleiri fréttir Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
„Þetta mál er á viðkvæmu stigi,“ segir Jón Þór Hannesson, einn framleiðandi myndarinnar A Journey Home eða Slóð fiðrildanna en um er að ræða stórmynd gerða eftir samnefndri sögu Ólafs Jóhanns Ólafssonar. Eins og Fréttablaðið greindi frá virðist hafa komið upp ágreiningur um handrit myndarinnar sem leikstjórinn Liv Ullman gerði eftir bókinni. Jón Þór segir að athugasemdirnar hafi fyrst og fremst komið frá framleiðendunum en ekki skáldinu sjálfu. „Eftir því sem mér skilst er allt í góðu milli Liv og Ólafs,“ segir Jón Þór en staðfesti þó að Ólafur Jóhann hefði verið fenginn til liðs við kvikmyndina og beðinn um að gera tilraun með handritsskrif. „Samstarfinu við Liv hefur ekki algjörlega verið slitið en það eru meiri líkur á því en minni,“ segir Jón Þór og bætir við að þeir séu í samningaviðræðum við tvo leikstjóra sem báðir séu þungavigtamenn í kvikmyndaheiminum. Jón Þór vildi ekki gefa upp nein nöfn á þessu stigi, sagði þó að þessi atriði væru í réttum og öruggum farvegi. Jón segir að svona hlutir séu ekkert óalgengir í kvikmyndaheiminum. Fólk komi og fari og handrit séu oft að velkjast um á milli manna. „Þetta er ekkert nýtt undir sólinni. Við vitum af því að þetta er gott efni sem við höfum undir höndunum og viljum vanda vel til verksins,“ útskýrir Jón Þór en Slóð fiðrildanna verður ein dýrasta kvikmynd sem íslenskt fyrirtæki hefur framleitt. „Það kemur í ljós á næstum vikum hvernig þessi mál æxlast, þau gætu tekið óvænta stefnu á morgun en þetta gæti líka dregist töluvert lengra. Aðalmálið er að rasa ekki um ráð fram,“ segir Jón Þór. Eins og kom fram í Fréttablaðinu ríkir mikil spenna innan herbúða Saga Film vegna þeirrar stefnu sem myndin hefur tekið. Jón Þór tekur heilshugar undir það. Greint var frá því í fjölmiðlum á síðasta ári að leikarahjónin Jennifer Connelly og Paul Bettany hefðu gefið vilyrði fyrir því að leika í myndinni en Jón Þór segir að vissulega geti orðið breytingar þar á. „Leikarar sem eitthvað kveður að eru mjög kröfuharðir á allar breytingar,“ segir Jón Þór og útilokar því ekki að nýtt og ferskt blóð verði fengið til leiks.
Mest lesið „Það var eiginlega ég sem bað hann um að giftast mér, held ég“ Lífið Kolbeinn Sigþórsson selur útsýnisíbúð á Kársnesinu Lífið Fékk yfir sig olíugusu við tökur á sjónvarpsþáttum Bíó og sjónvarp „Hugsuðum hver andskotinn væri í gangi“ Lífið Bara með bótox og biður um að vera látin í friði Lífið „Þarna fékk ég að kynnast því hvað þunglyndi er“ Lífið Sleit sambandinu með símtali Lífið Heiðar Logi og Anny Björk eiga von á barni Lífið „Smá stress en alltaf jafn skemmtilegt“ að elda ofan í Ramsay Matur Ekki meira en bara vinir Lífið Fleiri fréttir Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira