Þrír sautján ára unglingar slösuðust, en enginn alvarlega, þegar bíll þeirra valt út af Reykjanesbraut norðan við Kúagerði um klukkan ellefu í gærkvöldi.
Í fyrstu var talið að ungmennin væru lífshættulega slösuð og var mikill liðsafli lögreglumanna og björgunarmanna sendur á vettvang. Bíll ungmennanna staðnæmdist á hvolfi og þurfti að beita klippum til að ná einum út úr flakinu.
Allir voru fluttir á Slysadeild til aðhlynningar. Ökumaðurinn var með aðeins tveggja mánaða gamalt ökuskírteini, og því óreyndur. Ekkert benti þó til, við fyrstu athugun, að hann hafi ekið glannalega.
