Odom fékk heilahristing eftir árekstur

Framherjinn Lamar Odom hjá LA Lakers lenti í árekstri í gærkvöldi þegar hann var á leið á opnunarleik liðsins gegn Houston í gærkvöld. Benz-birfreið hans gjöreyðilagðist í árekstrinum og þurfti að klippa ökumann hinnar bifreiðarinnar út úr bílflakinu.

Odom skilaði sér að lokum á leikinn í gærkvöld en við rannsókn kom í ljós að hann hafði fengið vægan heilahristing. Odom átti aldrei að koma við sögu í leiknum þar sem hann er að jafna sig eftir aðgerð á öxl.