Ekvilíbríum - Valgeir Sigurðsson Trausti Júlíusson skrifar 7. september 2007 03:00 Ekvilíbríum - Valgeir Sigurðsson Valgeir Sigurðsson er þekktastur fyrir vinnu sína sem upptökumaður og upptökustjóri. Hann hefur mikið unnið með Björk, en líka Bonnie Prince Billy, CocoRosie, múm, Sigur Rós, Slowblow, Seabear, Maps og mörgum fleiri. Áður en Valgeir sneri sér að mestu að upptökuvinnu í hljóðverinu sínu, Gróðurhúsinu, var hann meðlimur í nokkrum hljómsveitum, þar á meðal Unun og þeirri ágætu sveit Birthmark. Það eru tíu lög á Ekvilíbríum. Meirihluti þeirra er án söngs, en Bonnie Prince Billy syngur tvö, Dawn McCarthy eitt og J. Walker eitt. Margir hljóðfæraleikarar koma við sögu, þ.á m. Nico Muhly, Una Sveinbjarnardóttir, Hildur Guðnadóttir, Samuli Kosminen og Óskar Guðjónsson. Orðið Ekvilíbríum merkir jafnvægi og það hæfir plötunni vel – tónlistin er í rólegum, seiðandi og umleikandi stíl. Grunnkrafan sem maður gerir til sólóplötu með upptökustjóra umfram aðrar plötur er að hljómurinn sé flottur og hljóðheimurinn spennandi. Og Valgeir veldur ekki vonbrigðum. Hljómurinn er brakandi ferskur og hljóðheimurinn bæði fallegur og óvenjulegur. Tónlistin er samtal hins nýja og þess gamla. Hún er forrituð að hluta, en hefðbundin hljóðfæri; strengir, gítarar, hljómborð, mandólín, saxófónn og trommur, eru líka áberandi. Lögin eru nokkuð fjölbreytt. Skröltandi taktur einkennir upphafslagið, A Symmetry, en í lokalaginu, Lungs for Merrilee, er enginn taktur, bara hægt stígandi hljóðveggur sem nuddar þægilega á manni hlustirnar. Bæði þessi lög eru á meðal bestu laga plötunnar, en Winter Sleep sem Faun Fables-söngkonan Dawn McCarthy syngur og Bonnie Prince Billy-lögin, Evolution of Waters og Kin, eru líka mjög flott. Ekvilíbríum á margt sameiginlegt með tónlist sumra þeirra listamanna sem Valgeir hefur unnið með, t.d. Björk og múm. Platan hefur samt alveg sinn karakter og hefur mjög sterkan heildarsvip. Á heildina litið er þessi fyrsta sólóplata Valgeirs Sigurðssonar vel heppnuð og sannfærandi. Veisla fyrir hlustirnar sem allir áhugamenn um framsækna og metnaðarfulla popptónlist ættu að kynna sér. Hildur Guðnadóttir Menning Tónlist Mest lesið Frægustu vinslit Íslandssögunnar Lífið Stefán Einar og Sara Lind í sundur Lífið Bíllinn fannst þremur vikum eftir þjófnaðinn og þá lögfræðibók með Lífið Bryan Adams breytti Eldborg í grátkór íslenskra karla Gagnrýni Elti ástina til Íslands Tónlist Taka ákvörðun á hverjum degi að elska hvort annað Lífið Fyrsta íslenska myndin í Cannes Premiere-flokki Bíó og sjónvarp Hjartaknúsarinn tileinkaði íslenskri fyrirsætu rómantískan slagara Lífið „Gæti skrifað bókaseríu um vandræðileg stefnumót“ Makamál Tólf og þrettán ára fatahönnuðir á Akureyri slá í gegn Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Valgeir Sigurðsson er þekktastur fyrir vinnu sína sem upptökumaður og upptökustjóri. Hann hefur mikið unnið með Björk, en líka Bonnie Prince Billy, CocoRosie, múm, Sigur Rós, Slowblow, Seabear, Maps og mörgum fleiri. Áður en Valgeir sneri sér að mestu að upptökuvinnu í hljóðverinu sínu, Gróðurhúsinu, var hann meðlimur í nokkrum hljómsveitum, þar á meðal Unun og þeirri ágætu sveit Birthmark. Það eru tíu lög á Ekvilíbríum. Meirihluti þeirra er án söngs, en Bonnie Prince Billy syngur tvö, Dawn McCarthy eitt og J. Walker eitt. Margir hljóðfæraleikarar koma við sögu, þ.á m. Nico Muhly, Una Sveinbjarnardóttir, Hildur Guðnadóttir, Samuli Kosminen og Óskar Guðjónsson. Orðið Ekvilíbríum merkir jafnvægi og það hæfir plötunni vel – tónlistin er í rólegum, seiðandi og umleikandi stíl. Grunnkrafan sem maður gerir til sólóplötu með upptökustjóra umfram aðrar plötur er að hljómurinn sé flottur og hljóðheimurinn spennandi. Og Valgeir veldur ekki vonbrigðum. Hljómurinn er brakandi ferskur og hljóðheimurinn bæði fallegur og óvenjulegur. Tónlistin er samtal hins nýja og þess gamla. Hún er forrituð að hluta, en hefðbundin hljóðfæri; strengir, gítarar, hljómborð, mandólín, saxófónn og trommur, eru líka áberandi. Lögin eru nokkuð fjölbreytt. Skröltandi taktur einkennir upphafslagið, A Symmetry, en í lokalaginu, Lungs for Merrilee, er enginn taktur, bara hægt stígandi hljóðveggur sem nuddar þægilega á manni hlustirnar. Bæði þessi lög eru á meðal bestu laga plötunnar, en Winter Sleep sem Faun Fables-söngkonan Dawn McCarthy syngur og Bonnie Prince Billy-lögin, Evolution of Waters og Kin, eru líka mjög flott. Ekvilíbríum á margt sameiginlegt með tónlist sumra þeirra listamanna sem Valgeir hefur unnið með, t.d. Björk og múm. Platan hefur samt alveg sinn karakter og hefur mjög sterkan heildarsvip. Á heildina litið er þessi fyrsta sólóplata Valgeirs Sigurðssonar vel heppnuð og sannfærandi. Veisla fyrir hlustirnar sem allir áhugamenn um framsækna og metnaðarfulla popptónlist ættu að kynna sér.
Hildur Guðnadóttir Menning Tónlist Mest lesið Frægustu vinslit Íslandssögunnar Lífið Stefán Einar og Sara Lind í sundur Lífið Bíllinn fannst þremur vikum eftir þjófnaðinn og þá lögfræðibók með Lífið Bryan Adams breytti Eldborg í grátkór íslenskra karla Gagnrýni Elti ástina til Íslands Tónlist Taka ákvörðun á hverjum degi að elska hvort annað Lífið Fyrsta íslenska myndin í Cannes Premiere-flokki Bíó og sjónvarp Hjartaknúsarinn tileinkaði íslenskri fyrirsætu rómantískan slagara Lífið „Gæti skrifað bókaseríu um vandræðileg stefnumót“ Makamál Tólf og þrettán ára fatahönnuðir á Akureyri slá í gegn Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira