Ríkisstjórnin hefur sent heimilunum 38 milljarða reikning 13. apríl 2007 17:10 Ingibjörg Sólrún Gísladóttir, formaður Samfylkingarinnar, sagði í ræðu sinni á landsfundi flokksins í Egilshöll í dag að ríkisstjórnin hefði sent heimilum landsins 38 milljarða króna reikning vegna verðbólgu og ofurvaxta á þessu ári. Samfylkingin myndi eyða biðlistum eftir hjúkrunarrýmum fyrir aldraða á næstu tveimur árum og þá myndi hún beita sér fyrir því að hinum umdeildu eftirlaunalögum yrði breytt. Ingibjörg sagði síðasta kjörtímabil hafa einkennst af pólitískum sviptingum þar sem risið hefðu upp harðari deilur en dæmi væri um í langan tíma. Þá sagði hún tvö mál standa enn eins og flein í holdi þjóðarinnar. Það væri annars vegar Íraksmálið og hins vegar eftirlaunamálið. Sagði hún að það ætti að verða verk nýrrar ríkisstjórnar að taka Ísland út af lista hinna vígfúsu þjóða. Enn fremur ætlaði hún að beita sér fyrir því að hinum umdeildu eftirlaunalögum yrði breytt og meira jafnræði yrði komið á í lífeyrismálum ráðamanna og almennings. Ingibjörg vék síðan að efnahagsmálum og sagði kjörtímabilið sem er að ljúka hafa einkennst af miklum óstöðugleika í efnahagsmálum. Kosningavíxlar ríkisstjórnarinnar frá síðustu kosningum hefðu fallið einn af öðrum á þá sem síst skyldi. „Reikningurinn sem ríkisstjórnin sendir heimilunum í landinu bara á þessu ári vegna verðbólgu og ofurvaxta er ríflega 38 milljarðar. Greiðslubyrði hvers heimilis hækkar að meðaltali um 500 þúsund krónur vegna hagstjórnarmistaka ríkisstjórnarinnar,„ sagði Ingibjörg. Þá sagði hún að það væru engin merki um að ríkisstjórnarflokkarnir hefðu uppi áform um að slá á þensluna í hagkerfinu því þeir stefndu áfram að stórfelldum virkjana- og stóriðjuáformum og hefðu lofað skattalækkunum og útgjöldum upp á 400 milljarða króna. Sagði Ingibjörg jafnvægi í efnahagsmálum forsendu þess að fólk og fyrirtæki gætu kvíðalaust gert áætlanir um dagleg fjármál og fjárfestingar til framtíðar. Þá vék Ingibjörg að velferðarmálunum og sagði úrræðaleysi ríkisstjórnarinnar algert. Barnabætur hefðu verið skornar niður árum saman og skattleysismörk hefðu lækkað og skattbyrði lífeyrisþega og láglaunafólks þyngst. Þá hefðu lífeyrisþegar dregist aftur úr öðrum í kjörum. Þá stæðu almannatryggingarnar, sem íslenskir jafnaðarmenn hefðu komið á, ekki lengur undir nafni. Ingibjörg spurði hvort velferðarþjónustan væri betri en fyrir 12 árum og sagði svarið einfalt. „Biðlistar, biðlistar, biðlistar. Eftir hjúkrunarrýmum, eftir hjartaaðgerðum, eftir búsetu fyrir geðfatlaða, eftir greiningu á geðröskunum barna, eftir úrræðum fyrir þau, eftir sérkennslu. Það skortir lausnir," sagði hún. Sagði hún að Samfylkingin hygðist á fyrstu tveimur árum í ríkisstjórn byggja 400 hjúkrunarrýni fyrir aldraða og eyða þannig biðlistum. Það yrði algjört forgangsmál hjá nýrri ríkisstjórn jafnaðarmanna. Þá fjallaði Ingibjörg um menntamál og sagði mikilvægt að unga fólkið fyndi menntaleið við sitt hæfi. Þá þyrfti að tryggja raunverulegt jafnræði allra atvinnugreina og búa betur í haginn fyrir framtíðina. Tryggja þyrfti betra umhverfi fyrir sprota- og hátæknifyrirtæki. Sagði Ingibjörg að Samfylkingin vildi gera hlé á virkjana- og stóriðjuáformum og draga þannig úr fjárfestingum opinberra orkufyrirtækja um tugi milljarða á næstu árum. Með þessum hætti mætti skapa rými í hagkerfinu fyrir arbærar fjárfestingar í innviðum sem hefðu setið allt of lengi á hakanum. Vinna yrði að nýrri byggðastefnu nýrrar byggðastefnu með fjárfestingu í samgöngum, fjarskiptum og menntun á landsbyggðinni. Sagði Ingibjörg Samfylkinguna eina flokkinn sem setti fram hugmyndir um endurbætur á öllu skipulagi hagstjórnarinnar. Þar skiptu samráðsstjórnmál mestu máli en hvorki handafl né handbremsur. Þá sagði hún Samfylinguna eina flokkinn sem sett hefði fram heilstæða stefnu í málefnum barna og ungmenna og að flokkurinn væri sá eini sem vissi hvernig hvernig ætti að minnka kynbundinn launamun. Það hafi flokkurinn gert í Reykjavík. Sagði hún það vera verkefni Samfylkingarinnar að gera Ísland að fyrirmyndarsamfélagi á sviði jafnréttismála. Þá boðaði Ingibjörg verulegar kjarabætur til eldri borgara með hærra frítekjumarki og lægri skatta á lífeyristekjur. Þá vísaði Ingibjörg í umhverfisstefnu flokksins sem fram kemur í ritinu Fagra Ísland og sagði það heildstæðustu stefnuna í umhverfismálum sem íslenskur flokkur hefði mótað. Fagra Ísland væri nú sú Lilja sem aðrir flokkar vildu kveðið hafa, þeirra á meðal Vinstri græn. Jafnframt benti hún á að Íslendingar ættu að nýta sérfræðiþekkingu sína á sviði endurnýjanlegra orkugjafa til að styrkja stöðu sína í alþjóðlegum rannsóknum og vísindum og gera þá þekkingu að útflutningsverðmæti. Sagði hún mikilvægt að Samfylkingin fengi brautargengi í kosningunum eftir mánuð og að hver einasti maður og hver einasta kona þyrfti að ígrunda atkvæði sitt vandlega. Þúsundir atkvæða gætu fallið dauð á kjördag og hið óbreytta ástand varað áfram enn í fjögur ár vegna þessara atkvæða. Ú tsending frá landsfundi Samfylkingarinnar 13. apríl Kosningar 2007 Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Enn skjálftahrina við Trölladyngju Innlent Rannsaka dráp á sjúkraliðum en neita að þeir hafi verið teknir af lífi Erlent Dregur úr skjálftavirkni í kvikugangi en hrina í Trölladyngju fannst víða Innlent Vaka jók við meirihlutann í stúdentaráði Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira
Ingibjörg Sólrún Gísladóttir, formaður Samfylkingarinnar, sagði í ræðu sinni á landsfundi flokksins í Egilshöll í dag að ríkisstjórnin hefði sent heimilum landsins 38 milljarða króna reikning vegna verðbólgu og ofurvaxta á þessu ári. Samfylkingin myndi eyða biðlistum eftir hjúkrunarrýmum fyrir aldraða á næstu tveimur árum og þá myndi hún beita sér fyrir því að hinum umdeildu eftirlaunalögum yrði breytt. Ingibjörg sagði síðasta kjörtímabil hafa einkennst af pólitískum sviptingum þar sem risið hefðu upp harðari deilur en dæmi væri um í langan tíma. Þá sagði hún tvö mál standa enn eins og flein í holdi þjóðarinnar. Það væri annars vegar Íraksmálið og hins vegar eftirlaunamálið. Sagði hún að það ætti að verða verk nýrrar ríkisstjórnar að taka Ísland út af lista hinna vígfúsu þjóða. Enn fremur ætlaði hún að beita sér fyrir því að hinum umdeildu eftirlaunalögum yrði breytt og meira jafnræði yrði komið á í lífeyrismálum ráðamanna og almennings. Ingibjörg vék síðan að efnahagsmálum og sagði kjörtímabilið sem er að ljúka hafa einkennst af miklum óstöðugleika í efnahagsmálum. Kosningavíxlar ríkisstjórnarinnar frá síðustu kosningum hefðu fallið einn af öðrum á þá sem síst skyldi. „Reikningurinn sem ríkisstjórnin sendir heimilunum í landinu bara á þessu ári vegna verðbólgu og ofurvaxta er ríflega 38 milljarðar. Greiðslubyrði hvers heimilis hækkar að meðaltali um 500 þúsund krónur vegna hagstjórnarmistaka ríkisstjórnarinnar,„ sagði Ingibjörg. Þá sagði hún að það væru engin merki um að ríkisstjórnarflokkarnir hefðu uppi áform um að slá á þensluna í hagkerfinu því þeir stefndu áfram að stórfelldum virkjana- og stóriðjuáformum og hefðu lofað skattalækkunum og útgjöldum upp á 400 milljarða króna. Sagði Ingibjörg jafnvægi í efnahagsmálum forsendu þess að fólk og fyrirtæki gætu kvíðalaust gert áætlanir um dagleg fjármál og fjárfestingar til framtíðar. Þá vék Ingibjörg að velferðarmálunum og sagði úrræðaleysi ríkisstjórnarinnar algert. Barnabætur hefðu verið skornar niður árum saman og skattleysismörk hefðu lækkað og skattbyrði lífeyrisþega og láglaunafólks þyngst. Þá hefðu lífeyrisþegar dregist aftur úr öðrum í kjörum. Þá stæðu almannatryggingarnar, sem íslenskir jafnaðarmenn hefðu komið á, ekki lengur undir nafni. Ingibjörg spurði hvort velferðarþjónustan væri betri en fyrir 12 árum og sagði svarið einfalt. „Biðlistar, biðlistar, biðlistar. Eftir hjúkrunarrýmum, eftir hjartaaðgerðum, eftir búsetu fyrir geðfatlaða, eftir greiningu á geðröskunum barna, eftir úrræðum fyrir þau, eftir sérkennslu. Það skortir lausnir," sagði hún. Sagði hún að Samfylkingin hygðist á fyrstu tveimur árum í ríkisstjórn byggja 400 hjúkrunarrýni fyrir aldraða og eyða þannig biðlistum. Það yrði algjört forgangsmál hjá nýrri ríkisstjórn jafnaðarmanna. Þá fjallaði Ingibjörg um menntamál og sagði mikilvægt að unga fólkið fyndi menntaleið við sitt hæfi. Þá þyrfti að tryggja raunverulegt jafnræði allra atvinnugreina og búa betur í haginn fyrir framtíðina. Tryggja þyrfti betra umhverfi fyrir sprota- og hátæknifyrirtæki. Sagði Ingibjörg að Samfylkingin vildi gera hlé á virkjana- og stóriðjuáformum og draga þannig úr fjárfestingum opinberra orkufyrirtækja um tugi milljarða á næstu árum. Með þessum hætti mætti skapa rými í hagkerfinu fyrir arbærar fjárfestingar í innviðum sem hefðu setið allt of lengi á hakanum. Vinna yrði að nýrri byggðastefnu nýrrar byggðastefnu með fjárfestingu í samgöngum, fjarskiptum og menntun á landsbyggðinni. Sagði Ingibjörg Samfylkinguna eina flokkinn sem setti fram hugmyndir um endurbætur á öllu skipulagi hagstjórnarinnar. Þar skiptu samráðsstjórnmál mestu máli en hvorki handafl né handbremsur. Þá sagði hún Samfylinguna eina flokkinn sem sett hefði fram heilstæða stefnu í málefnum barna og ungmenna og að flokkurinn væri sá eini sem vissi hvernig hvernig ætti að minnka kynbundinn launamun. Það hafi flokkurinn gert í Reykjavík. Sagði hún það vera verkefni Samfylkingarinnar að gera Ísland að fyrirmyndarsamfélagi á sviði jafnréttismála. Þá boðaði Ingibjörg verulegar kjarabætur til eldri borgara með hærra frítekjumarki og lægri skatta á lífeyristekjur. Þá vísaði Ingibjörg í umhverfisstefnu flokksins sem fram kemur í ritinu Fagra Ísland og sagði það heildstæðustu stefnuna í umhverfismálum sem íslenskur flokkur hefði mótað. Fagra Ísland væri nú sú Lilja sem aðrir flokkar vildu kveðið hafa, þeirra á meðal Vinstri græn. Jafnframt benti hún á að Íslendingar ættu að nýta sérfræðiþekkingu sína á sviði endurnýjanlegra orkugjafa til að styrkja stöðu sína í alþjóðlegum rannsóknum og vísindum og gera þá þekkingu að útflutningsverðmæti. Sagði hún mikilvægt að Samfylkingin fengi brautargengi í kosningunum eftir mánuð og að hver einasti maður og hver einasta kona þyrfti að ígrunda atkvæði sitt vandlega. Þúsundir atkvæða gætu fallið dauð á kjördag og hið óbreytta ástand varað áfram enn í fjögur ár vegna þessara atkvæða. Ú tsending frá landsfundi Samfylkingarinnar 13. apríl
Kosningar 2007 Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Enn skjálftahrina við Trölladyngju Innlent Rannsaka dráp á sjúkraliðum en neita að þeir hafi verið teknir af lífi Erlent Dregur úr skjálftavirkni í kvikugangi en hrina í Trölladyngju fannst víða Innlent Vaka jók við meirihlutann í stúdentaráði Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira