Feitur hljómur Kaiser Chiefs 16. febrúar 2007 09:30 Kóngar Britpoppsins snúa aftur Kaiser Chiefs frá Leeds hefur verið hyllt sem ein besta poppsveit Breta undanfarin ár. Hún gefur í næstu viku út aðra plötu sína. Leeds-sveitin Kaiser Chiefs hefur átt mikilli velgengni að fagna frá því að fyrsta platan hennar Employment kom út fyrir tveimur árum. 26. febrúar kemur önnur platan hennar, Yours Truly, Angry Mob, í verslanir. Trausti Júlíusson hlustaði á gripinn. „Hvað sem þið gerið, ekki breytast í Coldplay.“ Þessa setningu heyrði Nick Hodgson, trommuleikari og forsprakki bresku hljómsveitarinnar Kaiser Chiefs, áhorfanda hrópa í lok tónleika í London á síðasta ári. Og hann getur ekki gleymt henni. Eftir velgengni fyrstu Kaiser Chiefs plötunnar Employment, sem kom út fyrir tveimur árum og er búin að seljast í um þremur milljónum eintaka, þá var sveitin komin í þá aðstöðu að geta gert það sem henni sýndist. Og meðlimum Kaiser Chiefs er mikið í mun að bregðast ekki aðdáendum sínum. Hljómsveitin er búin að spila mikið á tónleikum síðustu tvö ár. Hún hitaði meðal annars upp fyrir U2 á Evróputónleikaferð og síðasta sumar þræddi hún nokkrar helstu tónlistarhátíðirnar. Hún var eitt stærsta nafnið á Iceland Airwaves 2006 þar sem hún spilaði við mikinn fögnuð í Hafnarhúsinu á laugardagskvöldinu. Og svo var hún að klára nýja plötu. Yours Truly, Angry Mob kemur út eftir rúma viku og hún líkist Coldplay ekki neitt.Stærri hljómurÞað er oft talað um að það sé erfitt að fylgja eftir frumsmíð sem slær í gegn. Álagið er mikið. „Við höfum heyrt margar af þessum plötum númer tvö undanfarið þar sem hljómsveitin hefur svo miklar áhyggjur að lögin sjálf eru rusl, en menn eru búnir að kalla til alls konar auka hljóðfæraleikara og gospelsöngvara,“ segir Ricky Wilson, söngvari Kaiser Chiefs, þegar hann er spurður út í þetta. „Við gerðum það ekki. Þetta erum ennþá bara við að spila, þó að hljómurinn sé miklu stærri.“Employment þykir besta britpop-plata síðustu ára. Á henni heyrði maður áhrif frá bresku poppi allt frá The Kinks og The Who til pönksveitarinnar The Jam og Blur og Supergrass. Styrkur plötunnar lá meðal annars í því að hún var full af melódískum og grípandi lögum. Hvergi dauður punktur: Everyday I Love You Less and Less, I Predict A Riot, Na Na Na Na Naa, Modern Way, Team Mate ... Nýja platan Yours Truly, Angry Mob er sömuleiðis hlaðin smellum. Maður er aðeins lengur að falla fyrir henni. Hún er ekki alveg eins gáskafull og eins og Ricky segir er hljómurinn feitari, en hún er stútfull af grípandi popplögum: Ruby, The Angry Mob, Thank You Very Much, I Can Do It Without You, My Kind Of Guy ...Trommarinn stjórnar ferðinniYours Truly, Angry Mob var tekin upp í Hook End Manor hljóðverinu í Oxfordshire undir stjórn Stephen Street, en hann er þekktastur fyrir að hafa tekið upp Blur og The Smiths. Þó að lögin séu skrifuð á alla meðlimina fimm þá er trommarinn Nick Hodgson hiklaust tónlistarlegur leiðtogi Kaiser Chiefs. Hann stjórnar ferðinni og hefur líka samið alla stærstu smellina. Hann mætir með þá á æfingu og svo klárar sveitin þá í sameiningu.Kaiser Chiefs var stofnuð vorið 2003, en meðlimirnir voru þá búnir að vera saman í annarri hljómsveit allt frá árinu 1997. Hún hét fyrst Runston Parva sem síðar var stytt í Parva. Parva spilaði bílskúrsrokk og fékk litla athygli. Það er öruggt að streðið með Parva hefur styrkt meðlimi Kaiser Chiefs og gert þá tilbúnari til að takast á við velgengnina sem beið þeirra þegar sveitin var búin að endurfæðast með nýtt nafn og breytta tónlistarstefnu. Þess má að lokum geta að Skjár 1 sýnir tónleika með Kaiser Chiefs annað kvöld klukkan 21.25. Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Leeds-sveitin Kaiser Chiefs hefur átt mikilli velgengni að fagna frá því að fyrsta platan hennar Employment kom út fyrir tveimur árum. 26. febrúar kemur önnur platan hennar, Yours Truly, Angry Mob, í verslanir. Trausti Júlíusson hlustaði á gripinn. „Hvað sem þið gerið, ekki breytast í Coldplay.“ Þessa setningu heyrði Nick Hodgson, trommuleikari og forsprakki bresku hljómsveitarinnar Kaiser Chiefs, áhorfanda hrópa í lok tónleika í London á síðasta ári. Og hann getur ekki gleymt henni. Eftir velgengni fyrstu Kaiser Chiefs plötunnar Employment, sem kom út fyrir tveimur árum og er búin að seljast í um þremur milljónum eintaka, þá var sveitin komin í þá aðstöðu að geta gert það sem henni sýndist. Og meðlimum Kaiser Chiefs er mikið í mun að bregðast ekki aðdáendum sínum. Hljómsveitin er búin að spila mikið á tónleikum síðustu tvö ár. Hún hitaði meðal annars upp fyrir U2 á Evróputónleikaferð og síðasta sumar þræddi hún nokkrar helstu tónlistarhátíðirnar. Hún var eitt stærsta nafnið á Iceland Airwaves 2006 þar sem hún spilaði við mikinn fögnuð í Hafnarhúsinu á laugardagskvöldinu. Og svo var hún að klára nýja plötu. Yours Truly, Angry Mob kemur út eftir rúma viku og hún líkist Coldplay ekki neitt.Stærri hljómurÞað er oft talað um að það sé erfitt að fylgja eftir frumsmíð sem slær í gegn. Álagið er mikið. „Við höfum heyrt margar af þessum plötum númer tvö undanfarið þar sem hljómsveitin hefur svo miklar áhyggjur að lögin sjálf eru rusl, en menn eru búnir að kalla til alls konar auka hljóðfæraleikara og gospelsöngvara,“ segir Ricky Wilson, söngvari Kaiser Chiefs, þegar hann er spurður út í þetta. „Við gerðum það ekki. Þetta erum ennþá bara við að spila, þó að hljómurinn sé miklu stærri.“Employment þykir besta britpop-plata síðustu ára. Á henni heyrði maður áhrif frá bresku poppi allt frá The Kinks og The Who til pönksveitarinnar The Jam og Blur og Supergrass. Styrkur plötunnar lá meðal annars í því að hún var full af melódískum og grípandi lögum. Hvergi dauður punktur: Everyday I Love You Less and Less, I Predict A Riot, Na Na Na Na Naa, Modern Way, Team Mate ... Nýja platan Yours Truly, Angry Mob er sömuleiðis hlaðin smellum. Maður er aðeins lengur að falla fyrir henni. Hún er ekki alveg eins gáskafull og eins og Ricky segir er hljómurinn feitari, en hún er stútfull af grípandi popplögum: Ruby, The Angry Mob, Thank You Very Much, I Can Do It Without You, My Kind Of Guy ...Trommarinn stjórnar ferðinniYours Truly, Angry Mob var tekin upp í Hook End Manor hljóðverinu í Oxfordshire undir stjórn Stephen Street, en hann er þekktastur fyrir að hafa tekið upp Blur og The Smiths. Þó að lögin séu skrifuð á alla meðlimina fimm þá er trommarinn Nick Hodgson hiklaust tónlistarlegur leiðtogi Kaiser Chiefs. Hann stjórnar ferðinni og hefur líka samið alla stærstu smellina. Hann mætir með þá á æfingu og svo klárar sveitin þá í sameiningu.Kaiser Chiefs var stofnuð vorið 2003, en meðlimirnir voru þá búnir að vera saman í annarri hljómsveit allt frá árinu 1997. Hún hét fyrst Runston Parva sem síðar var stytt í Parva. Parva spilaði bílskúrsrokk og fékk litla athygli. Það er öruggt að streðið með Parva hefur styrkt meðlimi Kaiser Chiefs og gert þá tilbúnari til að takast á við velgengnina sem beið þeirra þegar sveitin var búin að endurfæðast með nýtt nafn og breytta tónlistarstefnu. Þess má að lokum geta að Skjár 1 sýnir tónleika með Kaiser Chiefs annað kvöld klukkan 21.25.
Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira