Volta rýkur út

Volta, nýjasta plata Bjarkar, hefur rokselst víða um heim og er níunda söluhæsta platan í Bandaríkjunum og sjöunda mest selda í Bretlandi, samkvæmt samantekt Morgunblaðsins. Þetta er besti árangurs íslensks tónlistarmanns á bandaríska listanum.

Samkvæmt samantektinni er platan í efsta sæti netverslunarinnar iTunes í Danmörku, Frakklandi, Noregi, Spáni og Svíþjóð. Í öðru sæti í Austurríki og meðal þeirra hæstu í fjölda annarra landa inan Evrópu sem utan.