Einkunnir í tossabekk Þráinn Bertelsson skrifar 4. maí 2008 06:00 Miðað við að það sé hlutverk ráðherra að vinna sér inn virðingu hjá þjóð sinni fyrir vinnusemi, hugmyndaauðgi, manngæsku, verklagni, heiðarleika og fleiri kosti er það fræðandi hjá fyrirtæki eins og Capacent að birta vorprófseinkunnir úr Skóla lífsins fyrir þá sem nú stjórna landinu, um sama leyti og próflestrarhrina brestur á hjá skólafólki. Capacent notast við gamla góða einkunnaskalann frá 0-10 og gefur einkunn fyrir þá ánægju sem ríkir með störf ráðherranna: Neðstur í bekknum er Árni Mathiesen fjármálaráðherra sem fær 0,8 í einkunn. Aðeins 8% kjósenda eru ánægð með störf hans og segir það sína sögu um námsgáfur og vinnuaðferðir. Björn Bjarnason dómsmálaráðherra er litlu betur staddur en fjármálaráðherrann og fær 1,5 í einkunn. Forsætisráðherrann, Geir H. Haarde, er líka langt frá því að standast prófið með 3,5 í einkunn. Þorgerður Katrín Gunnarsdóttir menntamálaráðherra er næst því að ná prófi, en hún fær 4,6 í einkunn og vantar bara 0,4 til að skríða í lágmarkseinkunn. Hin iðjusama Jóhanna Sigurðardóttir er ljósið í bekknum og fær 6,0 í einkunn. Hinn ungi viðskiptaráðherra Björgvin G. Sigurðsson slefar í 4.0; hann fær 0,5 meira en forsætisráðherrann en vantar samt 1 heilan upp á að ná lágmarkseinkunn. Kristján Möller er í hópi verstu tossana með 2,2, fær þó 3 kommum meira en dr. Össur Skarphéðinsson sem rekur lest þeirra Samfylkingarnema sem komast á blað með 1,8 í einkunn. Það skal tekið fram að Ríkisútvarpið birti ekki einkunnir allra ráðherranna og hlífði aðstandendum þeirra sem engum tökum hafa náð á störfum sínum við því að birta einkunnir þeirra, þar á meðal eru: Ingibjörg Sólrún Gísladóttir utanríkisráðherra, og eins og búast mátti við Einar K. Guðfinnsson sjávarútvegsráðherra og einhver Þórunn Sveinbjarnardóttir sem mun vera umhverfisráðherra. Guðlaugur Þór Þórðarson heilbrigðisráðherra var líka í þessum einkunnalausa hópi sem virðist þurfa á sérkennslu að halda. Ef þetta væru börnin manns væri ástæða til að hafa verulegar áhyggjur af framtíðinni. En þetta er bara starfsliðið sem við höfum valið til að stjórna landinu okkar í augnablikinu. Viltu birta grein á Vísi? Sendu okkur póst. Senda grein Þráinn Bertelsson Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Horfumst í augu Kristín Thoroddsen Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Er aldur bara tala? Teitur Guðmundsson Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun
Miðað við að það sé hlutverk ráðherra að vinna sér inn virðingu hjá þjóð sinni fyrir vinnusemi, hugmyndaauðgi, manngæsku, verklagni, heiðarleika og fleiri kosti er það fræðandi hjá fyrirtæki eins og Capacent að birta vorprófseinkunnir úr Skóla lífsins fyrir þá sem nú stjórna landinu, um sama leyti og próflestrarhrina brestur á hjá skólafólki. Capacent notast við gamla góða einkunnaskalann frá 0-10 og gefur einkunn fyrir þá ánægju sem ríkir með störf ráðherranna: Neðstur í bekknum er Árni Mathiesen fjármálaráðherra sem fær 0,8 í einkunn. Aðeins 8% kjósenda eru ánægð með störf hans og segir það sína sögu um námsgáfur og vinnuaðferðir. Björn Bjarnason dómsmálaráðherra er litlu betur staddur en fjármálaráðherrann og fær 1,5 í einkunn. Forsætisráðherrann, Geir H. Haarde, er líka langt frá því að standast prófið með 3,5 í einkunn. Þorgerður Katrín Gunnarsdóttir menntamálaráðherra er næst því að ná prófi, en hún fær 4,6 í einkunn og vantar bara 0,4 til að skríða í lágmarkseinkunn. Hin iðjusama Jóhanna Sigurðardóttir er ljósið í bekknum og fær 6,0 í einkunn. Hinn ungi viðskiptaráðherra Björgvin G. Sigurðsson slefar í 4.0; hann fær 0,5 meira en forsætisráðherrann en vantar samt 1 heilan upp á að ná lágmarkseinkunn. Kristján Möller er í hópi verstu tossana með 2,2, fær þó 3 kommum meira en dr. Össur Skarphéðinsson sem rekur lest þeirra Samfylkingarnema sem komast á blað með 1,8 í einkunn. Það skal tekið fram að Ríkisútvarpið birti ekki einkunnir allra ráðherranna og hlífði aðstandendum þeirra sem engum tökum hafa náð á störfum sínum við því að birta einkunnir þeirra, þar á meðal eru: Ingibjörg Sólrún Gísladóttir utanríkisráðherra, og eins og búast mátti við Einar K. Guðfinnsson sjávarútvegsráðherra og einhver Þórunn Sveinbjarnardóttir sem mun vera umhverfisráðherra. Guðlaugur Þór Þórðarson heilbrigðisráðherra var líka í þessum einkunnalausa hópi sem virðist þurfa á sérkennslu að halda. Ef þetta væru börnin manns væri ástæða til að hafa verulegar áhyggjur af framtíðinni. En þetta er bara starfsliðið sem við höfum valið til að stjórna landinu okkar í augnablikinu.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun