Raddaður ævintýraheimur 22. ágúst 2008 06:00 Söngvarinn Robin Pecknold líkir tónlist sveitarinnar við ævintýraheim sem maður getur flúið inn í til að gleyma stað og stund. Seattle-sveitin Fleet Foxes er á meðal heitustu nýliðanna í poppheiminum á árinu 2008, en fyrsta platan hennar samnefnd sveitinni hefur verið að fá hástemmda lofdóma beggja vegna Atlantshafsins að undanförnu. Trausti Júlíusson kynnti sér þetta kornunga band. „Okkar markmið er að vera ævintýragjarnir og trúir sjálfum okkur og hafa gaman af því sem við erum að gera saman," segir Robin Pecknold söngvari, gítarleikari og aðallagasmiður Seattle-sveitarinnar Fleet Foxes, í nýlegu viðtali. Yfirlýsing sem gæti átt við aðra hverja nýstofnaða hljómsveit, en munurinn á Fleet Foxes og öllum hinum er að Fleet Foxes er nýja uppáhaldshljómsveit tónlistaráhugamanna og gagnrýnenda úti um allan heim. Og Robin heldur áfram að lýsa sveitinni: „Það skemmtilegasta sem ég geri í heiminum er að syngja í harmóníu með öðru fólki þannig að vð gerum fullt af því. Við elskum kassagítara, rafmagnsgítara, stórar tom-trommur, mandólín, sílófóna, bassagítara, bassapedala, orgel, píanó, kótó og mest af öllu harmóníur og melódíur. Okkur hefur tekist ætlunarverkið ef við náum að gera lag þar sem öll hljóðfærin eru að gera eitthvað áhugavert og melódískt."ÆskuvinirFleet Foxes er skipuð þeim Robin, Skye Skjelset gítarleikara, Casey Westcott hljómborðsleikara, Josh Tillman trommuleikara og Christian Wargo bassaleikara. Robin og Skye eru æskuvinir og byrjuðu að spila á gítar saman fyrir tíu árum eða svo og ákváðu að stofna hljómsveit. Þeir störfuðu saman undir ýmsum nöfnum, t.d. Lemon/Lime og Pineapple, en fyrir tveimur árum varð Fleet Foxes til. Þeir vöktu snemma athygli fyrir góða frammistöðu á tónleikum og náðu eyrum útsendara Seattle-plötufyrirtækisins Sub Pop sem gerði við þá samning í fyrra. Fyrsta útgáfan var EP-platan Sun Giant sem kom út í febrúar og fyrsta stóra platan, Fleet Foxes, kom svo út nú í sumar. Líkt við Beach Boys og CSN&YVegur Fleet Foxes upp á stjörnuhimininn hefur verið hraður síðustu vikur og mánuði. Þeir hafa spilað mikið og eru bókaðir út árið og platan hefur fengið dúndurdóma, m.a. fullt hús í Mojo og Guardian og 9/10 hjá Pitchforkmedia. Tónlistin er heillandi þjóðlagaskotið indípopp borið uppi af fínum lagasmíðum og frábærum söng. Henni hefur m.a. verið líkt við Beach Boys; Crosby, Stills, Nash & Young; Band of Horses og annað amerískt nýstirni, Bon Iver. Áhrifin frá tónlist sjöunda áratugarins eru augljós, en skýringuna má finna í því að Robin ólst upp við tónlist foreldra sinna, Bob Dylan, Beach Boys, Neil Young, Simon & Garfunkel og fleiri. Óbyggðir og ævintýriÍ textum Fleet Foxes er mikið talað um óbyggðir, t.d. í Ragged Wood, White Winter Hymnal og Medowlark, ekki beint umhverfið í stórborginni Seattle. Að sögn Robins átti hann við ofnæmisvandamál að stríða þegar hann var unglingur og varð að vera meira og minna inni í þjú ár. Þá sökkti hann sér inn í ímyndaðan heim með því að lesa bækur eins og Lord of the Rings. Hann segir tónist Fleet Foxes vera á einhvern hátt eins og ævintýri sem maður getur flúið inn í til að gleyma stað og stund. Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Maggie Smith er látin Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Gaf eiginmanninum nektarmynd á stórafmælinu Lífið Hvað gerði Diddy? Mansal, ofbeldi og samsæriskenningar um Justin Bieber Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Seattle-sveitin Fleet Foxes er á meðal heitustu nýliðanna í poppheiminum á árinu 2008, en fyrsta platan hennar samnefnd sveitinni hefur verið að fá hástemmda lofdóma beggja vegna Atlantshafsins að undanförnu. Trausti Júlíusson kynnti sér þetta kornunga band. „Okkar markmið er að vera ævintýragjarnir og trúir sjálfum okkur og hafa gaman af því sem við erum að gera saman," segir Robin Pecknold söngvari, gítarleikari og aðallagasmiður Seattle-sveitarinnar Fleet Foxes, í nýlegu viðtali. Yfirlýsing sem gæti átt við aðra hverja nýstofnaða hljómsveit, en munurinn á Fleet Foxes og öllum hinum er að Fleet Foxes er nýja uppáhaldshljómsveit tónlistaráhugamanna og gagnrýnenda úti um allan heim. Og Robin heldur áfram að lýsa sveitinni: „Það skemmtilegasta sem ég geri í heiminum er að syngja í harmóníu með öðru fólki þannig að vð gerum fullt af því. Við elskum kassagítara, rafmagnsgítara, stórar tom-trommur, mandólín, sílófóna, bassagítara, bassapedala, orgel, píanó, kótó og mest af öllu harmóníur og melódíur. Okkur hefur tekist ætlunarverkið ef við náum að gera lag þar sem öll hljóðfærin eru að gera eitthvað áhugavert og melódískt."ÆskuvinirFleet Foxes er skipuð þeim Robin, Skye Skjelset gítarleikara, Casey Westcott hljómborðsleikara, Josh Tillman trommuleikara og Christian Wargo bassaleikara. Robin og Skye eru æskuvinir og byrjuðu að spila á gítar saman fyrir tíu árum eða svo og ákváðu að stofna hljómsveit. Þeir störfuðu saman undir ýmsum nöfnum, t.d. Lemon/Lime og Pineapple, en fyrir tveimur árum varð Fleet Foxes til. Þeir vöktu snemma athygli fyrir góða frammistöðu á tónleikum og náðu eyrum útsendara Seattle-plötufyrirtækisins Sub Pop sem gerði við þá samning í fyrra. Fyrsta útgáfan var EP-platan Sun Giant sem kom út í febrúar og fyrsta stóra platan, Fleet Foxes, kom svo út nú í sumar. Líkt við Beach Boys og CSN&YVegur Fleet Foxes upp á stjörnuhimininn hefur verið hraður síðustu vikur og mánuði. Þeir hafa spilað mikið og eru bókaðir út árið og platan hefur fengið dúndurdóma, m.a. fullt hús í Mojo og Guardian og 9/10 hjá Pitchforkmedia. Tónlistin er heillandi þjóðlagaskotið indípopp borið uppi af fínum lagasmíðum og frábærum söng. Henni hefur m.a. verið líkt við Beach Boys; Crosby, Stills, Nash & Young; Band of Horses og annað amerískt nýstirni, Bon Iver. Áhrifin frá tónlist sjöunda áratugarins eru augljós, en skýringuna má finna í því að Robin ólst upp við tónlist foreldra sinna, Bob Dylan, Beach Boys, Neil Young, Simon & Garfunkel og fleiri. Óbyggðir og ævintýriÍ textum Fleet Foxes er mikið talað um óbyggðir, t.d. í Ragged Wood, White Winter Hymnal og Medowlark, ekki beint umhverfið í stórborginni Seattle. Að sögn Robins átti hann við ofnæmisvandamál að stríða þegar hann var unglingur og varð að vera meira og minna inni í þjú ár. Þá sökkti hann sér inn í ímyndaðan heim með því að lesa bækur eins og Lord of the Rings. Hann segir tónist Fleet Foxes vera á einhvern hátt eins og ævintýri sem maður getur flúið inn í til að gleyma stað og stund.
Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Maggie Smith er látin Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Gaf eiginmanninum nektarmynd á stórafmælinu Lífið Hvað gerði Diddy? Mansal, ofbeldi og samsæriskenningar um Justin Bieber Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira