Tvíleikur á nýjum diskum 18. desember 2008 04:00 Guðrún og Javier. Mynd Smekkleysa Þessa dagana er mikill viðgangur í útgáfu tónlistar og það eru ekki bara kórarnir, heldur líka bílskúrsböndin, einyrkjar og tvíeykin. Margir hafa lítil efni til að standa fyrir veigamiklum auglýsingum enda upplögin oft lítil. Í diskaflóðinu þessa dagana eru meðal annars þrír nýir diskar með tvíleik sem lágt fara. Þær stöllur Laufey Sigurðardóttir og Elísabet Waage gáfu nýlega út tónlist eftir ýmsa sem samin er fyrir fiðlu og hörpu. Safnið kalla þær Serena og standa þær sjálfar fyrir útgáfunni. Á disknum er meðal annars að finna verkin Serena eftir Leif Þórarinsson og Haustlauf eftir Mist Þorkelsdóttur sem voru sérstaklega samin fyrir flytjendurna. Hin verkin á diskinum eru eftir eldri meistara; Boieldieu, Spohr og Rossini. Upptöku stjórnaði Halldór Víkingsson og Smekkleysa sér um dreifingu. Laufey og Elísabet hafa starfað saman um langa hríð og leikið saman bæði í Hollandi og á Íslandi. Í sumar léku þær á 10. alheimsþingi hörpuleikara sem haldið var í Amsterdam. Geisladiskurinn Mitt er þitt - íslensk og spænsk sönglög með Guðrúnu Jóhönnu Ólafsdóttur mezzósópransöngkonu og spænska gítarleikaranum Francisco Javier Jáuregui, er að koma út hjá 12 Tónum. Þau hjón hafa haldið tónleika í fjölmörgum löndum á liðnum árum með margs konar tónlist frá ólíkum löndum, en hafa alltaf haft að minnsta kosti nokkur íslensk og spænsk lög með á efnisskránni. Á Mitt er þitt hafa þau valið þjóðlög og önnur sönglög sem þeim eru sérstaklega kær frá heimalöndum sínum. Á fyrra helmingi geisladisksins eru íslensk þjóðlög útsett af Javier, Vísur Vatnsenda-Rósu og Hjá lygnri móðu eftir Jón Ásgeirsson, Erla, góða Erla og Sofðu, sofðu góði eftir Sigvalda Kaldalóns og frumupptaka lagsins Síðasti strætó fer korter í eitt, sem þau Guðrún og Javier sömdu við ljóð Kristjáns Þórðar Hrafnssonar. Er fróðlegt að heyra hvernig aðkoma Navarra-mannsins er að íslenskum stefjum. Spænski helmingur disksins inniheldur þjóðlög í útsetningum Federico García Lorca og Graciano Tarragó, lög fyrir rödd og gítar eftir Joaquín Rodrigo og Federico Moreno Torroba og nýja útsetningu eftir Javier á hinu ástkæra katalónska þjóðlagi El cant dels ocells (Söngur fuglanna). Tóndæmi af disknum: http://www.myspace.com/gudrunolafsdottir. Til að fagna útkomu disksins ætla þau Guðrún Jóhanna og Francisco að flytja lögin af disknum í Langholtskirkju á fimmtudagskvöld kl. 20.00. Fer miðasala fram á midi.is, http://midi.is. Fyrr í haust sendu þau Guðrún S. Birgisdóttir og Martial Nardeau frá sér diskinn Hlið við hlið, safn af íslenskri flaututónlist. Þar er að finna hljóðritanir af verkum fyrir flautu eftir Mist Þorkelsdóttur, Snorra Sigfús Birgisson, Finn Torfa Stefánsson, Karólínu Eiríksdóttur, Þorkel Sigurbjörnsson og Hilmar Þórðarson. Með þessum útgáfum bætist enn í aðgengilegt safn íslenskra þjóðlaga og verka af erlendum stofn. Diskarnir eru allir fáanlegir í betri hljómplötudeildum. pbb@frettabladid.is Mest lesið Hefur gefið út tvö hundruð lög á fimm mánuðum Lífið Heitustu hinsegin pör landsins Lífið „Þetta er enginn helvítis félagskvíði, það bara þolir mig enginn“ Áskorun Byrjaði í smábrotum en vatt svo upp á sig Lífið Krakkatían: Teiknimyndir, mjólkurvörur og tölvuleikir Lífið Dóttir Snæfríðar og Högna komin með nafn Lífið Ekki búið spil Lífið Dró Antonio grunlausan með sér í Gamla bíó Lífið Harðfisk-, laxa- og beikonís á Ísdeginum í Hveragerði Lífið Randy er litríkasti gaurinn í hinni geggjuðu Pittsburgh Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira
Þessa dagana er mikill viðgangur í útgáfu tónlistar og það eru ekki bara kórarnir, heldur líka bílskúrsböndin, einyrkjar og tvíeykin. Margir hafa lítil efni til að standa fyrir veigamiklum auglýsingum enda upplögin oft lítil. Í diskaflóðinu þessa dagana eru meðal annars þrír nýir diskar með tvíleik sem lágt fara. Þær stöllur Laufey Sigurðardóttir og Elísabet Waage gáfu nýlega út tónlist eftir ýmsa sem samin er fyrir fiðlu og hörpu. Safnið kalla þær Serena og standa þær sjálfar fyrir útgáfunni. Á disknum er meðal annars að finna verkin Serena eftir Leif Þórarinsson og Haustlauf eftir Mist Þorkelsdóttur sem voru sérstaklega samin fyrir flytjendurna. Hin verkin á diskinum eru eftir eldri meistara; Boieldieu, Spohr og Rossini. Upptöku stjórnaði Halldór Víkingsson og Smekkleysa sér um dreifingu. Laufey og Elísabet hafa starfað saman um langa hríð og leikið saman bæði í Hollandi og á Íslandi. Í sumar léku þær á 10. alheimsþingi hörpuleikara sem haldið var í Amsterdam. Geisladiskurinn Mitt er þitt - íslensk og spænsk sönglög með Guðrúnu Jóhönnu Ólafsdóttur mezzósópransöngkonu og spænska gítarleikaranum Francisco Javier Jáuregui, er að koma út hjá 12 Tónum. Þau hjón hafa haldið tónleika í fjölmörgum löndum á liðnum árum með margs konar tónlist frá ólíkum löndum, en hafa alltaf haft að minnsta kosti nokkur íslensk og spænsk lög með á efnisskránni. Á Mitt er þitt hafa þau valið þjóðlög og önnur sönglög sem þeim eru sérstaklega kær frá heimalöndum sínum. Á fyrra helmingi geisladisksins eru íslensk þjóðlög útsett af Javier, Vísur Vatnsenda-Rósu og Hjá lygnri móðu eftir Jón Ásgeirsson, Erla, góða Erla og Sofðu, sofðu góði eftir Sigvalda Kaldalóns og frumupptaka lagsins Síðasti strætó fer korter í eitt, sem þau Guðrún og Javier sömdu við ljóð Kristjáns Þórðar Hrafnssonar. Er fróðlegt að heyra hvernig aðkoma Navarra-mannsins er að íslenskum stefjum. Spænski helmingur disksins inniheldur þjóðlög í útsetningum Federico García Lorca og Graciano Tarragó, lög fyrir rödd og gítar eftir Joaquín Rodrigo og Federico Moreno Torroba og nýja útsetningu eftir Javier á hinu ástkæra katalónska þjóðlagi El cant dels ocells (Söngur fuglanna). Tóndæmi af disknum: http://www.myspace.com/gudrunolafsdottir. Til að fagna útkomu disksins ætla þau Guðrún Jóhanna og Francisco að flytja lögin af disknum í Langholtskirkju á fimmtudagskvöld kl. 20.00. Fer miðasala fram á midi.is, http://midi.is. Fyrr í haust sendu þau Guðrún S. Birgisdóttir og Martial Nardeau frá sér diskinn Hlið við hlið, safn af íslenskri flaututónlist. Þar er að finna hljóðritanir af verkum fyrir flautu eftir Mist Þorkelsdóttur, Snorra Sigfús Birgisson, Finn Torfa Stefánsson, Karólínu Eiríksdóttur, Þorkel Sigurbjörnsson og Hilmar Þórðarson. Með þessum útgáfum bætist enn í aðgengilegt safn íslenskra þjóðlaga og verka af erlendum stofn. Diskarnir eru allir fáanlegir í betri hljómplötudeildum. pbb@frettabladid.is
Mest lesið Hefur gefið út tvö hundruð lög á fimm mánuðum Lífið Heitustu hinsegin pör landsins Lífið „Þetta er enginn helvítis félagskvíði, það bara þolir mig enginn“ Áskorun Byrjaði í smábrotum en vatt svo upp á sig Lífið Krakkatían: Teiknimyndir, mjólkurvörur og tölvuleikir Lífið Dóttir Snæfríðar og Högna komin með nafn Lífið Ekki búið spil Lífið Dró Antonio grunlausan með sér í Gamla bíó Lífið Harðfisk-, laxa- og beikonís á Ísdeginum í Hveragerði Lífið Randy er litríkasti gaurinn í hinni geggjuðu Pittsburgh Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira