Magnað laugardagskvöld 20. október 2008 06:00 Söngkonan Lovefoxxx fór fyrir CSS í Hafnarhúsinu. Þeir tónleikar voru hápunktur laugardagskvöldsins. MYND/Daníel Feitasta dagskráin á Airwaves-hátíðinni hefur yfirleitt verið á laugardagskvöldinu og árið í ár var þar engin undantekning og eins og oft áður var ljóst að nú þyrfti að velja og hafna. Kvöldið byrjaði samt ekki vel. Ég var mættur tímanlega eins og nokkrir tugir annarra gesta til að hlusta á þýsku tónlistarkonuna Gudrunu Gut á Tunglinu. Húsið var opnað og áður auglýst dagskrá hékk á hurðinni en ekkert gerðist og salurinn beið og beið. Seinna kom í ljós að Gudrun hafði ekki komið til landsins. Auðvitað geta listamenn alltaf forfallast, en það er lágmarkskurteisi að láta tónleikagesti vita. Ekki flókin aðgerð að hengja upp auglýsingu eða tilkynna í hljóðkerfi. Manni finnst nú að eftir tíu ár ætti Airwaves að ráða við svo einfalt verkefni. Á Nasa var hins vegar allt samkvæmt áætlun. Þar fóru strákarnir í Sudden Weather Change á kostum. Frábært band sem minnti svolítið á Sonic Youth með þriggja gítara framlínu. Á Tunglinu hélt hinn þýski Thomas Fehlmann uppi fínu stuði með dub-skotna teknóinu sínu, en eftir nokkur lög hjá honum var stefnan tekin aftur á Nasa til að hlusta á Singapore Sling. Sú sveit starfar í sínum eigin útúrsvala afkima og lætur strauma og stefnur ekkert slá sig út af laginu. Henni tekst einhvern veginn að halda sér síferskri og skilaði fínum tónleikum á laugardagskvöldið. Á Tunglinu var Svala Björgvins skrýdd gylltum vængjum og hljómsveitin hennar Steed Lord á fínu flugi. Rafpoppið hennar er að verða hrárra og villtara. Það var heljarinnar biðröð fyrir utan Hafnarhúsið sem virtist þó ganga nokkuð hratt fyrir sig. Inni voru færeysku drengirnir í Boys in a Band með salinn á valdi sínu. Margir tónleikagestir hrópuðu „Færeyjar! Færeyjar!" út í eitt og urðu ofsaglaðir þegar sveitin dreifði færeyskum fánum yfir salinn fyrir lokalagið. Ágætt rokkband. Næst var komið að brasilísku sveitinni CSS. Ég ákvað að færa mig fram að sviði til að sjá þau betur. CSS er greinilega mjög vel smurð tónleikasveit. Settið þeirra var sérstaklega vel upp byggt og söngkonan Lovefoxxx er greinilega ein af þessum stjörnum sem hefur þetta auka eitthvað sem skilur alvöru poppstjörnur frá okkur hinum. CSS var hreint frábær, 50 fullkomnar mínútur sem náðu hámarki með lokalögunum Let's Make Love and Listen to Death From Above og Alala. Á eftir þeim tók New York-sveitin Vampire Weekend við. Hún er svolítið „bragð mánaðarins" og á eina af bestu plötum ársins. Það er í raun aðdáunarvert hvað þeir félagar ná að búa til flotta tónlist með einföldum aðferðum. Bassaleikarinn er lykilmaður í bandinu. Það var greinilegt að salurinn gjörþekkti lögin og söng glaður með. Skemmtilegt. Á Tunglinu var allt stappað þegar hin franska Yelle steig á svið með aðstoðarmanni. Sérlega dansvænt og fjörlegt rafpopp þar á ferð sem féll vel í kramið. Ég endaði svo kvöldið með FM Belfast á Nasa. Eitt stórt sveitt partí og 15 manns hoppandi og hlæjandi á sviðinu þegar ég yfirgaf staðinn. Viðeigandi lokapunktur á fínu kvöldi.Hápunktur: CSS Trausti Júlíusson Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Í hnapphelduna með krókódílamanninum Lífið Hvað gerði Diddy? Mansal, ofbeldi og samsæriskenningar um Justin Bieber Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Feitasta dagskráin á Airwaves-hátíðinni hefur yfirleitt verið á laugardagskvöldinu og árið í ár var þar engin undantekning og eins og oft áður var ljóst að nú þyrfti að velja og hafna. Kvöldið byrjaði samt ekki vel. Ég var mættur tímanlega eins og nokkrir tugir annarra gesta til að hlusta á þýsku tónlistarkonuna Gudrunu Gut á Tunglinu. Húsið var opnað og áður auglýst dagskrá hékk á hurðinni en ekkert gerðist og salurinn beið og beið. Seinna kom í ljós að Gudrun hafði ekki komið til landsins. Auðvitað geta listamenn alltaf forfallast, en það er lágmarkskurteisi að láta tónleikagesti vita. Ekki flókin aðgerð að hengja upp auglýsingu eða tilkynna í hljóðkerfi. Manni finnst nú að eftir tíu ár ætti Airwaves að ráða við svo einfalt verkefni. Á Nasa var hins vegar allt samkvæmt áætlun. Þar fóru strákarnir í Sudden Weather Change á kostum. Frábært band sem minnti svolítið á Sonic Youth með þriggja gítara framlínu. Á Tunglinu hélt hinn þýski Thomas Fehlmann uppi fínu stuði með dub-skotna teknóinu sínu, en eftir nokkur lög hjá honum var stefnan tekin aftur á Nasa til að hlusta á Singapore Sling. Sú sveit starfar í sínum eigin útúrsvala afkima og lætur strauma og stefnur ekkert slá sig út af laginu. Henni tekst einhvern veginn að halda sér síferskri og skilaði fínum tónleikum á laugardagskvöldið. Á Tunglinu var Svala Björgvins skrýdd gylltum vængjum og hljómsveitin hennar Steed Lord á fínu flugi. Rafpoppið hennar er að verða hrárra og villtara. Það var heljarinnar biðröð fyrir utan Hafnarhúsið sem virtist þó ganga nokkuð hratt fyrir sig. Inni voru færeysku drengirnir í Boys in a Band með salinn á valdi sínu. Margir tónleikagestir hrópuðu „Færeyjar! Færeyjar!" út í eitt og urðu ofsaglaðir þegar sveitin dreifði færeyskum fánum yfir salinn fyrir lokalagið. Ágætt rokkband. Næst var komið að brasilísku sveitinni CSS. Ég ákvað að færa mig fram að sviði til að sjá þau betur. CSS er greinilega mjög vel smurð tónleikasveit. Settið þeirra var sérstaklega vel upp byggt og söngkonan Lovefoxxx er greinilega ein af þessum stjörnum sem hefur þetta auka eitthvað sem skilur alvöru poppstjörnur frá okkur hinum. CSS var hreint frábær, 50 fullkomnar mínútur sem náðu hámarki með lokalögunum Let's Make Love and Listen to Death From Above og Alala. Á eftir þeim tók New York-sveitin Vampire Weekend við. Hún er svolítið „bragð mánaðarins" og á eina af bestu plötum ársins. Það er í raun aðdáunarvert hvað þeir félagar ná að búa til flotta tónlist með einföldum aðferðum. Bassaleikarinn er lykilmaður í bandinu. Það var greinilegt að salurinn gjörþekkti lögin og söng glaður með. Skemmtilegt. Á Tunglinu var allt stappað þegar hin franska Yelle steig á svið með aðstoðarmanni. Sérlega dansvænt og fjörlegt rafpopp þar á ferð sem féll vel í kramið. Ég endaði svo kvöldið með FM Belfast á Nasa. Eitt stórt sveitt partí og 15 manns hoppandi og hlæjandi á sviðinu þegar ég yfirgaf staðinn. Viðeigandi lokapunktur á fínu kvöldi.Hápunktur: CSS Trausti Júlíusson
Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Í hnapphelduna með krókódílamanninum Lífið Hvað gerði Diddy? Mansal, ofbeldi og samsæriskenningar um Justin Bieber Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira