Elfsborg í annað sætið

Elfsborg lagði í dag Helsingborg í eina leik dagsins í sænsku úrvalsdeildinni í knattspyrnu, 1-0.

Þar með komst Elfsborg upp í annað sæti deildarinnar en liðið er þó þremur stigum á eftir Kalmar sem á leik til góða.

Elfsborg er með sextán stig, rétt eins og Djurgården sem á leik til góða, rétt eins og IFK Gautaborg sem er með fimmtán stig.

Helgi Valur Daníelsson lék allan leikinn fyrir Elfsborg en Ólafur Ingi Skúlason er meiddur og lék því ekki með Helsingborg.