Hatton þarf að setja tappann í flöskuna

Breski hnefaleikakappinn Ricky Hatton þarf að hætta að drekka brennivín ætli hann sér að vera áfram í fremstu röð. Þetta segir Floyd Mayweather eldri þjálfari Hattons.

Mayweather segir að Hatton vinni ekki Oscar de La Hoya og Floyd Mayweather yngri breyti hann ekki um lífstíl. Hatton verður að hætta brennivínsdrykkjunni, borða hollari mat og breyta um lífsstíl.

Ricky Hatton vann Pauli Malignaggi nokkuð örugglega í bardaga þeirra í Las Vegas á laugardag.