Hálf öld aðskilur nafnana 27. nóvember 2008 02:45 Bjarna og Ragnar Sólberg eru báðir að gefa út nýjar plötur fyrir þessi jól. fréttablaðið/gva 52 ár, eða rúmlega hálf öld, skilur að nafnana Ragnar Bjarnason og Ragnar Sólberg sem eru báðir að gefa út sólóplötur núna fyrir jólin. Plata Ragga Bjarna heitir Lögin sem aldrei mega gleymast og hefur að geyma þekkta slagara á borð við Manstu gamla daga, Fram í heiðanna ró og Viltu með mér vaka í nótt í skemmtilegum búningi. Gestasöngvarar eru Jónsi í Svörtum fötum, Ellen Kristjánsdóttir, Bjarni Ara og Kristjana Stefánsdóttir. Önnur sólóplata Ragnars Sólberg og sú fyrsta síðan hann var ellefu ára nefnist The Circle. Þar syngur hann lög um hringrás lífsins, lífið og dauðann. „Hún fjallar líka um það hvernig hringrás myndast á milli tveggja einstaklinga, um dauðann og ástina," segir hann. Enginn jafnoki RaggaÞrátt fyrir að rúmlega hálf öld skilji þessa tvo tónlistarmenn að og þeir séu að hittast í fyrsta sinn fer vel á með þeim. „Ég hlusta á hvað sem er sem kemur manni í gott skap," segir hinn ungi Ragnar spurður hvort hann fíli tónlist á borð við þá sem Raggi Bjarna ber á borð. „Ég hef verið mikið í Frank Sinatra undanfarið." Raggi eldri ljómar af ánægju þegar hann heyrir þetta en sjálfur hefur hann aldrei hlustað á Sign, rokksveit nafna síns. „Það er mikið komið af ungum strákum sem ég hef ekkert fylgst með," segir hann. En hvað ætli Ragnari Sólberg finnist um goðsögnina Ragga Bjarna?: „Mér finnst þú vera svalur. Það er æðislegt að þú skulir enn þá vera að gefa út plötur. Það er enginn sem gæti fyllt upp í þína skó," segir hann og þá svarar Raggi: „Röddin heldur og það er ekki eins og maður hafi verið með trefil alla sína tíð," segir hann og hlær, greinilega meðvitaður um að það er ekkert sjálfgefið að maður á hans aldri, 74 ára, geti enn þá sungið af fullum krafti. Bætir hann því við af hæversku að menn á borð við Björgvin Halldórsson geti vel fetað í hans fótspor í framtíðinni. Snarvitlaus fyrir 52 árumRaggi, hvernig varst þú fyrir 52 árum?: „Snarvitlaus," segir hann umsvifalaust. „Það var spennandi að vera í þessu. Þetta var miklu einfaldara og ekki svona mikið af öllu. Það var líka þessi spenningur að fara út að dansa og fara á ball. Þá var ekkert sjónvarp. Síðan vorum við með Sumargleðina í fimmtán ár og það var alltaf troðfullt." Ragnar Sólberg vonast til að standa í sporum nafna síns eftir 52 ár. „Ég ætla að vona að ég verði enn þá að gera tónlist, ef ég verð lifandi. Ætli ég búi ekki úti í sveit með fjölskyldunni og búi til tónlist." Stefna á samstarfRaggi Bjarna segist hafa áhuga á að starfa með sessunauti sínum í framtíðinni og öðrum tónlistarmönnum á hans aldri. Sér hann fyrir sér að syngja inn á plötu lög sem þeir hafi samið fyrir sig og útilokar til dæmis ekki að reyna fyrir sér í rappinu. „Þarna fengi ég að fara upp til þeirra. En þetta er svolítil vinna. Það þarf að koma gamlingjanum inn í þetta." Hann reynir hvað hann getur að hlusta á allt það nýjasta í tónlistinni. „Mér finnst gaman að þessu og ég veit alveg hvað er að ske. Ég er voða stoltur af þessu. Það hefur sprungið út svo mikið af ungu fólki sem eru ótrúlegar góðir hljóðfæraleikarar og „talentar". Þetta er það „legacy" sem ég vil sjá." freyr@frettabladid.is Mest lesið Ætlar í blómabað á Balí með manninum sínum Lífið Maggie Smith er látin Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Gaf eiginmanninum nektarmynd á stórafmælinu Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
52 ár, eða rúmlega hálf öld, skilur að nafnana Ragnar Bjarnason og Ragnar Sólberg sem eru báðir að gefa út sólóplötur núna fyrir jólin. Plata Ragga Bjarna heitir Lögin sem aldrei mega gleymast og hefur að geyma þekkta slagara á borð við Manstu gamla daga, Fram í heiðanna ró og Viltu með mér vaka í nótt í skemmtilegum búningi. Gestasöngvarar eru Jónsi í Svörtum fötum, Ellen Kristjánsdóttir, Bjarni Ara og Kristjana Stefánsdóttir. Önnur sólóplata Ragnars Sólberg og sú fyrsta síðan hann var ellefu ára nefnist The Circle. Þar syngur hann lög um hringrás lífsins, lífið og dauðann. „Hún fjallar líka um það hvernig hringrás myndast á milli tveggja einstaklinga, um dauðann og ástina," segir hann. Enginn jafnoki RaggaÞrátt fyrir að rúmlega hálf öld skilji þessa tvo tónlistarmenn að og þeir séu að hittast í fyrsta sinn fer vel á með þeim. „Ég hlusta á hvað sem er sem kemur manni í gott skap," segir hinn ungi Ragnar spurður hvort hann fíli tónlist á borð við þá sem Raggi Bjarna ber á borð. „Ég hef verið mikið í Frank Sinatra undanfarið." Raggi eldri ljómar af ánægju þegar hann heyrir þetta en sjálfur hefur hann aldrei hlustað á Sign, rokksveit nafna síns. „Það er mikið komið af ungum strákum sem ég hef ekkert fylgst með," segir hann. En hvað ætli Ragnari Sólberg finnist um goðsögnina Ragga Bjarna?: „Mér finnst þú vera svalur. Það er æðislegt að þú skulir enn þá vera að gefa út plötur. Það er enginn sem gæti fyllt upp í þína skó," segir hann og þá svarar Raggi: „Röddin heldur og það er ekki eins og maður hafi verið með trefil alla sína tíð," segir hann og hlær, greinilega meðvitaður um að það er ekkert sjálfgefið að maður á hans aldri, 74 ára, geti enn þá sungið af fullum krafti. Bætir hann því við af hæversku að menn á borð við Björgvin Halldórsson geti vel fetað í hans fótspor í framtíðinni. Snarvitlaus fyrir 52 árumRaggi, hvernig varst þú fyrir 52 árum?: „Snarvitlaus," segir hann umsvifalaust. „Það var spennandi að vera í þessu. Þetta var miklu einfaldara og ekki svona mikið af öllu. Það var líka þessi spenningur að fara út að dansa og fara á ball. Þá var ekkert sjónvarp. Síðan vorum við með Sumargleðina í fimmtán ár og það var alltaf troðfullt." Ragnar Sólberg vonast til að standa í sporum nafna síns eftir 52 ár. „Ég ætla að vona að ég verði enn þá að gera tónlist, ef ég verð lifandi. Ætli ég búi ekki úti í sveit með fjölskyldunni og búi til tónlist." Stefna á samstarfRaggi Bjarna segist hafa áhuga á að starfa með sessunauti sínum í framtíðinni og öðrum tónlistarmönnum á hans aldri. Sér hann fyrir sér að syngja inn á plötu lög sem þeir hafi samið fyrir sig og útilokar til dæmis ekki að reyna fyrir sér í rappinu. „Þarna fengi ég að fara upp til þeirra. En þetta er svolítil vinna. Það þarf að koma gamlingjanum inn í þetta." Hann reynir hvað hann getur að hlusta á allt það nýjasta í tónlistinni. „Mér finnst gaman að þessu og ég veit alveg hvað er að ske. Ég er voða stoltur af þessu. Það hefur sprungið út svo mikið af ungu fólki sem eru ótrúlegar góðir hljóðfæraleikarar og „talentar". Þetta er það „legacy" sem ég vil sjá." freyr@frettabladid.is
Mest lesið Ætlar í blómabað á Balí með manninum sínum Lífið Maggie Smith er látin Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Gaf eiginmanninum nektarmynd á stórafmælinu Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira