Á flótta undan réttvísinni 23. október 2008 06:00 Shia LaBeouf og Michelle Monaghan í kröppum dansi í myndinni Eagle Eye. Frumsýnd verður hér á landi um helgina kvikmyndin Eagle Eye, sem skartar þeim Shia LaBeouf og Michelle Monaghan í aðalhlutverkum. Í myndinni Eagle Eye kynnast áhorfendur letingjanum Jerry sem verður fyrir því óláni að missa tvíburabróður sinn í bílslysi. Í kjölfarið fara undarlegir atburðir að gerast; íbúð Jerrys fyllist af sprengiefni og vopnum og bandaríska alríkislögreglan handtekur hann. Hjálp berst honum þó frá óþekktri kvenmannsrödd í síma sem aðstoðar hann við að flýja frá lögreglunni. Á sama tíma berst einstæðu móðurinni Rachel, sem Michelle Monaghan leikur, símtal þar sem líf sonar hennar er sagt í hættu nema hún hlýði fyrirmælum hringjandans í einu og öllu. Röddin í símanum leiðir þau Jerry og Rachel saman og setur þeim fyrir ýmis vandmeðfarin verkefni sem leiða þau á endanum til Washington D.C., en þar verður tengingin við bróður Jerrys sem og skelfileg áform raddarinnar loks ljós. Ekki hefur mikið borið á aðalleikurum myndarinnar, þeim Michelle Monaghan og Shia LeBeouf, fram að þessu, en hugsanlega verður breyting á högum þeirra í kjölfar Eagle Eye. Shia LeBeouf kannast þó kannski sumir við úr kvikmyndinni Indiana Jones and the Kingdom of the Crystal Skull sem sýnd var í kvikmyndahúsum hér á landi í byrjun sumars, en þar fór hann með hlutverk sonar sjálfs Indiana Jones. Stærsta hlutverk Michelle Monaghan fram til þessa var í myndinni Gone Baby Gone þar sem hún lék á móti Casey Affleck, en íslenskir bíógestir gætu hafa séð henni bregða fyrir í myndinni Made of Honor sem hér var sýnd í sumar. Leikstjóri Eagle Eye er D.J. Caruso, en hann á að baki myndirnar Disturbia og The Salton Sea, ásamt því að hafa leikstýrt sjónvarpsþáttum á borð við The Shield og Robbery Homicide Division. Caruso hefur því talsverða reynslu af því að skapa ímyndaðan heim glæpamennsku og löggæslu sem hann nýtti sér eflaust við vinnslu þessarar nýjustu kvikmyndar sinnar. Eagle Eye hefur hlotið misjafna dóma í erlendum miðlum; á vefsíðunni www.imdb.com fær hún 6,9 af tíu mögulegum en hjá www.rottentomatoes.com fær hún einkunnina 29%. Það má því leiða að því líkur að myndin falli vel í kramið hjá forföllnum aðdáendum hasarmynda, en fari ef til vill fyrir ofan garð og neðan hjá öðrum. Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Búið spil Lífið Sóldís Vala er Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Svanhildur selur 500 fermetra höll í Akrahverfinu Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Frumsýnd verður hér á landi um helgina kvikmyndin Eagle Eye, sem skartar þeim Shia LaBeouf og Michelle Monaghan í aðalhlutverkum. Í myndinni Eagle Eye kynnast áhorfendur letingjanum Jerry sem verður fyrir því óláni að missa tvíburabróður sinn í bílslysi. Í kjölfarið fara undarlegir atburðir að gerast; íbúð Jerrys fyllist af sprengiefni og vopnum og bandaríska alríkislögreglan handtekur hann. Hjálp berst honum þó frá óþekktri kvenmannsrödd í síma sem aðstoðar hann við að flýja frá lögreglunni. Á sama tíma berst einstæðu móðurinni Rachel, sem Michelle Monaghan leikur, símtal þar sem líf sonar hennar er sagt í hættu nema hún hlýði fyrirmælum hringjandans í einu og öllu. Röddin í símanum leiðir þau Jerry og Rachel saman og setur þeim fyrir ýmis vandmeðfarin verkefni sem leiða þau á endanum til Washington D.C., en þar verður tengingin við bróður Jerrys sem og skelfileg áform raddarinnar loks ljós. Ekki hefur mikið borið á aðalleikurum myndarinnar, þeim Michelle Monaghan og Shia LeBeouf, fram að þessu, en hugsanlega verður breyting á högum þeirra í kjölfar Eagle Eye. Shia LeBeouf kannast þó kannski sumir við úr kvikmyndinni Indiana Jones and the Kingdom of the Crystal Skull sem sýnd var í kvikmyndahúsum hér á landi í byrjun sumars, en þar fór hann með hlutverk sonar sjálfs Indiana Jones. Stærsta hlutverk Michelle Monaghan fram til þessa var í myndinni Gone Baby Gone þar sem hún lék á móti Casey Affleck, en íslenskir bíógestir gætu hafa séð henni bregða fyrir í myndinni Made of Honor sem hér var sýnd í sumar. Leikstjóri Eagle Eye er D.J. Caruso, en hann á að baki myndirnar Disturbia og The Salton Sea, ásamt því að hafa leikstýrt sjónvarpsþáttum á borð við The Shield og Robbery Homicide Division. Caruso hefur því talsverða reynslu af því að skapa ímyndaðan heim glæpamennsku og löggæslu sem hann nýtti sér eflaust við vinnslu þessarar nýjustu kvikmyndar sinnar. Eagle Eye hefur hlotið misjafna dóma í erlendum miðlum; á vefsíðunni www.imdb.com fær hún 6,9 af tíu mögulegum en hjá www.rottentomatoes.com fær hún einkunnina 29%. Það má því leiða að því líkur að myndin falli vel í kramið hjá forföllnum aðdáendum hasarmynda, en fari ef til vill fyrir ofan garð og neðan hjá öðrum.
Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Búið spil Lífið Sóldís Vala er Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Svanhildur selur 500 fermetra höll í Akrahverfinu Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira