Bandaríski bankinn Bear Stearns hefur fengið neyðarfjármagn til að reyna að forða bankanum frá gjaldþroti samkvæmt heimildum erlendra miðla. JP Morgan Chase mun útvega fjármagnið í 28 daga og nýtur stuðnings varasjóðs New York ríkis. JP Morgan er einnig að reyna að fá langtímafjármagn fyrir bankann.
Vandamál Bear Stearns eru aðallega tilkomin vegna lánsfjárkreppu á alþjóðlegum markaði og vaxandi áhyggna af því að lánadrottnar eigi einnig í fjármögnunarvanda.
Bankinn er fimmti stærsti fjárfestingabanki á Wall Street og hefur verið í miðju lánsfjárkrísunnar. Nýlega jukust sögusagnir þess efnis að bankinn ætti í ströggli við að fjármagna daglegan rekstur.
