Bandarískur prófessor: Íslendingar, lítið ykkur nær Hafsteinn Gunnar Hauksson skrifar 19. ágúst 2009 10:36 Daniel W. Drezner, prófessor í alþjóðastjórnmálum og bloggari. Mynd/Bloggingheads.tv „[Sagan] er næstum jafn dramatísk og ævintýri úr norrænni goðafræði," segir Daniel W. Drezner, þekktur bandarískur prófessor og bloggari, í grein á vefsvæði Wall Street Journal í gær. Þar leggur hann út af bókinni Why Iceland? eftir Ásgeir Jónsson, forstöðumann greiningardeildar Kaupþings, og fjallar um hrun íslenska bankakerfisins. Í grein Drezners kemur hann inn á einkavæðingu bankanna, öran hagvöxt í landinu í aðdraganda bankahrunsins og loks lausafjárkreppuna, hrun krónunnar og áhlaup á bankana. Hann gagnrýnir viðbrögð stjórnmála- og embættismanna við hruninu, og segir það ekki þurfa að koma neinum á óvart að Davíð Oddsson, þáverandi seðlabankastjóri, hafi verið snjallari við kveðskap en fjármálafræði. Þá lýsir hann símtali fjármálaráðherra Íslands og Bretlands árið 2008 sem endaði með því að Bretar nýttu hryðjuverkalög landsins til að frysta eignir Landsbankans. Drezner segir sögu hrunsins á Íslandi vera frábært efni í góða frásögn, en segir Ásgeir Jónsson þó bjóða upp á lítið nýtt í bók sinni Why Iceland? þrátt fyrir að hafa verið í góðri innanbúðarstöðu vegna starfsins í Kaupþingi. Hann segir bókina minna um of á greiningarskýrslur eða fréttaskrif á köflum og virðist lítið hrifinn af gamansögum Ásgeirs úr bankageiranum. Hann segir mesta gagnið í bókinni vera að hún afhjúpi hugarfar íslensku þjóðarinnar. Hann bendir á að Ásgeir eyði ófáum blaðsíðum í að útlista blóraböggla sem brugðust Íslandi á alþjóðavettvangi, án þess að litið sé í eigin barm. Þetta þykir Drezner ekki sannfærandi og segir Íslendinga í leit að sökudólgum mega líta sér nær. Grein Drezners má lesa hér. Mest lesið Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Upplifunin verði eins og að fara í búð í útlöndum Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
„[Sagan] er næstum jafn dramatísk og ævintýri úr norrænni goðafræði," segir Daniel W. Drezner, þekktur bandarískur prófessor og bloggari, í grein á vefsvæði Wall Street Journal í gær. Þar leggur hann út af bókinni Why Iceland? eftir Ásgeir Jónsson, forstöðumann greiningardeildar Kaupþings, og fjallar um hrun íslenska bankakerfisins. Í grein Drezners kemur hann inn á einkavæðingu bankanna, öran hagvöxt í landinu í aðdraganda bankahrunsins og loks lausafjárkreppuna, hrun krónunnar og áhlaup á bankana. Hann gagnrýnir viðbrögð stjórnmála- og embættismanna við hruninu, og segir það ekki þurfa að koma neinum á óvart að Davíð Oddsson, þáverandi seðlabankastjóri, hafi verið snjallari við kveðskap en fjármálafræði. Þá lýsir hann símtali fjármálaráðherra Íslands og Bretlands árið 2008 sem endaði með því að Bretar nýttu hryðjuverkalög landsins til að frysta eignir Landsbankans. Drezner segir sögu hrunsins á Íslandi vera frábært efni í góða frásögn, en segir Ásgeir Jónsson þó bjóða upp á lítið nýtt í bók sinni Why Iceland? þrátt fyrir að hafa verið í góðri innanbúðarstöðu vegna starfsins í Kaupþingi. Hann segir bókina minna um of á greiningarskýrslur eða fréttaskrif á köflum og virðist lítið hrifinn af gamansögum Ásgeirs úr bankageiranum. Hann segir mesta gagnið í bókinni vera að hún afhjúpi hugarfar íslensku þjóðarinnar. Hann bendir á að Ásgeir eyði ófáum blaðsíðum í að útlista blóraböggla sem brugðust Íslandi á alþjóðavettvangi, án þess að litið sé í eigin barm. Þetta þykir Drezner ekki sannfærandi og segir Íslendinga í leit að sökudólgum mega líta sér nær. Grein Drezners má lesa hér.
Mest lesið Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Upplifunin verði eins og að fara í búð í útlöndum Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira