Milljarðamæringurinn sem keypti Ronaldo og Kaka 16. júní 2009 11:05 Forseti Real Madrid, hinn 62 ára gamli Florentino Perez er númer 394 í röðinni um auðugustu menn heimsins. En hann má ekki nota milljarðana sína fyrir Real Madrid. Kannski verður slíkt alls ekki nauðsynlegt. Þannig hefst grein í Ekstra Bladet um hinn litríka forseta Real Madrid en auðæfi hans eru metin á nær 250 milljarða kr. En þegar hann fer út að borða er allt eins líklegt að hann panti sér franskar með spældu eggi. Perez var kosinn forseti Real Madrid án mótframboðs. Enginn annar gat lagt fram nærri milljarð kr. sem var krafan fyrir því að geta boðið sig fram í hinum „lýðræðislegu" kosningum. Og nú er hann aftur orðinn forseti félagsins sem hann elskar öðru fremur, verkfræðingurinn, fyrrum stjórnmálamaðurinn og eiginmaðurinn með þrjú börn. Og hann hefur verið umtalaður í heimspressunni síðan hann tók aftur við stöðunni. Fyrst með kaupum á Kaka, síðan Ronaldo og fleiri eru í sigtinu, m.a. David Villa og Franck Ribery. Nóg er af peningunum. Bankar veita Real Madrid lán með mikilli ánægju því samkvæmt reglunum má Perez sjálfur ekki leggja neinar fjárhæðir til félagsins. Talandi um fjárhæðir þá þénar Real Madrid hátt í 30 milljarða kr. á ári bara á sjónvarpsréttindum. Tvöfalt á við Manchester United að því er segir á Deloitte´s Football Money League. Þessi fjárhæð er þó ekki nægileg til að kaupa Ronaldo og Kaka. „Ég veit ekki hvaða peninga Real ætlar að nota til að kaupa leikmennina. Sjálfir nefna þeir sölu á keppnistreyjum en það er ómögulegt. Þá þyrftu þeir að selja 30 milljón treyjur," segir Xavier Sala-i-Martin fjármálastjóri Barcelona. En Perez er ekki taugaveiklaður yfir þessu. Hann er vanur stórum upphæðum. Sem forstjóri fyrir stærsta byggingarfélag Spánar með starfsemi í 50 löndum og 50.000 starfsmenn hafa persónuleg auðæfi hans aukist í takt við að byggingarnar hafi risið frá grunni. Perez reyndi árið 1994 að verða forseti Real Madrid en tapaði þá kosningunum fyrir Ramon Mendoza. Árið 2000 tókst honum svo í fyrsta sinn að verða forseti félagsins. Þá lofaði hann að bjarga hríðversnandi efnahag Real. Það gerðist með kaupum á leikmönnum á borð við Figo, Zedine Zidane, þá dýrasta leikmanni sögunnar, og Ronaldo þ.e. brasilísku útgáfunni. Og David Beckham og fleiri flutu með. Þetta leiddi til mikillar aukningar á tekjum félagsins á sjónvarpsréttindum og ýmsum varningi en félagið bara vann ekki nóg af titlum. Því varð Perez að víkja árið 2006. Í Real sýnst lífið nefnilega nær eingöngu um að vinna titla og safna bikurum í þar til gerða skápa félagsins. En Perez er kominn aftur til Real, félagsins sem hann hefur fylgt að málum frá því hann var barn að aldri. Og það er einn munur á Perez og öðrum auðkýfingum. Það er auðvelt að ná sambandi við hann og hann svarar ætíð skilaboðum sem hann fær. Mest lesið Fríar skólamáltíðir séu skammgóður vermir Viðskipti innlent Verulega minni verðbólga Viðskipti innlent Samherji hvetur Odd Eystein til frekari verka Viðskipti innlent Þrotabú Wok on vill tugmilljóna endurgreiðslu frá Kristjáni Viðskipti innlent Frá RÚV til Coca-Cola Viðskipti innlent Spá sömuleiðis óbreyttum stýrivöxtum Viðskipti innlent Að hætta að vera vandræðaleg í nýrri vinnu Atvinnulíf Mun leiða ferskvatnseldi hjá First Water Viðskipti innlent Salzburg úr sögunni hjá Play Viðskipti innlent Ummæli seðlabankastjóra „skringileg“ Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Forseti Real Madrid, hinn 62 ára gamli Florentino Perez er númer 394 í röðinni um auðugustu menn heimsins. En hann má ekki nota milljarðana sína fyrir Real Madrid. Kannski verður slíkt alls ekki nauðsynlegt. Þannig hefst grein í Ekstra Bladet um hinn litríka forseta Real Madrid en auðæfi hans eru metin á nær 250 milljarða kr. En þegar hann fer út að borða er allt eins líklegt að hann panti sér franskar með spældu eggi. Perez var kosinn forseti Real Madrid án mótframboðs. Enginn annar gat lagt fram nærri milljarð kr. sem var krafan fyrir því að geta boðið sig fram í hinum „lýðræðislegu" kosningum. Og nú er hann aftur orðinn forseti félagsins sem hann elskar öðru fremur, verkfræðingurinn, fyrrum stjórnmálamaðurinn og eiginmaðurinn með þrjú börn. Og hann hefur verið umtalaður í heimspressunni síðan hann tók aftur við stöðunni. Fyrst með kaupum á Kaka, síðan Ronaldo og fleiri eru í sigtinu, m.a. David Villa og Franck Ribery. Nóg er af peningunum. Bankar veita Real Madrid lán með mikilli ánægju því samkvæmt reglunum má Perez sjálfur ekki leggja neinar fjárhæðir til félagsins. Talandi um fjárhæðir þá þénar Real Madrid hátt í 30 milljarða kr. á ári bara á sjónvarpsréttindum. Tvöfalt á við Manchester United að því er segir á Deloitte´s Football Money League. Þessi fjárhæð er þó ekki nægileg til að kaupa Ronaldo og Kaka. „Ég veit ekki hvaða peninga Real ætlar að nota til að kaupa leikmennina. Sjálfir nefna þeir sölu á keppnistreyjum en það er ómögulegt. Þá þyrftu þeir að selja 30 milljón treyjur," segir Xavier Sala-i-Martin fjármálastjóri Barcelona. En Perez er ekki taugaveiklaður yfir þessu. Hann er vanur stórum upphæðum. Sem forstjóri fyrir stærsta byggingarfélag Spánar með starfsemi í 50 löndum og 50.000 starfsmenn hafa persónuleg auðæfi hans aukist í takt við að byggingarnar hafi risið frá grunni. Perez reyndi árið 1994 að verða forseti Real Madrid en tapaði þá kosningunum fyrir Ramon Mendoza. Árið 2000 tókst honum svo í fyrsta sinn að verða forseti félagsins. Þá lofaði hann að bjarga hríðversnandi efnahag Real. Það gerðist með kaupum á leikmönnum á borð við Figo, Zedine Zidane, þá dýrasta leikmanni sögunnar, og Ronaldo þ.e. brasilísku útgáfunni. Og David Beckham og fleiri flutu með. Þetta leiddi til mikillar aukningar á tekjum félagsins á sjónvarpsréttindum og ýmsum varningi en félagið bara vann ekki nóg af titlum. Því varð Perez að víkja árið 2006. Í Real sýnst lífið nefnilega nær eingöngu um að vinna titla og safna bikurum í þar til gerða skápa félagsins. En Perez er kominn aftur til Real, félagsins sem hann hefur fylgt að málum frá því hann var barn að aldri. Og það er einn munur á Perez og öðrum auðkýfingum. Það er auðvelt að ná sambandi við hann og hann svarar ætíð skilaboðum sem hann fær.
Mest lesið Fríar skólamáltíðir séu skammgóður vermir Viðskipti innlent Verulega minni verðbólga Viðskipti innlent Samherji hvetur Odd Eystein til frekari verka Viðskipti innlent Þrotabú Wok on vill tugmilljóna endurgreiðslu frá Kristjáni Viðskipti innlent Frá RÚV til Coca-Cola Viðskipti innlent Spá sömuleiðis óbreyttum stýrivöxtum Viðskipti innlent Að hætta að vera vandræðaleg í nýrri vinnu Atvinnulíf Mun leiða ferskvatnseldi hjá First Water Viðskipti innlent Salzburg úr sögunni hjá Play Viðskipti innlent Ummæli seðlabankastjóra „skringileg“ Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira