Bayern skoraði fjögur mörk gegn AC Milan í kvöld

Bayern Munchen tryggði sér sæti í úrslitaleik Audi-bikarsins á móti Manchester United á morgun með því að vinna 4-1 sigur á ítalska liðinu AC Milan í kvöld. Tvö marka Bayern komu á tveimur síðustu mínútum leiksins.

Thomas Müller skoraði tvö mörk fyrir Bayern í kvöld en hann er 19 ára sóknarmiðjumaður sem hefur komið upp í gegnum unglingastarf félagsins. Hin mörkin skoruðu þeir Bastian Schweinsteiger og Saër Sène. Andrea Pirlo minnkaði muninn fyrir AC Milan.