Hlutabréf hækkuðu í Asíu

Hlutabréf á mörkuðum í Asíu og Bandaríkjunum hækkuðu í verði í kjölfar væntinga um að bandaríska ríkið auki við hlut sinn í bankarisanum Citigroup sem það keypti 20 milljarða dollara hlut í á síðasta ári til að verja bankann falli.

Bréf bankastofnana og hátæknifyrirtækja í Suður-Kóreu hækkuðu í verði, en lækkun varð hjá japanska tæknirisanum Toshiba og ástralska stálframleiðandanum BlueScope eftir að dagblað greindi frá því að fyrirtækið væri í fjárhagsvandræðum.