Álfyrirtæki ganga á birgðir til að nýta verðhækkanir 1. september 2009 10:55 Álverð á heimsmarkaði er aftur komið upp fyrir 1.900 dollara á tonnið hafa lækkað aðeins í síðustu viku. Á undanförnum tveimur vikum hefur álverð lækkað um 10% eftir umtalsverðar hækkanir í sumar. Á fyrri helmingi ársins hækkaði álverð um 6% í kauphöllinni í London (London Metal Exchange) en á tveimur mánuðum frá júníbyrjun til loka júlí rauk það upp um þriðjung samhliða hækkun á verði annarra hrávara. Hagfræðideild Landsbankans fjallar um þróunina í Hagsjá sinni. Þar segir að fregnir af álmörkuðum benda til þess að álfyrirtæki hafi gengið á birgðir að undanförnu til þess að nýta sér hækkandi verð. Þannig metur Alþjóðaálstofnunin (International Aluminium Institute - IAI) að alls hafi 2,3 milljón tonn af áli verið í birgðageymslum á heimsvísu í lok júlí, samanborið við 2,9 milljón tonn á sama tíma fyrir ári. Af þessum tölum er rúmur helmingur óunnið ál tilbúið til vinnslu, þ.e. blokkir áls úr álverum, en afgangurinn m.a. afgangsál til endurvinnslu og ál á hinum ýmsu vinnslustigum. Samhliða útgáfu upplýsinga um birgðastöðu áls í heiminum tilkynnti stærsta álframleiðslufyrirtæki Kína, Aluminum Corp. of China (Chalco), að þarlend álver, miðlarar og vöruhús hefðu allt að 600 þúsund rúmtonn í hirslum sínum sökum umframframleiðslu undanfarið þar í landi. Þær birgðir eru ekki meðtaldar í ofangreindum tölum IAI og er magnið þrefalt meira en uppgefnar birgðir í vöruhúsum kauphallarinnar í Shanghaí sem geyma hrávörur vegna framvirkra samninga. Hátt verð á áli undanfarið hefur verið útskýrt með ýmsu móti. Meðal annars lágu vaxtastigi víðast hvar sem hvetur fjárfesta til að leita ávöxtunar á nýjum vettvangi, t.d. hrávörum. Þá efldu jákvæðar hagtölur í sumar bjartsýni á að það versta sé yfirstaðið í efnahagsniðursveiflunni sem gaf fjárfestum trú á aukna eftirspurn. Kínversk yfirvöld hafa það sem af er ári safnað varaforða áls fyrir milligöngu Varaforðaskrifstofu ríkisins, um 570 þúsund rúmtonn alls. Meirihluti varaforðans er keyptur af Chalco en framleiðsla hefur verið aukin upp á síðkastið fyrir tilstilli efnahagshvata stjórnvalda. Haft er eftir forstjóra Chalco í frétt á Bloomberg að ekki standi til að selja af varaforðanum í bráð. Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Upplifunin verði eins og að fara í búð í útlöndum Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Álverð á heimsmarkaði er aftur komið upp fyrir 1.900 dollara á tonnið hafa lækkað aðeins í síðustu viku. Á undanförnum tveimur vikum hefur álverð lækkað um 10% eftir umtalsverðar hækkanir í sumar. Á fyrri helmingi ársins hækkaði álverð um 6% í kauphöllinni í London (London Metal Exchange) en á tveimur mánuðum frá júníbyrjun til loka júlí rauk það upp um þriðjung samhliða hækkun á verði annarra hrávara. Hagfræðideild Landsbankans fjallar um þróunina í Hagsjá sinni. Þar segir að fregnir af álmörkuðum benda til þess að álfyrirtæki hafi gengið á birgðir að undanförnu til þess að nýta sér hækkandi verð. Þannig metur Alþjóðaálstofnunin (International Aluminium Institute - IAI) að alls hafi 2,3 milljón tonn af áli verið í birgðageymslum á heimsvísu í lok júlí, samanborið við 2,9 milljón tonn á sama tíma fyrir ári. Af þessum tölum er rúmur helmingur óunnið ál tilbúið til vinnslu, þ.e. blokkir áls úr álverum, en afgangurinn m.a. afgangsál til endurvinnslu og ál á hinum ýmsu vinnslustigum. Samhliða útgáfu upplýsinga um birgðastöðu áls í heiminum tilkynnti stærsta álframleiðslufyrirtæki Kína, Aluminum Corp. of China (Chalco), að þarlend álver, miðlarar og vöruhús hefðu allt að 600 þúsund rúmtonn í hirslum sínum sökum umframframleiðslu undanfarið þar í landi. Þær birgðir eru ekki meðtaldar í ofangreindum tölum IAI og er magnið þrefalt meira en uppgefnar birgðir í vöruhúsum kauphallarinnar í Shanghaí sem geyma hrávörur vegna framvirkra samninga. Hátt verð á áli undanfarið hefur verið útskýrt með ýmsu móti. Meðal annars lágu vaxtastigi víðast hvar sem hvetur fjárfesta til að leita ávöxtunar á nýjum vettvangi, t.d. hrávörum. Þá efldu jákvæðar hagtölur í sumar bjartsýni á að það versta sé yfirstaðið í efnahagsniðursveiflunni sem gaf fjárfestum trú á aukna eftirspurn. Kínversk yfirvöld hafa það sem af er ári safnað varaforða áls fyrir milligöngu Varaforðaskrifstofu ríkisins, um 570 þúsund rúmtonn alls. Meirihluti varaforðans er keyptur af Chalco en framleiðsla hefur verið aukin upp á síðkastið fyrir tilstilli efnahagshvata stjórnvalda. Haft er eftir forstjóra Chalco í frétt á Bloomberg að ekki standi til að selja af varaforðanum í bráð.
Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Upplifunin verði eins og að fara í búð í útlöndum Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira