Boða til mótmæla fyrir utan lögreglustöðina

Stjórnleysingjar hafa boðað til mótmæla fyrir utan lögreglustöðina við Hverfisgötuna en tilkynningar um það má finna á tveim heimasíðum, önnur þeirra er vefritið NEI.

Þó deila byltingasinnar og stjórnleysingjar um tíma mótmælanna en á NEI kemur fram að mótmælin hafi átt að hefjast klukkan hálf eitt. Önnur síða, aftaka.org, hafa boðað til mótmæla klukkan hálf tvö.

Ástæðan fyrir mótmælunum er handtaka hússtökufólksins fyrr í dag. Alls voru 22 handteknir í aðgerðum lögreglunnar sem voru umfangsmiklar.

Lögreglan þurfti að notast við vélsög og kúbein til þess að brjóta sér leið upp á aðra hæð hússins. Engin virðist vera slasaður eftir átökin.