Cayman eyjar á barmi gjaldþrots og íhuga skattheimtu 2. september 2009 09:16 Hið opinbera á Cayman eyjum rambar nú á barmi gjaldþrots og hafa stjórnvöld því íhugað að koma á fót skattheimtu á eyjunum til að bregðast við ástandinu. Bresk stjórnvöld, sem eyjarnar heyra undir, hafa hafnað því að draga stjórn Cayman að landi hvað þetta varðar. Fjöldi af auðugasta fólki heimsins hefur löngum sleikt sólina á Cayman eyjum og notað þær sem skattaskjól. Þarna er skráður mesti fjölda vogunarsjóða í heiminum og þar er fimmtu stærstu bankamiðstöð heimsins að finna. Þessir aðilar borga ekki skatta heldur aðeins minniháttar gjöld fyrir að fá að starfa á eyjunum. En það hefur ekki dugað til að halda uppi opinberri þjónustu á eyjunum. Opinberir starfsmenn fá ekki lengur lífeyrisgreiðslur eða sjúkratryggingar greiddar í launaumslögum sínum. Verktakar og aðrir sem eiga í viðskiptum við hið opinbera hafa ekki fengið reikninga sína greidda. Samkvæmt frétt um málið í The Guardian grátbað landsstjóri Cayman-eyja, William Mckeeva Bush, bresk stjórnvöld um 190 milljón punda lán. Svarið á móti var krafa um að eyjarnar myndu draga úr lántökum sínum og skera niður skuldir sínar. Í bréfi frá breska fjármálaráðuneytinu var Bush bent á að taka upp skatta, til dæmis tekju- og eignaskatta. Þetta hefur sent skjálftabylgju út meðal vellauðugra íbúa á eyjunum. Bæði Paul Allen annar stofnandi Microsoft og kylfingurinn Tiger Woods eru með heimahöfn fyrir snekkjur sínar á eyjunum. Hinir vellauðugu eru þó aðeins brot af íbúafjöldanum á Cayman. Langflestir eyjaskeggja eru fátækt fólk sem lifir í einföldum einnar hæðar múrsteinshúsum. Flestir þeirra lifa af því að þjónusta hina auðugu. Það er fjármálakreppan í heiminum sem skilið hefur eftir risastórt gat í fjárlögum eyjarinnar og þar að auki hafa bandarískir ferðamenn ekki lengur efni á að koma í heimsóknir. Fjárlagagatið stafar einkum af því að á uppgangsárunum, áður en bólan sprakk, var farið í viðamiklar endurbætur á úr sér gengnum innviðum eyjarinar. Endurbætur sem voru fjármagnaðar með lánum. Veislan er búin en reikningarnir bíða. Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Upplifunin verði eins og að fara í búð í útlöndum Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Hið opinbera á Cayman eyjum rambar nú á barmi gjaldþrots og hafa stjórnvöld því íhugað að koma á fót skattheimtu á eyjunum til að bregðast við ástandinu. Bresk stjórnvöld, sem eyjarnar heyra undir, hafa hafnað því að draga stjórn Cayman að landi hvað þetta varðar. Fjöldi af auðugasta fólki heimsins hefur löngum sleikt sólina á Cayman eyjum og notað þær sem skattaskjól. Þarna er skráður mesti fjölda vogunarsjóða í heiminum og þar er fimmtu stærstu bankamiðstöð heimsins að finna. Þessir aðilar borga ekki skatta heldur aðeins minniháttar gjöld fyrir að fá að starfa á eyjunum. En það hefur ekki dugað til að halda uppi opinberri þjónustu á eyjunum. Opinberir starfsmenn fá ekki lengur lífeyrisgreiðslur eða sjúkratryggingar greiddar í launaumslögum sínum. Verktakar og aðrir sem eiga í viðskiptum við hið opinbera hafa ekki fengið reikninga sína greidda. Samkvæmt frétt um málið í The Guardian grátbað landsstjóri Cayman-eyja, William Mckeeva Bush, bresk stjórnvöld um 190 milljón punda lán. Svarið á móti var krafa um að eyjarnar myndu draga úr lántökum sínum og skera niður skuldir sínar. Í bréfi frá breska fjármálaráðuneytinu var Bush bent á að taka upp skatta, til dæmis tekju- og eignaskatta. Þetta hefur sent skjálftabylgju út meðal vellauðugra íbúa á eyjunum. Bæði Paul Allen annar stofnandi Microsoft og kylfingurinn Tiger Woods eru með heimahöfn fyrir snekkjur sínar á eyjunum. Hinir vellauðugu eru þó aðeins brot af íbúafjöldanum á Cayman. Langflestir eyjaskeggja eru fátækt fólk sem lifir í einföldum einnar hæðar múrsteinshúsum. Flestir þeirra lifa af því að þjónusta hina auðugu. Það er fjármálakreppan í heiminum sem skilið hefur eftir risastórt gat í fjárlögum eyjarinnar og þar að auki hafa bandarískir ferðamenn ekki lengur efni á að koma í heimsóknir. Fjárlagagatið stafar einkum af því að á uppgangsárunum, áður en bólan sprakk, var farið í viðamiklar endurbætur á úr sér gengnum innviðum eyjarinar. Endurbætur sem voru fjármagnaðar með lánum. Veislan er búin en reikningarnir bíða.
Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Upplifunin verði eins og að fara í búð í útlöndum Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira