Ótrúlegur sigur Pittsburgh Eiríkur Stefán Ásgeirsson skrifar 2. febrúar 2009 03:14 Santonio Holmes var hetja Pittsburgh í leiknum. Nordic Photos / Getty Images Pittsburgh Steelers vann í nótt sigur á Arizona Cardinals í úrslitaleik NFL-deildarinnar, Super Bowl, 27-23. Pittsburgh var með yfirhöndina lengst af í leiknum en síðari helmingur síðasta fjórðungsins var dramatískur í meira lagi. Pittsburgh var komið í 20-7 forystu þegar að Arizona skoraði tvö snertimörk í röð og kom sér skyndilega í forystu þegar skammt var til leiksloka. En Pittsburgh kláraði leikinn með glæsilegri sókn sem skilaði liðinu snertimarki á ögurstundu og þar með sigur í hádramatískum leik. Santonio Holmes var hetja Pittsburgh í þessari lokasókn en hann skoraði snertimarkið örlagaríka. Leikstjórnandinn Ben Roethlisberger keyrði áfram sókn Pittsburgh af miklum krafti sem skapaði sigur liðsins. Pittsburgh byrjaði betur og skoraði vallarmark í sinni fyrstu sókn í leiknum. Liðið náði svo að fylgja því eftir með snertimarki í upphafi annars leikhluta en Gary Russell var þar að verki. En Arizona svaraði með snertimarki sem Ben Patrick skoraði eftir sendingu leikstjórnandans Kurt Warnes. Síðasta kerfið var upp við endamarkið en sóknin taldi alls níu kerfi og 83 jarda. Arizona náði svo aftur boltanum undir lok fyrri hálfleiksins og var allt útlit fyrir að liðið myndi skora annað snertimark - ef ekki þá alla vega vallarmark og jafna metin í leiknum. En þegar að Arizona var upp við endamarkið kastaði Warner beint á varnarmanninn James Harrisson sem gerði sér lítið fyrir og hljóp allan völlinn endilangan og skoraði snertimark fyrir Pittsburgh. Sannarlega ótrúlegt hlaup sem taldi alla 100 jardana. Staðan því 17-7 í hálfleik. Jeff Reed náði svo að skora öðru sinni vallarmark fyrir Pittsburgh í lok þriðja leikhluta eftir langa sóknarlotu liðsins. Alls sextán kerfi og 79 jardar. Þar með var staðan orðin 20-7 og hún hélst þannig vel fram í fjórða leikhluta. Larry Fitzgerald, hinn öflugi útherji Arizona, hafði látið lítið fyrir sér fara í leiknum en lét svo sannarlega til sín taka í þeim fjórða. Arizona náði að klára fjögurra mínútna sókn sem taldi átta kerfi með snertimarki þegar að tæpar átta mínútur voru eftir. Kurt Warner átti djarfa sendingu á Fitzgerald á ögurstundu en sá síðarnefndi náði að grípa boltann í endasvæðinu þrátt fyrir erfiða stöðu. Arizona náði svo að koma Pittsburgh í erfiða stöðu í upphafi sinnar sóknar. Svo fór að liðið náði ekki að koma boltanum frá sér og fékk á sig sjálfmark. Þar með var munurinn orðinn fjögur stig, 20-16. Pittsburgh byrjaði næstu sókn þegar þrjár mínútur voru eftir en hún entist ekki í nema nokkrar sekúndur. Arizona fékk boltann strax aftur og kláraði annað snertimark á aðeins 21 sekúndu. Kurt Warner átti sendinguna á Larry Fitzgerald sem kláraði 64 jarda kerfi með snertimarkinu. Þar með var Arizona komið yfir í fyrsta sinn í leiknum, 23-20, og skammt til leiksloka. Margir héldu að ótrúlegur sigur Arizona væri staðreynd. En Ben Roethlisberger og félagar hans neituðu að játa sig sigraða. Með mikilli seiglu náðu þeir að keyra átta kerfi áfram, hlaupa 78 jarda og skora snertimark. Roethlisbergar átti tvær lykilsendingar á Santonio Holmes sem var lykilmaðurinn í síðustu sókn Pittsburgh. Hann náði svo að grípa boltann í horni endamarksins frá Roethlisberger og tryggja þar með Pittsburgh sigurinn. Sannarlega ótrúlegur lokakafli á hreint frábærum leik. Arizona fékk ekki nema um 40 sekúndur til að svara en tókst það ekki í þetta sinn. Sætur sigur Pittsburgh því staðreynd. Þetta var sjötti sigur Pittsburgh í leiknum um Ofurskálina sem er met í NFL-deildinni. Erlendar Mest lesið „Líklega besti leikur lífs míns“ Fótbolti NBA meistarar Boston Celtics til sölu Körfubolti De Bruyne: Of snemmt til að svara því Fótbolti Pálmi klárar tímabilið með KR Íslenski boltinn McLaren vill að Verstappen verði refsað: Allur heimurinn veit hver er sá seki Formúla 1 Man Utd horfir enn á ný til fyrrum lærisveins Ten Hag Enski boltinn Hinn fullkomni leikur hjá Nico Williams Fótbolti Diogo Costa varði þrjú víti í vító og Portúgalar mæta Frökkum Fótbolti Glódís Perla og hinar stelpurnar mældar í bak og fyrir Fótbolti „Takk fyrir að berjast alltaf fyrir okkur stelpunum“ Íslenski boltinn Fleiri fréttir „Takk fyrir að berjast alltaf fyrir okkur stelpunum“ Dagskráin í dag: Besta deild kvenna og Meistaradeildin í snóker NBA meistarar Boston Celtics til sölu „Líklega besti leikur lífs míns“ Hinn fullkomni leikur hjá Nico Williams Man Utd horfir enn á ný til fyrrum lærisveins Ten Hag Diogo Costa varði þrjú víti í vító og Portúgalar mæta Frökkum De Bruyne: Of snemmt til að svara því Hilmar Smári semur við Stjörnuna McLaren vill að Verstappen verði refsað: Allur heimurinn veit hver er sá seki Glódís Perla og hinar stelpurnar mældar í bak og fyrir Klay Thompson að semja við Dallas Mavericks Sautján ára strákur lést eftir að hafa hnigið niður í miðjum leik Sjáðu sjálfsmarkið sem kom Frökkum í átta liða úrslit Aftur vinna Frakkar á sjálfsmarki og nú skilar það þeim í átta liða úrslit Ólíklegt að Bellingham fái leikbann Elín Klara valin í lið mótsins á HM Ísböð á nóttunni og alltaf tilbúinn að gefa góð ráð Chelsea fær framherja frá Barcelona og Earps til PSG Hlynur Freyr á leið til Svíþjóðar Lögregluleit í líkamsrækt Khabib og bankareikningar hans frystir Ein sú besta dregur sig einnig úr keppni á Wimbledon Sú besta verður í París: „Vissi að ég myndi snúa aftur“ Borga yfir þrjátíu milljarða fyrir þrjú ár framan á búningum Rauðu djöflanna Lebron James slítur samningi við Lakers og Chris Paul fer til Spurs Fagnaði markinu með því að þykjast kasta vatnsbrúsa Bakmeiðsli plaga Murray og enn óvíst hvort hann taki þátt á Wimbledon Skilur við Jamaíka í góðu og telur liðið á betri stað nú en þegar hann tók við „Aðdáendur liðsins munu kynnast mínum gríska anda og orku“ Keane um Mainoo: „Er að gera hluti sem tók mig tíu ár að læra“ Sjá meira
Pittsburgh Steelers vann í nótt sigur á Arizona Cardinals í úrslitaleik NFL-deildarinnar, Super Bowl, 27-23. Pittsburgh var með yfirhöndina lengst af í leiknum en síðari helmingur síðasta fjórðungsins var dramatískur í meira lagi. Pittsburgh var komið í 20-7 forystu þegar að Arizona skoraði tvö snertimörk í röð og kom sér skyndilega í forystu þegar skammt var til leiksloka. En Pittsburgh kláraði leikinn með glæsilegri sókn sem skilaði liðinu snertimarki á ögurstundu og þar með sigur í hádramatískum leik. Santonio Holmes var hetja Pittsburgh í þessari lokasókn en hann skoraði snertimarkið örlagaríka. Leikstjórnandinn Ben Roethlisberger keyrði áfram sókn Pittsburgh af miklum krafti sem skapaði sigur liðsins. Pittsburgh byrjaði betur og skoraði vallarmark í sinni fyrstu sókn í leiknum. Liðið náði svo að fylgja því eftir með snertimarki í upphafi annars leikhluta en Gary Russell var þar að verki. En Arizona svaraði með snertimarki sem Ben Patrick skoraði eftir sendingu leikstjórnandans Kurt Warnes. Síðasta kerfið var upp við endamarkið en sóknin taldi alls níu kerfi og 83 jarda. Arizona náði svo aftur boltanum undir lok fyrri hálfleiksins og var allt útlit fyrir að liðið myndi skora annað snertimark - ef ekki þá alla vega vallarmark og jafna metin í leiknum. En þegar að Arizona var upp við endamarkið kastaði Warner beint á varnarmanninn James Harrisson sem gerði sér lítið fyrir og hljóp allan völlinn endilangan og skoraði snertimark fyrir Pittsburgh. Sannarlega ótrúlegt hlaup sem taldi alla 100 jardana. Staðan því 17-7 í hálfleik. Jeff Reed náði svo að skora öðru sinni vallarmark fyrir Pittsburgh í lok þriðja leikhluta eftir langa sóknarlotu liðsins. Alls sextán kerfi og 79 jardar. Þar með var staðan orðin 20-7 og hún hélst þannig vel fram í fjórða leikhluta. Larry Fitzgerald, hinn öflugi útherji Arizona, hafði látið lítið fyrir sér fara í leiknum en lét svo sannarlega til sín taka í þeim fjórða. Arizona náði að klára fjögurra mínútna sókn sem taldi átta kerfi með snertimarki þegar að tæpar átta mínútur voru eftir. Kurt Warner átti djarfa sendingu á Fitzgerald á ögurstundu en sá síðarnefndi náði að grípa boltann í endasvæðinu þrátt fyrir erfiða stöðu. Arizona náði svo að koma Pittsburgh í erfiða stöðu í upphafi sinnar sóknar. Svo fór að liðið náði ekki að koma boltanum frá sér og fékk á sig sjálfmark. Þar með var munurinn orðinn fjögur stig, 20-16. Pittsburgh byrjaði næstu sókn þegar þrjár mínútur voru eftir en hún entist ekki í nema nokkrar sekúndur. Arizona fékk boltann strax aftur og kláraði annað snertimark á aðeins 21 sekúndu. Kurt Warner átti sendinguna á Larry Fitzgerald sem kláraði 64 jarda kerfi með snertimarkinu. Þar með var Arizona komið yfir í fyrsta sinn í leiknum, 23-20, og skammt til leiksloka. Margir héldu að ótrúlegur sigur Arizona væri staðreynd. En Ben Roethlisberger og félagar hans neituðu að játa sig sigraða. Með mikilli seiglu náðu þeir að keyra átta kerfi áfram, hlaupa 78 jarda og skora snertimark. Roethlisbergar átti tvær lykilsendingar á Santonio Holmes sem var lykilmaðurinn í síðustu sókn Pittsburgh. Hann náði svo að grípa boltann í horni endamarksins frá Roethlisberger og tryggja þar með Pittsburgh sigurinn. Sannarlega ótrúlegur lokakafli á hreint frábærum leik. Arizona fékk ekki nema um 40 sekúndur til að svara en tókst það ekki í þetta sinn. Sætur sigur Pittsburgh því staðreynd. Þetta var sjötti sigur Pittsburgh í leiknum um Ofurskálina sem er met í NFL-deildinni.
Erlendar Mest lesið „Líklega besti leikur lífs míns“ Fótbolti NBA meistarar Boston Celtics til sölu Körfubolti De Bruyne: Of snemmt til að svara því Fótbolti Pálmi klárar tímabilið með KR Íslenski boltinn McLaren vill að Verstappen verði refsað: Allur heimurinn veit hver er sá seki Formúla 1 Man Utd horfir enn á ný til fyrrum lærisveins Ten Hag Enski boltinn Hinn fullkomni leikur hjá Nico Williams Fótbolti Diogo Costa varði þrjú víti í vító og Portúgalar mæta Frökkum Fótbolti Glódís Perla og hinar stelpurnar mældar í bak og fyrir Fótbolti „Takk fyrir að berjast alltaf fyrir okkur stelpunum“ Íslenski boltinn Fleiri fréttir „Takk fyrir að berjast alltaf fyrir okkur stelpunum“ Dagskráin í dag: Besta deild kvenna og Meistaradeildin í snóker NBA meistarar Boston Celtics til sölu „Líklega besti leikur lífs míns“ Hinn fullkomni leikur hjá Nico Williams Man Utd horfir enn á ný til fyrrum lærisveins Ten Hag Diogo Costa varði þrjú víti í vító og Portúgalar mæta Frökkum De Bruyne: Of snemmt til að svara því Hilmar Smári semur við Stjörnuna McLaren vill að Verstappen verði refsað: Allur heimurinn veit hver er sá seki Glódís Perla og hinar stelpurnar mældar í bak og fyrir Klay Thompson að semja við Dallas Mavericks Sautján ára strákur lést eftir að hafa hnigið niður í miðjum leik Sjáðu sjálfsmarkið sem kom Frökkum í átta liða úrslit Aftur vinna Frakkar á sjálfsmarki og nú skilar það þeim í átta liða úrslit Ólíklegt að Bellingham fái leikbann Elín Klara valin í lið mótsins á HM Ísböð á nóttunni og alltaf tilbúinn að gefa góð ráð Chelsea fær framherja frá Barcelona og Earps til PSG Hlynur Freyr á leið til Svíþjóðar Lögregluleit í líkamsrækt Khabib og bankareikningar hans frystir Ein sú besta dregur sig einnig úr keppni á Wimbledon Sú besta verður í París: „Vissi að ég myndi snúa aftur“ Borga yfir þrjátíu milljarða fyrir þrjú ár framan á búningum Rauðu djöflanna Lebron James slítur samningi við Lakers og Chris Paul fer til Spurs Fagnaði markinu með því að þykjast kasta vatnsbrúsa Bakmeiðsli plaga Murray og enn óvíst hvort hann taki þátt á Wimbledon Skilur við Jamaíka í góðu og telur liðið á betri stað nú en þegar hann tók við „Aðdáendur liðsins munu kynnast mínum gríska anda og orku“ Keane um Mainoo: „Er að gera hluti sem tók mig tíu ár að læra“ Sjá meira