Stal viðskiptaforriti Goldman Sachs 8. júlí 2009 14:01 Miðlarar að störfum á Wall Street. Fyrrum starfsmaður fjárfestingabankans Goldman Sachs tók ófrjálsri hendi afrit af mikilvægum viðskiptahugbúnaði í eigu bankans. Sá stuldur gæti haft afdrifaríkar afleiðingar í för með sér fyrir bankann. Bankinn gæti hugsanlega tapað hundruðum milljóna króna komist gögnin ekki aftur í vörslu bankans. Sergey Aleynikov, þrjátíu og níu ára forritari hjá Goldman Sachs, var handtekinn á föstudaginn vegna málsins. Sergey þessi hóf störf í bankanum árið 2007 og er sakaður um að hafa tekið afrit af viðskiptahugbúnaðinum. Þetta kemur fram á Bloomberg fréttaveitunni. Talið er að slíkur stuldur geti haft alvarlegar afleiðingar fyrir bandarískan fjármálamarkað. Sergey flutti gögnin, sem eru milljóna virði í Bandaríkjadollurum, til tölvuþjónustu í Þýskalandi. Þar af leiðandi er hugsanlegt að fleiri hafi aðgang að gögnunum sem gæti leitt til þess að Goldman Sachs í New York tapi gríðarlegum fjármunum. Bankinn telur hugsanlegt að einhver sem kunni á forritið sé með aðgang að því og komi til með að nota það í þeim tilgangi misnota fjármálamarkaði á einn eða annan hátt. Gögnin eru þegar komin til Þýskalands en bankinn hefur enn ekki upplýsingar um hvort fleiri hafi aðgang að hugbúnaðinum. Þegar slíkur hugbúnaður er í vörslu annars aðila dregur það sjálfkrafa úr markaðshludeild verðbréfaviðskipta bankans. Sá hugbúnaður sem um ræðir gerir það að verkum að hægt er að eiga afar fullkomin og hröð viðskipti með verðbréf og ýmis konar fjármálagerninga. Tekjur af slíkum viðskiptum nema hundruðum milljóna Bandaríkjadala á hverju ári. Þeir sem búa yfir bestu tækninni á fjármálamarkaðinum eru fyrstir til að greina mismunandi viðskiptaaðferðir og geta því tekið ýmsar ákvarðanir á undan samkeppnisaðilunum. Þeir sem eru með hugbúnaðinn undir höndum gætu innleitt sömu aðferðir og Goldman Sachs og þar með náð að minnka samkeppnisforskot bankans. Að lokum segir að þetta mál vekji fjármálafyrirtæki og stofnanir til umhugsunar á öryggismálum þeirra hugbúnaða og kerfa sem þau hafa yfir að ráða Í greininni kemur fram að þetta sé svakalegasti glæpur í sögu bankans. Grundvelli verðbréfaviðskipta er kippt undan bankanum og þá segir að engin brot af þessari stærðargráðu hafi átt sér stað hjá bankanum. Hlutabréf í Goldman Sachs lækkuðu um tæp 3% í gær við þessar fregnir. Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Upplifunin verði eins og að fara í búð í útlöndum Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Fyrrum starfsmaður fjárfestingabankans Goldman Sachs tók ófrjálsri hendi afrit af mikilvægum viðskiptahugbúnaði í eigu bankans. Sá stuldur gæti haft afdrifaríkar afleiðingar í för með sér fyrir bankann. Bankinn gæti hugsanlega tapað hundruðum milljóna króna komist gögnin ekki aftur í vörslu bankans. Sergey Aleynikov, þrjátíu og níu ára forritari hjá Goldman Sachs, var handtekinn á föstudaginn vegna málsins. Sergey þessi hóf störf í bankanum árið 2007 og er sakaður um að hafa tekið afrit af viðskiptahugbúnaðinum. Þetta kemur fram á Bloomberg fréttaveitunni. Talið er að slíkur stuldur geti haft alvarlegar afleiðingar fyrir bandarískan fjármálamarkað. Sergey flutti gögnin, sem eru milljóna virði í Bandaríkjadollurum, til tölvuþjónustu í Þýskalandi. Þar af leiðandi er hugsanlegt að fleiri hafi aðgang að gögnunum sem gæti leitt til þess að Goldman Sachs í New York tapi gríðarlegum fjármunum. Bankinn telur hugsanlegt að einhver sem kunni á forritið sé með aðgang að því og komi til með að nota það í þeim tilgangi misnota fjármálamarkaði á einn eða annan hátt. Gögnin eru þegar komin til Þýskalands en bankinn hefur enn ekki upplýsingar um hvort fleiri hafi aðgang að hugbúnaðinum. Þegar slíkur hugbúnaður er í vörslu annars aðila dregur það sjálfkrafa úr markaðshludeild verðbréfaviðskipta bankans. Sá hugbúnaður sem um ræðir gerir það að verkum að hægt er að eiga afar fullkomin og hröð viðskipti með verðbréf og ýmis konar fjármálagerninga. Tekjur af slíkum viðskiptum nema hundruðum milljóna Bandaríkjadala á hverju ári. Þeir sem búa yfir bestu tækninni á fjármálamarkaðinum eru fyrstir til að greina mismunandi viðskiptaaðferðir og geta því tekið ýmsar ákvarðanir á undan samkeppnisaðilunum. Þeir sem eru með hugbúnaðinn undir höndum gætu innleitt sömu aðferðir og Goldman Sachs og þar með náð að minnka samkeppnisforskot bankans. Að lokum segir að þetta mál vekji fjármálafyrirtæki og stofnanir til umhugsunar á öryggismálum þeirra hugbúnaða og kerfa sem þau hafa yfir að ráða Í greininni kemur fram að þetta sé svakalegasti glæpur í sögu bankans. Grundvelli verðbréfaviðskipta er kippt undan bankanum og þá segir að engin brot af þessari stærðargráðu hafi átt sér stað hjá bankanum. Hlutabréf í Goldman Sachs lækkuðu um tæp 3% í gær við þessar fregnir.
Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Upplifunin verði eins og að fara í búð í útlöndum Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira