Dr. Doom: Of mikil bjartsýni á mörkuðunum 3. apríl 2009 15:13 Hann hlaut viðurnefnið Dr. Doom þegar hann sá fyrir hrunið á hlutabréfamarkaðinum í Bandaríkjunum árið 1987. Síðan hefur hann yfirleitt haft á réttu að standa. Dr. Doom sá fyrir núverandi fjármálakreppu þegar árið 2005. Í dag segir hann að of mikil bjartsýni ríki á mörkuðum heimsins eftir töluverða hækkanahrinu á þeim undanfarið. Botninum sé langt frá því náð og raunar telur hann að slíkt gerist ekki fyrr en á næsta ári. Dr. Doom heitir réttu nafni Nouriel Roubini og er hagfræðingur að mennt. Hann er svo þekktur fyrir svartsýnar spár sínar að þegar markaðurinn í Bandaríkjunum tók óvænta uppsveiflu eftir eina slíka fékk hún nafnið Roubinisveiflan. Í nýlegu viðtali við kanadíska blaðið Globe and Mail var Dr. Doom spurður hvort hann teldi að Bandaríkin hefðu náð botninum eða ekki? „Eftir því sem við sökkvum lægra og lægra nálgumst við auðvitað botninn," svarar hann. „En leiðin til að hugsa um markaðina fyrir okkur er að huga að hinu raunverulega hagkerfi og ég sé að það er enn í alvarlegri kreppu." Dr. Doom telur að viðsnúningur á kreppunni hefjist ekki fyrr en eftir komandi áramót og að vöxturinn á næsta ári verði veikur, hagvöxtur muni mælast innan við eitt prósent. Hvað hlutabréfamarkaðinn varðar telur Dr. Doom að botninn á honum muni ekki nást fyrr en á miðju næsta ári. Hann bendir á að þrátt fyrir að sjálf niðursveiflan í kjölfar netbólunnar eftir aldamótin síðustu hafi aðeins staðið í um átta mánuði héldu hlutabréf áfram að lækka næstu 16 mánuðina þar á eftir. Dr. Doom segir að jákvæðu tíðindin eru að hægt sé að sjá ljós í myrkrinu og það stafar ekki frá járnbrautarlest á leiðinni til að keyra okkur enn frekar í klessu. Það séu þó einu jákvæðu tíðindin. Markaðurinn sé alltof bjartsýnn á að efnahagurinn sé að braggast og það muni koma honum í koll eftir nokkra mánuði. Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Hann hlaut viðurnefnið Dr. Doom þegar hann sá fyrir hrunið á hlutabréfamarkaðinum í Bandaríkjunum árið 1987. Síðan hefur hann yfirleitt haft á réttu að standa. Dr. Doom sá fyrir núverandi fjármálakreppu þegar árið 2005. Í dag segir hann að of mikil bjartsýni ríki á mörkuðum heimsins eftir töluverða hækkanahrinu á þeim undanfarið. Botninum sé langt frá því náð og raunar telur hann að slíkt gerist ekki fyrr en á næsta ári. Dr. Doom heitir réttu nafni Nouriel Roubini og er hagfræðingur að mennt. Hann er svo þekktur fyrir svartsýnar spár sínar að þegar markaðurinn í Bandaríkjunum tók óvænta uppsveiflu eftir eina slíka fékk hún nafnið Roubinisveiflan. Í nýlegu viðtali við kanadíska blaðið Globe and Mail var Dr. Doom spurður hvort hann teldi að Bandaríkin hefðu náð botninum eða ekki? „Eftir því sem við sökkvum lægra og lægra nálgumst við auðvitað botninn," svarar hann. „En leiðin til að hugsa um markaðina fyrir okkur er að huga að hinu raunverulega hagkerfi og ég sé að það er enn í alvarlegri kreppu." Dr. Doom telur að viðsnúningur á kreppunni hefjist ekki fyrr en eftir komandi áramót og að vöxturinn á næsta ári verði veikur, hagvöxtur muni mælast innan við eitt prósent. Hvað hlutabréfamarkaðinn varðar telur Dr. Doom að botninn á honum muni ekki nást fyrr en á miðju næsta ári. Hann bendir á að þrátt fyrir að sjálf niðursveiflan í kjölfar netbólunnar eftir aldamótin síðustu hafi aðeins staðið í um átta mánuði héldu hlutabréf áfram að lækka næstu 16 mánuðina þar á eftir. Dr. Doom segir að jákvæðu tíðindin eru að hægt sé að sjá ljós í myrkrinu og það stafar ekki frá járnbrautarlest á leiðinni til að keyra okkur enn frekar í klessu. Það séu þó einu jákvæðu tíðindin. Markaðurinn sé alltof bjartsýnn á að efnahagurinn sé að braggast og það muni koma honum í koll eftir nokkra mánuði.
Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira