Fótbolti

Cannavaro kominn aftur „heim“ til Juventus

Óskar Ófeigur Jónsson skrifar
Fabio Cannavaro er fyrirliði ítalska landsliðsins.
Fabio Cannavaro er fyrirliði ítalska landsliðsins. Mynd/GettyImages

Ítalski landsliðsfyrirliðinn, Fabio Cannavaro, mun gera eins árs samning við sitt gamla félag á Ítalíu, Juventus, þegar samningur hans við Real Madrid rennur út í lok júní.

Hinn 35 ára gamli miðvörður vakti litla hrifingu þegar hann yfirgaf Juventus árið 2006 þegar félagið var dæmt niður í B-deild. Endurkoma hans hefur því kallað á sterk viðbrögð stuðningsmanna sem líta á hann sem svikara.

Leikmenn eins og Alessandro Del Piero og Gianluigi Buffon héldu áfram að spila með liðinu sem er aftur komið upp í hóp þeirra bestu.

Cannavaro vann tvo meistaratitla með Juventus en þeir voru báðir dæmdir af félaginu þegar upp komst um svindlið.






Fleiri fréttir

Sjá meira


×