BIS bankanum blandað inn í japanska skuldabréfasmyglið 10. júlí 2009 16:21 BIS bankanum í Basel í Sviss, eða seðlabanka seðlabankanna í heiminum og síðasta vinnustað næstkomandi seðlabankastjóra á Íslandi hefur nú verið blandað í japanska skuldabréfasmyglið í smábænum Chiasso. Þar voru tveir menn gripnir með 17.000 milljarða kr. í bandarískum skuldabréfum. Tveir fimmtugir Japanir voru nýlega stöðvaðir af ítölsku fjármálalögreglunni, Guardia di Finanza, í járnbrautarlest í bænum Chiasso, smábæ á landamærum Ítalíu og Sviss. Þeir höfðu í fórum sínum bandarísk ríkisskuldabréf sem hafa verið til ítarlegrar rannsóknar en líklegt þykir að skuldabréfin séu fölsuð. Markaðsvirði bréfanna er um 17 þúsund milljarðar króna. Talsmaður leyniþjónustu Bandaríkjanna hefur komist að þeirri niðurstöðu að ríkisskuldabréfin væru fölsuð en nú virðist það ekki vera svo augljóst. Komið hefur í ljós að Japanirnir tveir voru starfsmenn japanska fjármálaráðuneytisins. Að auki er annar mannanna bróðir Toshiro Muto, sem lét úr embætti aðstoðarseðlabankastjóra Japans fyrir skömmu. Samkvæmt heimildum, áttu Japanirnir að flytja ríkisskuldabréfin til Sviss vegna þess að japanska ríkisstjórnin hafði misst trúna á því að ríkisstjórn Bandaríkjanna gæti staðið í skilum við skuldbindingar sínar og þar með staðið í skilum á útgefnum ríkisskuldabréfum sínum. Í Sviss var markmið þeirra að selja hluta af skuldabréfunum en þar í landi hefur ríkt mikil bankaleynd. Önnur kenning sem er á floti samkvæmt frásögn í Asianews er að þessir opinberu starfsmenn hafi verið að smygla skuldabréfunum frá ríkissjóði Japan yfir í BIS bankann. Skýringin er að skuldabréfin hafi átt að létta BIS róðurinn við að mynda nýja ofurmynt í heiminum sem gæti tekið við dollaranum sem helsta gjaldeyrisforðamyntin. Það er mjög erfitt að trúa því að ríkisskuldabréf uppá 134,5 milljarða Bandaríkjadala gætu farið inní fjármálakerfið án þess að nokkur taki eftir því. Til að staðfesta umræddan orðróm ætlaði útvarpsmaður hjá Turner Radio News, sem skoðað hefur málið ofan í kjölinn og upplýst almenning um málavexti, að reyna að uppljóstra raðnúmerum skuldabréfanna. Áður en hann gat gert það var hann handtekinn og færður í fangelsi. Í dramatísku símtali frá fangelsinu lýsti útvarpsmaðurinn því að handtaka hans væri pólitísks eðlis og væri í tengslum við áðurnefnd skuldabréf. Hann hafi hreinlega verið handtekinn vegna ótta yfirvalda við að uppljóstra um uppruna skuldabréfanna. Fullyrt er að handtaka hans hafi ekkert með hugsanlegt sviksamlegt athæfi hans að gera og það gerir málið enn flóknara. Forsögu málsins má sjá í neðangreindum tveimur greinum um málið. Tengdar fréttir Samsæriskenningar grassera kringum skuldabréfasmygl Að hvaða niðurstöðu kemstu þegar þú blandar saman tveimur japönskum ríkisborgurum með fölsuð bandarísk ríkisskuldabréf, hægfara farþegarlest á leið til Sviss og meðlimum í fjármálalögreglu Ítalíu? 25. júní 2009 09:51 Reyndu að smygla 17.000 milljörðum til Sviss Tveir Japanir voru nýlega gripnir á járnbrautarstöð á landamærum Ítalíu og Sviss með bandarísk ríkisskuldabréf upp á 134 milljarða dollara falin í töskum sínum. Upphæðin nemur 17.000 milljörðum kr. en mennirnir voru á leið til Sviss með töskurnar. 16. júní 2009 16:12 Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Upplifunin verði eins og að fara í búð í útlöndum Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
BIS bankanum í Basel í Sviss, eða seðlabanka seðlabankanna í heiminum og síðasta vinnustað næstkomandi seðlabankastjóra á Íslandi hefur nú verið blandað í japanska skuldabréfasmyglið í smábænum Chiasso. Þar voru tveir menn gripnir með 17.000 milljarða kr. í bandarískum skuldabréfum. Tveir fimmtugir Japanir voru nýlega stöðvaðir af ítölsku fjármálalögreglunni, Guardia di Finanza, í járnbrautarlest í bænum Chiasso, smábæ á landamærum Ítalíu og Sviss. Þeir höfðu í fórum sínum bandarísk ríkisskuldabréf sem hafa verið til ítarlegrar rannsóknar en líklegt þykir að skuldabréfin séu fölsuð. Markaðsvirði bréfanna er um 17 þúsund milljarðar króna. Talsmaður leyniþjónustu Bandaríkjanna hefur komist að þeirri niðurstöðu að ríkisskuldabréfin væru fölsuð en nú virðist það ekki vera svo augljóst. Komið hefur í ljós að Japanirnir tveir voru starfsmenn japanska fjármálaráðuneytisins. Að auki er annar mannanna bróðir Toshiro Muto, sem lét úr embætti aðstoðarseðlabankastjóra Japans fyrir skömmu. Samkvæmt heimildum, áttu Japanirnir að flytja ríkisskuldabréfin til Sviss vegna þess að japanska ríkisstjórnin hafði misst trúna á því að ríkisstjórn Bandaríkjanna gæti staðið í skilum við skuldbindingar sínar og þar með staðið í skilum á útgefnum ríkisskuldabréfum sínum. Í Sviss var markmið þeirra að selja hluta af skuldabréfunum en þar í landi hefur ríkt mikil bankaleynd. Önnur kenning sem er á floti samkvæmt frásögn í Asianews er að þessir opinberu starfsmenn hafi verið að smygla skuldabréfunum frá ríkissjóði Japan yfir í BIS bankann. Skýringin er að skuldabréfin hafi átt að létta BIS róðurinn við að mynda nýja ofurmynt í heiminum sem gæti tekið við dollaranum sem helsta gjaldeyrisforðamyntin. Það er mjög erfitt að trúa því að ríkisskuldabréf uppá 134,5 milljarða Bandaríkjadala gætu farið inní fjármálakerfið án þess að nokkur taki eftir því. Til að staðfesta umræddan orðróm ætlaði útvarpsmaður hjá Turner Radio News, sem skoðað hefur málið ofan í kjölinn og upplýst almenning um málavexti, að reyna að uppljóstra raðnúmerum skuldabréfanna. Áður en hann gat gert það var hann handtekinn og færður í fangelsi. Í dramatísku símtali frá fangelsinu lýsti útvarpsmaðurinn því að handtaka hans væri pólitísks eðlis og væri í tengslum við áðurnefnd skuldabréf. Hann hafi hreinlega verið handtekinn vegna ótta yfirvalda við að uppljóstra um uppruna skuldabréfanna. Fullyrt er að handtaka hans hafi ekkert með hugsanlegt sviksamlegt athæfi hans að gera og það gerir málið enn flóknara. Forsögu málsins má sjá í neðangreindum tveimur greinum um málið.
Tengdar fréttir Samsæriskenningar grassera kringum skuldabréfasmygl Að hvaða niðurstöðu kemstu þegar þú blandar saman tveimur japönskum ríkisborgurum með fölsuð bandarísk ríkisskuldabréf, hægfara farþegarlest á leið til Sviss og meðlimum í fjármálalögreglu Ítalíu? 25. júní 2009 09:51 Reyndu að smygla 17.000 milljörðum til Sviss Tveir Japanir voru nýlega gripnir á járnbrautarstöð á landamærum Ítalíu og Sviss með bandarísk ríkisskuldabréf upp á 134 milljarða dollara falin í töskum sínum. Upphæðin nemur 17.000 milljörðum kr. en mennirnir voru á leið til Sviss með töskurnar. 16. júní 2009 16:12 Mest lesið Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Upplifunin verði eins og að fara í búð í útlöndum Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Samsæriskenningar grassera kringum skuldabréfasmygl Að hvaða niðurstöðu kemstu þegar þú blandar saman tveimur japönskum ríkisborgurum með fölsuð bandarísk ríkisskuldabréf, hægfara farþegarlest á leið til Sviss og meðlimum í fjármálalögreglu Ítalíu? 25. júní 2009 09:51
Reyndu að smygla 17.000 milljörðum til Sviss Tveir Japanir voru nýlega gripnir á járnbrautarstöð á landamærum Ítalíu og Sviss með bandarísk ríkisskuldabréf upp á 134 milljarða dollara falin í töskum sínum. Upphæðin nemur 17.000 milljörðum kr. en mennirnir voru á leið til Sviss með töskurnar. 16. júní 2009 16:12