Hlutabréf á mörkuðum í Asíu hækkuðu í verði í morgun þegar bjartsýni fjárfesta jókst í kjölfar yfirlýsinga þjóðarleiðtoga á G20-fundinum í London um að grípa til róttækra aðgerða gegn efnahagskreppu heimsins. Toyota, sem barist hefur í bökkum síðastliðin misseri, hækkaði um 6,7 prósent og eins hækkuðu bréf næststærsta raftækjaframleiðanda Kína. Vísitala Morgan Stanley fyrir Asíu hefur hækkað töluvert en staða hennar í byrjun mars hafði ekki verið lægri í fimm ár.
Hlutabréf hækkuðu í Asíu
