Skuldatryggingaálag Írlands komið yfir 500 punkta 28. september 2010 10:54 Skuldatryggingaálag Írlands fór í 519 punkta í morgun og hækkaði um tæpa 30 punkta frá því í gær. Þetta kemur fram á Bloomberg fréttaveitunni sem vitnar í CMA gagnaveituna. Samhliða þessu hækkaði álagið á Portúgal í 455 punkta eða rúma 20 punkta frá í gær. Í Morgunkorni greiningar Íslandsbanka segir að enn beinist kastljósið að Írlandi og er athyglin nú helst á írska bankanum Anglo Irish Bank og þá um leið að áhrifum hans á fjármál írska ríkisins. Þannig lækkaði Moody´s lánshæfismat írska bankans niður um þrjú þrep í gær, eða úr A3 í Baa3, auk þess sem lánshæfiseinkunnir bankans eru áfram til skoðunar vegna mögulegrar lækkunar. Ástæða fyrir aðgerðum Moody´s er að fyrirtækið telur að áframhaldandi eignarýrnun í lánabók bankans leiði til þess að írska ríkið þurfi að koma með enn frekara fjármagn þar inn. Þessi mikla óvissa um stöðu bankans hefur augljóslega áhrif á skuldatryggingaálag írska ríkisins enda er hér um aukningu að ræða á óbeinum ábyrgðum þess. Í lok dags í gær stóð álag írska ríkisins í 490 punktum (4,90%) samkvæmt gögnum úr Bloomberg-gagnaveitunni en það hefur aldrei verið jafn hátt og nú. Jafnframt er skuldatryggingaálag Anglo Irish Bank til 5 ára nálægt hæstu hæðum og stóð í lok dags í gær í 936 punktum. Þess má geta að ekki er langt síðan skuldatryggingaálag bankans var undir 300 punktum en það var í apríl síðastliðnum. Þessi ofangreind framvinda er okkur Íslendingum ekki alls ókunnug enda ekki nema tvö ár liðin frá því hin mikla lækkunarhrina á lánshæfiseinkunnum Ríkissjóðs Íslands átti sér stað, og þá um leið hækkun á skuldatryggingaálagi landsins. Eins og er líklega ferskt í minni manna var meginástæða þessara lækkana matsfyrirtækjanna áhyggjur þeirra af miklum erlendum skuldbindingum íslenska fjármálakerfisins og þá um leið þeim óbeinu ábyrgðum sem í þeim fælist fyrir ríkissjóð. Skuldatryggingaálag á íslenska ríkið rauk upp á nokkrum dögum um tæpa 1200 punkta og fór hæst í 1473 punkta þann 10. október 2008. Ljóst er að verulega hefur ræst úr málum hvað álagið varðar en það stóð í lok dags í gær í 303 punktum og hefur verið nokkuð stöðugt nú í september. Þó er ekki sömu sögu að segja um lánshæfismat ríkissjóðs en það hefur aldrei verið jafn lágt og nú, auk þess sem einkunnir ríkissjóðs eru á neikvæðum horfum hjá öllum matsfyrirtækjunum, þ.e. Fitch, Moody´s og S&P, að því er segir í Morgunkorninu. Mest lesið Öllu starfsfólki kollagenvinnslu í Grindavík sagt upp Viðskipti innlent Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Temu kaupin getu hæglega orðið að fíkn Neytendur Enginn byggi upp fyrirtæki til að standa í veg fyrir endurreisn þess Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Sprenging í sölu á sérsmíðuðum saunaklefum Samstarf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Skuldatryggingaálag Írlands fór í 519 punkta í morgun og hækkaði um tæpa 30 punkta frá því í gær. Þetta kemur fram á Bloomberg fréttaveitunni sem vitnar í CMA gagnaveituna. Samhliða þessu hækkaði álagið á Portúgal í 455 punkta eða rúma 20 punkta frá í gær. Í Morgunkorni greiningar Íslandsbanka segir að enn beinist kastljósið að Írlandi og er athyglin nú helst á írska bankanum Anglo Irish Bank og þá um leið að áhrifum hans á fjármál írska ríkisins. Þannig lækkaði Moody´s lánshæfismat írska bankans niður um þrjú þrep í gær, eða úr A3 í Baa3, auk þess sem lánshæfiseinkunnir bankans eru áfram til skoðunar vegna mögulegrar lækkunar. Ástæða fyrir aðgerðum Moody´s er að fyrirtækið telur að áframhaldandi eignarýrnun í lánabók bankans leiði til þess að írska ríkið þurfi að koma með enn frekara fjármagn þar inn. Þessi mikla óvissa um stöðu bankans hefur augljóslega áhrif á skuldatryggingaálag írska ríkisins enda er hér um aukningu að ræða á óbeinum ábyrgðum þess. Í lok dags í gær stóð álag írska ríkisins í 490 punktum (4,90%) samkvæmt gögnum úr Bloomberg-gagnaveitunni en það hefur aldrei verið jafn hátt og nú. Jafnframt er skuldatryggingaálag Anglo Irish Bank til 5 ára nálægt hæstu hæðum og stóð í lok dags í gær í 936 punktum. Þess má geta að ekki er langt síðan skuldatryggingaálag bankans var undir 300 punktum en það var í apríl síðastliðnum. Þessi ofangreind framvinda er okkur Íslendingum ekki alls ókunnug enda ekki nema tvö ár liðin frá því hin mikla lækkunarhrina á lánshæfiseinkunnum Ríkissjóðs Íslands átti sér stað, og þá um leið hækkun á skuldatryggingaálagi landsins. Eins og er líklega ferskt í minni manna var meginástæða þessara lækkana matsfyrirtækjanna áhyggjur þeirra af miklum erlendum skuldbindingum íslenska fjármálakerfisins og þá um leið þeim óbeinu ábyrgðum sem í þeim fælist fyrir ríkissjóð. Skuldatryggingaálag á íslenska ríkið rauk upp á nokkrum dögum um tæpa 1200 punkta og fór hæst í 1473 punkta þann 10. október 2008. Ljóst er að verulega hefur ræst úr málum hvað álagið varðar en það stóð í lok dags í gær í 303 punktum og hefur verið nokkuð stöðugt nú í september. Þó er ekki sömu sögu að segja um lánshæfismat ríkissjóðs en það hefur aldrei verið jafn lágt og nú, auk þess sem einkunnir ríkissjóðs eru á neikvæðum horfum hjá öllum matsfyrirtækjunum, þ.e. Fitch, Moody´s og S&P, að því er segir í Morgunkorninu.
Mest lesið Öllu starfsfólki kollagenvinnslu í Grindavík sagt upp Viðskipti innlent Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Temu kaupin getu hæglega orðið að fíkn Neytendur Enginn byggi upp fyrirtæki til að standa í veg fyrir endurreisn þess Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Sprenging í sölu á sérsmíðuðum saunaklefum Samstarf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira