David Moyes að færa sig um set í Bítlaborginni?

Liverpool leitar nú af eftirmanni spánverjans Rafael Benitez en sögur svífa um að David Moyes, stjóri Everton, sé líklegur til að taka við taumunum á Anfield.

Benitez og félagar fundu aldrei rétta taktinn í vetur og var tímabilið mikil vonbrigði fyrir félagið. Rafa var látinn taka pokann sinn í kjölfarið og nú leitar Liverpool að rétta manninum en Kenny Daglish gamla Liverpool-stjarnan hefur verið fenginn til að taka þátt í leitinni.

Það er nokkuð ljóst að öll augu beinast að fyrirliða liðsins Steven Gerrard og markaskorarans Fernando Torres en þeir gæti jafnvel yfirgefið liðið í sumar. Liverpool vill reyna byggja liðið í kringum þessa tvo leikmenn en fyrsta skrefið er að finna þjálfara sem getur sannfært þá um að vera um kyrrt í bítlaborginni.