Eiginmaðurinn illa slasaður

Eiginmaður leikkonunnar Tori Spelling, Dean McDermot, liggur illa slasaður á sjúkrahúsi eftir torfæruslys. McDermot var fluttur á spítala eftir að lunga hans féll saman og mun hann dvelja næstu daga á gjörgæslu þar til hann hefur náð fullum bata. McDermot lenti í öðru torfæruslysi fyrr á árinu og brotnaði þá á öxl. Mikið hefur verið fjallað um hjónaband Spelling og McDermot frá því þau létu pússa sig saman og telja sumir að hjónabandið sé aðeins til sýnis, en parið er með sinn eigin raunveruleikaþátt þar sem fylgst er með fjölskyldulífi þeirra.