Kína orðið mesti orkunotandi í heiminum

Kína hefur náð toppsætinu af Bandaríkjunum hvað varðar þjóðir sem nota mest af orku í heiminum.

Samkvæmt nýjum tölum frá Alþjóðlegu orkustofnuninni fór heildarnotkun á orkugjöfum í Kína framúr Bandaríkjunum á síðasta ári en miðað við orkunotkun á hvern íbúa eru Bandaríkin enn í toppsætinu.

Orkunotkun Kínverja á síðasta ári samsvaraði brennslu á tæplega 2,3 milljörðum tonna af olíu. Þetta var 4% meiri orkunotkun en í Bandaríkjunum.