Inter vill framlengja við Sneijder

Evrópumeistarar Inter ætla sér alls ekki að missa hollenska miðjumanninn Wesley Sneijder og ætla að bjóða honum samning til ársins 2015.

Núverandi samningur leikmannsins rennur út árið 2013 en Inter vill halda áfram að byggja liðið í kringum leikmanninn enda gaf það góða raun síðasta vetur er liðið vann allt sem hægt var að vinna.

Inter ætlar síðan að styrkja sig í janúar og Benitez, þjálfari liðsins, hefur þann tíma til þess að sjá hvar hann vantar styrkingu.