Keflvíkingar eru að fara illa með nágranna sína í Njarðvík í stórleik átta liða úrslita Subwaybikars karla í körfubolta en lið mætast í Toyota-höllinni í Keflavík í kvöld. Keflavík hefur 21 stigs forskot í hálfleik, 51-30, og er komið með annan fótinn í undanúrslitin.
Keflavíkurliðið var komið í 21-13 eftir fyrsta leikhluta þar sem Njarðvíkingar skoruðu aðeins þrjár körfur. Leikur Njarðvíkinga lagaðist ekki mikið í öðrum leikhluta og Keflvíkingar komust mest 25 stigum yfir í hálfleiknum, 45-20.
Njarðvíkurliðið hefur aðeins hitt úr 7 af 30 skotum sínum í fyrri hálfleik auk þess að tapa alls 13 boltum á móti pressuvörn Keflavíkurliðsins.
Draelon Burns er stigahæstur í Keflavíkurliðinu með 17 stig, Gunnar Einarsson hefur skorað 15 stig og Hörður Axel Vilhjálmsson kemur síðan næstur 9 stig. Guðmundur Jónsson er stigahæstur hjá Njarðvík með 7 stig en Nick Bradford er með 6 stig og 11 fráköst.
Keflvíkingar að rassskella Njarðvíkinga í fyrri hálfleik
Óskar Ófeigur Jónsson skrifar

Mest lesið






„Ég trúi þessu varla“
Sport

Gylfi orðinn Víkingur
Íslenski boltinn


Útlit fyrir að Kjartan fylli skarð Gylfa hjá Val
Íslenski boltinn

Carragher kallaði Ferdinand trúð
Enski boltinn