Framherjinn ungi hjá Fylki, Pape Mamadou Faye, var í gær rekinn frá félaginu. Trúnaðarbrestur er ástæða þess að samningi við leikmanninn var rift.
Hvorki Pape né Þórður Gíslason, formaður meistaraflokksráðs Fylkis, vildu tjá sig um í hverju trúnaðarbresturinn fælist.
Þórður sagði þó að hann væri þess eðlis að ekki hefði verið annað hægt en að beita þessi úrræði þó svo það væri þeim vissulega ekki að skapi.
„Ég má ekki tjá mig um ástæður riftunarinnar,“ sagði Pape við Fréttablaðið í gær.
„Það kom mér samt svolítið á óvart að vera rekinn frá félaginu sem ég hef spilað með svo lengi,“ sagði Pape en sér hann eftir því sem hann gerði?
„Já, auðvitað geri ég það. Ég hefði ekki átt að gera þetta.“
Pape er aðeins 19 ára gamall og hann ætlar sér að finna nýtt félag til þess að leika með í framtíðinni.
Pape: Sé eftir því sem ég gerði
Henry Birgir Gunnarsson skrifar

Mest lesið

Hafa verið þrettán ár af lygum
Enski boltinn

Eru þetta stærstu félagsskiptin síðan Pétur fór í KR?
Íslenski boltinn


Barðist við tárin þegar hann kvaddi
Íslenski boltinn



Kennir sjálfum sér um ófarir Gísla
Handbolti


„Þetta er einstakur strákur“
Íslenski boltinn

Víkingar kæmust í 960 milljónir
Fótbolti