LeBron tekur kvikmyndaleik fram yfir landsliðið

LeBron James segir afar litlar líkur vera á því að hann spili með bandaríska landsliðinu á HM í körfubolta í sumar.

James, sem var fyrirliði liðsins á ÓL í Peking, segist líklega verða of upptekinn í sumar til þess að spila með landsliðinu.

Hann reynir að skýla sér á bak við þá ástæðu að hann verði samningslaus í sumar og þurfi að taka margar mikilvægar ákvarðanir.

Hann hefur víst einnig gert samning um að leika í kvikmynd í sumar og þar með er dagskráin hjá honum fyllt.