Allir verða að vanda sig Svandís Svavarsdóttir skrifar 12. október 2010 06:00 Ekki hefur farið framhjá neinum að ástandið í samfélaginu er erfitt. Atvinnuleysi er umtalsvert og margir eiga í fjárhagslegum og þar af leiðandi sárum persónulegum erfiðleikum. Nú vill svo til að ég þekki talsvert af fólki sem hefur misst vinnuna og sér ekki fyrir endann á því hvernig það á að geta staðið undir skuldbindingum sem það tók á sig í góðri trú um að geta staðið í skilum. Framtíðaráform, sér í lagi ungs barnafólks, hafa breyst og vonbrigðin eru mikil. Fátt er mikilvægara en að rétta hlut þessa fólks. Ríkisstjórn vinstriflokkanna hefur lagt sig fram í þeim efnum en betur má ef duga skal. Við aðstæður vonbrigða er jarðvegurinn opinn fyrir þá sem vilja ala á reiðinni. Stjórnmál dómhörku og heiftar virðast því miður blómstra hjá sumum stjórnmálamönnum Sjálfstæðisflokksins við aðstæður sem þessar. Ósannindin og sleggjudómarnir birtast meðal annars í síendurteknum fullyrðingum um að ég stoppi allt og sé á móti framförum! Ég ætla ekki að hafa hér eftir þau ummæli sem um mig hafa verið höfð á Alþingi og í fjölmiðlum. En hins vegar tel ég mér skylt að leiðrétta helstu rangfærslur sem á hafa gengið undanfarna daga og vikur. Hérna eru nokkrar staðreyndir: HelguvíkÓvissuþættir varðandi framkvæmdina í Helguvík eru fjölmargir og ber þar hæst orkuöflun og fjármögnun. Enn er ekki vitað hvaðan sú orka á að koma eða hvort hún sé yfir höfuð til. Þar stendur einnig á fjármagni til þess að byggja höfn fyrir álverið. Þar vantar fé til að virkja. Allar skipulagstillögur sem ég hef fengið til staðfestingar og lúta að þessari framkvæmd hafa verið afgreiddar í umhverfisráðuneytinu að einni undanskilinni. Þar er um að ræða breytingu á aðalskipulagi Ölfuss vegna fyrirhugaðrar Hverahlíðavirkjunar og Bitruvirkjunar þar sem ég hef lýst mig vanhæfa til að taka ákvörðun um þann þátt skipulagsins. Vandinn varðandi Helguvíkurverkefnið liggur í því að hugmyndin snýst um óraunhæft umfang, risaverksmiðju sem ekki er til orka fyrir. Ekki í einstökum skipulagsákvörðunum. Skipulag ÖlfussStaðreyndir um afgreiðslu skipulags Ölfuss eru þessar: Þegar málið kom á borð til mín til afgreiðslu seinni hluta ágústmánaðar bað ég um að kannað yrði hæfi mitt til að taka ákvörðun í málinu. Fór málið strax í þann farveg sem gildir ef vafi leikur á hæfi ráðherra, þ.e. að rannsaka hæfið og, tilkynna forsætisráðherra ef ráðuneytið telur um vanhæfi að ræða. Forsætisráðherra tekur síðan málið upp í ríkisstjórn sem er að lokum staðfest af forseta Íslands. Mál koma almennt ekki á borð ráðherra fyrr en málið er tækt til afgreiðslu. Það er að segja þegar að öll gögn sem varða málið liggja fyrir og tryggt er að mál sé nægilega upplýst, aðilar hafi notið andmælaréttar og að málsmeðferð sé í samræmi við stjórnsýslulög. ÁfrýjuninUm aðalskipulag Flóahrepps og áfrýjun héraðsdóms er þetta að segja: Greiðslusamkomulag milli Landsvirkjunar og Flóahrepps hefur verið umdeilt og sætti m.a. kæru hjá samgönguráðuneytinu sem var í fyrstu vísað frá en í kjölfar athugasemda umboðsmanns Alþingis var kæran tekin fyrir aftur. Samgönguráðuneytið lýsti 6. gr. umrædds samkomulags ólögmæta vegna fyrirmæla 34. gr. skipulags- og byggingarlaga. Um lögmæti þessa samkomulags er deilt og því málið fyrir dómstólum. Þeir sem gagnrýna áfrýjun mína í þessu máli verða að gera sér grein fyrir því að það er ekki smekksatriði að það séu tvö dómstig á landinu, hver maður og hvert stjórnvald á rétt til áfrýjunar ekki bara til þess að freista þess að hrinda tapi eða ná sigri heldur til að ná fram skýrari niðurstöðu um hvernig túlka skuli umdeild lagaákvæði. Aðalskipulag MýrdalshreppsHinn 3. maí sl. mælti Skipulagsstofnun með að aðalskipulag Mýrdalshrepps yrði staðfest en þeim hluta skipulagsins er varðaði breytta veglínu Suðurlandsvegar yrði frestað m.a. vegna formgalla þar sem samgönguráðherra hafi ekki úrskurðað um lögmæti málsmeðferðar við gerð aðalskipulagsins. Málið var hjá samgönguráðuneytinu frá því 8. maí 2009 og lauk með úrskurði samgönguráðuneytisins hinn 25. júní 2010. Í úrskurði samgönguráðuneytisins var komist að þeirri niðurstöðu að einn sveitarstjórnarmanna hafi verið vanhæfur til að taka þátt í afgreiðslu sveitarstjórnarinnar er varðaði tillögu að nýrri veglínu þjóðvegar nr. 1 sem taka á upp í aðalskipulagi Mýrdalshrepps. Ákvörðunin væri því ógild. Hér er á ferðinni flókið mál sem taka þarf afstöðu til en reiknað er með að niðurstaða liggi fyrir í næstu viku. VatnajökulsþjóðgarðurHvað viðkemur verndaráætlun Vatnajökulsþjóðgarðs þá er um að ræða fyrstu verndaráætlunina í stærsta þjóðgarði Evrópu. Áætlunin hefur verið til vinnslu hjá stjórn Vatnajökulsþjóðgarðs sem skilaði tillögum til mín hinn 8. september sl. Áætlunin er nú til umfjöllunar hjá ráðuneytinu þar sem fjallað er bæði um efnislega og formlega þætti áætlunarinnar. Engar ákvarðanir hafa verið teknar. VinnubrögðinAf því yfirliti sem birtist hér á undan sést að ég er að sjálfsögðu ekki að tefja nein mál eins og haldið er fram. Þvert á móti hefur verið unnið með faglegum hætti að því að fá fram lausnir eins hratt og kostur er, en það má aldrei verða á kostnað vandaðra vinnubragða. Rannsóknarskýrsla Alþingis skýrir vel afleiðingu óvandaðra vinnubragða og þess að regluverki stjórnsýslunnar er ýtt til hliðar. Það verða allir að vanda sig en við sem störfum í umboði kjósenda verðum að vanda okkur sérstaklega. Þeir sem hæst hafa og dýpst taka í árinni mega hugleiða það líka. Viltu birta grein á Vísi? Sendu okkur póst. Senda grein Svandís Svavarsdóttir Mest lesið Stormur í Þjóðleikhúsinu Bubbi Morthens Skoðun Mega bara íslenskir karlmenn nauðga konum á Íslandi? Guðný S. Bjarnadóttir Skoðun Nýbygging þýðir ekki gallalaus eign Annþór Kristján Karlsson Skoðun Af hverju hræðist fólk kynjafræði? Eydís Ásbjörnsdóttir Skoðun Auðbeldi SFS Örn Bárður Jónsson Skoðun 120km hraði á Keflavíkurveginum og netsölur með áfengi Jón Páll Haraldsson Skoðun Norska leiðin hefur gefist vel – í Póllandi Heiðrún Lind Marteinsdóttir Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson Skoðun Börn í skugga stríðs Hólmfríður Jennýjar Árnadóttir Skoðun Hvernig gerum við Grundarhverfi enn betra? Ævar Harðarson Skoðun Skoðun Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Skoðun Lausnin liggur fyrir – Landspítali þarf að stíga skrefið Sandra B. Franks skrifar Skoðun Auðbeldi SFS Örn Bárður Jónsson skrifar Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun „Er stjúpmamma þín vond eins og í Öskubusku?“ Hafdís Bára Ólafsdóttir skrifar Skoðun Af hverju er Framsóknarfólk hamingjusamast? Árelía Eydís Guðmundsdóttir skrifar Skoðun Norska leiðin hefur gefist vel – í Póllandi Heiðrún Lind Marteinsdóttir skrifar Skoðun Opið hús fyrir útvalda Björn Brynjúlfur Björnsson skrifar Skoðun Af hverju hræðist fólk kynjafræði? Eydís Ásbjörnsdóttir skrifar Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar Skoðun Hópnauðganir/svartheimar! Davíð Bergmann skrifar Skoðun Valdið og samvinnuhugsjónin Kjartan Helgi Ólafsson skrifar Skoðun NPA breytti lífinu mínu Sveinbjörn Eggertsson skrifar Skoðun Hefur þú tilkynnt um ofbeldi gegn barni? Alfa Jóhannsdóttir skrifar Skoðun Gildi kærleika og mannúðar Toshiki Toma skrifar Skoðun Hvernig tryggjum við samkeppnishæfni þjóðar? Jón Skafti Gestsson skrifar Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar Skoðun Flottu kjötauglýsingarnar í blöðunum... Ole Anton Bieltvedt skrifar Skoðun Grafarvogsgremjan Þorlákur Axel Jónsson skrifar Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar Skoðun Fjármögnuðu stríðsvél Rússlands Hjörtur J. Guðmundsson skrifar Skoðun Hugleiðingar á páskum Ámundi Loftsson skrifar Skoðun Gremjan í Grafarvogi Davíð Már Sigurðsson skrifar Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar Skoðun Móttaka skemmtiferðaskipa - hlustað á íbúa Þórdís Lóa Þórhallsdóttir skrifar Sjá meira
Ekki hefur farið framhjá neinum að ástandið í samfélaginu er erfitt. Atvinnuleysi er umtalsvert og margir eiga í fjárhagslegum og þar af leiðandi sárum persónulegum erfiðleikum. Nú vill svo til að ég þekki talsvert af fólki sem hefur misst vinnuna og sér ekki fyrir endann á því hvernig það á að geta staðið undir skuldbindingum sem það tók á sig í góðri trú um að geta staðið í skilum. Framtíðaráform, sér í lagi ungs barnafólks, hafa breyst og vonbrigðin eru mikil. Fátt er mikilvægara en að rétta hlut þessa fólks. Ríkisstjórn vinstriflokkanna hefur lagt sig fram í þeim efnum en betur má ef duga skal. Við aðstæður vonbrigða er jarðvegurinn opinn fyrir þá sem vilja ala á reiðinni. Stjórnmál dómhörku og heiftar virðast því miður blómstra hjá sumum stjórnmálamönnum Sjálfstæðisflokksins við aðstæður sem þessar. Ósannindin og sleggjudómarnir birtast meðal annars í síendurteknum fullyrðingum um að ég stoppi allt og sé á móti framförum! Ég ætla ekki að hafa hér eftir þau ummæli sem um mig hafa verið höfð á Alþingi og í fjölmiðlum. En hins vegar tel ég mér skylt að leiðrétta helstu rangfærslur sem á hafa gengið undanfarna daga og vikur. Hérna eru nokkrar staðreyndir: HelguvíkÓvissuþættir varðandi framkvæmdina í Helguvík eru fjölmargir og ber þar hæst orkuöflun og fjármögnun. Enn er ekki vitað hvaðan sú orka á að koma eða hvort hún sé yfir höfuð til. Þar stendur einnig á fjármagni til þess að byggja höfn fyrir álverið. Þar vantar fé til að virkja. Allar skipulagstillögur sem ég hef fengið til staðfestingar og lúta að þessari framkvæmd hafa verið afgreiddar í umhverfisráðuneytinu að einni undanskilinni. Þar er um að ræða breytingu á aðalskipulagi Ölfuss vegna fyrirhugaðrar Hverahlíðavirkjunar og Bitruvirkjunar þar sem ég hef lýst mig vanhæfa til að taka ákvörðun um þann þátt skipulagsins. Vandinn varðandi Helguvíkurverkefnið liggur í því að hugmyndin snýst um óraunhæft umfang, risaverksmiðju sem ekki er til orka fyrir. Ekki í einstökum skipulagsákvörðunum. Skipulag ÖlfussStaðreyndir um afgreiðslu skipulags Ölfuss eru þessar: Þegar málið kom á borð til mín til afgreiðslu seinni hluta ágústmánaðar bað ég um að kannað yrði hæfi mitt til að taka ákvörðun í málinu. Fór málið strax í þann farveg sem gildir ef vafi leikur á hæfi ráðherra, þ.e. að rannsaka hæfið og, tilkynna forsætisráðherra ef ráðuneytið telur um vanhæfi að ræða. Forsætisráðherra tekur síðan málið upp í ríkisstjórn sem er að lokum staðfest af forseta Íslands. Mál koma almennt ekki á borð ráðherra fyrr en málið er tækt til afgreiðslu. Það er að segja þegar að öll gögn sem varða málið liggja fyrir og tryggt er að mál sé nægilega upplýst, aðilar hafi notið andmælaréttar og að málsmeðferð sé í samræmi við stjórnsýslulög. ÁfrýjuninUm aðalskipulag Flóahrepps og áfrýjun héraðsdóms er þetta að segja: Greiðslusamkomulag milli Landsvirkjunar og Flóahrepps hefur verið umdeilt og sætti m.a. kæru hjá samgönguráðuneytinu sem var í fyrstu vísað frá en í kjölfar athugasemda umboðsmanns Alþingis var kæran tekin fyrir aftur. Samgönguráðuneytið lýsti 6. gr. umrædds samkomulags ólögmæta vegna fyrirmæla 34. gr. skipulags- og byggingarlaga. Um lögmæti þessa samkomulags er deilt og því málið fyrir dómstólum. Þeir sem gagnrýna áfrýjun mína í þessu máli verða að gera sér grein fyrir því að það er ekki smekksatriði að það séu tvö dómstig á landinu, hver maður og hvert stjórnvald á rétt til áfrýjunar ekki bara til þess að freista þess að hrinda tapi eða ná sigri heldur til að ná fram skýrari niðurstöðu um hvernig túlka skuli umdeild lagaákvæði. Aðalskipulag MýrdalshreppsHinn 3. maí sl. mælti Skipulagsstofnun með að aðalskipulag Mýrdalshrepps yrði staðfest en þeim hluta skipulagsins er varðaði breytta veglínu Suðurlandsvegar yrði frestað m.a. vegna formgalla þar sem samgönguráðherra hafi ekki úrskurðað um lögmæti málsmeðferðar við gerð aðalskipulagsins. Málið var hjá samgönguráðuneytinu frá því 8. maí 2009 og lauk með úrskurði samgönguráðuneytisins hinn 25. júní 2010. Í úrskurði samgönguráðuneytisins var komist að þeirri niðurstöðu að einn sveitarstjórnarmanna hafi verið vanhæfur til að taka þátt í afgreiðslu sveitarstjórnarinnar er varðaði tillögu að nýrri veglínu þjóðvegar nr. 1 sem taka á upp í aðalskipulagi Mýrdalshrepps. Ákvörðunin væri því ógild. Hér er á ferðinni flókið mál sem taka þarf afstöðu til en reiknað er með að niðurstaða liggi fyrir í næstu viku. VatnajökulsþjóðgarðurHvað viðkemur verndaráætlun Vatnajökulsþjóðgarðs þá er um að ræða fyrstu verndaráætlunina í stærsta þjóðgarði Evrópu. Áætlunin hefur verið til vinnslu hjá stjórn Vatnajökulsþjóðgarðs sem skilaði tillögum til mín hinn 8. september sl. Áætlunin er nú til umfjöllunar hjá ráðuneytinu þar sem fjallað er bæði um efnislega og formlega þætti áætlunarinnar. Engar ákvarðanir hafa verið teknar. VinnubrögðinAf því yfirliti sem birtist hér á undan sést að ég er að sjálfsögðu ekki að tefja nein mál eins og haldið er fram. Þvert á móti hefur verið unnið með faglegum hætti að því að fá fram lausnir eins hratt og kostur er, en það má aldrei verða á kostnað vandaðra vinnubragða. Rannsóknarskýrsla Alþingis skýrir vel afleiðingu óvandaðra vinnubragða og þess að regluverki stjórnsýslunnar er ýtt til hliðar. Það verða allir að vanda sig en við sem störfum í umboði kjósenda verðum að vanda okkur sérstaklega. Þeir sem hæst hafa og dýpst taka í árinni mega hugleiða það líka.
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar
Skoðun Í minningu Frans páfa - sem tók sér nafn verndardýrlings dýra og náttúru Árni Stefán Árnason skrifar
Skoðun Er ég að svindla? – Um sambýli manns og gervigreindar í sköpun og þekkingu Björgmundur Örn Guðmundsson skrifar
Skoðun Samlokan á borðinu: Hugleiðingar á föstudeginn langaum sjónvarpsþættina Adolescence Skúli Ólafsson skrifar