Mad Men sigraði á Emmy hátíðinni

Bandaríska sjónvarpsþáttaröðin Mad Men bar sigur af hólmi á Emmy hátíðinni sem fram fór í nótt en þar er besta sjónvarpsefni ársins verðlaunað.

Þátturinn, sem gerist á auglýsingastofu í Bandaríkjunum snemma á sjöunda áratug síðustu aldar var valinn besti þáttur ársins og var það í þriðja sinn í röð sem þættinum hlotnast slíkur heiður.

Kvikmyndastjarnan George Clooney fékk einnig sérstök mannúðarverðlaun á athöfninni, fyrir að skipuleggja hjálparstarf á Haítí eftir jarðskjálftann þar í landi í fyrra.